Ɛsra 5:11 - AHYERƐLƐ KRONGRON

¹¹ Na mmuayɛɛ bɔ bɛfa bɛmane yɛ ɛhe, ‘Anwuro ne aseɛ Nyameɛ ne, yɛte ye ngoaa. Yɛsa yɛsi awuro bɔ daa tetetete besili, bɔ ɔte awuro bɔ Yisrael hene piri bie osi yiele korakora ɔ.

Ɛsra 5:11 Iomraidhean Croise

Gyenesise 24:3

na memaa ɛfa AWURADE, nyameɛso Nyameɛ ne aseɛ Nyameɛ ne ɛta ndaen kyɛ, Kanaanfoɛ bɔ nde bɛ nu wa ye, engogya bɛ nu brasua biala ngɔma mma ye.

1 Ahemvo 6:38

Na ye afoɛ buru ne ko ne anu, bosome bɔ ɔtɔ so mmɔtwɛ bɔ bɛfrɛ ye Bul ne anu, beyiele sua ne ɔne ye nwo nningyein amukoraati. Bɛyɔle nikyee biala kyɛbɔ ɔdwenene ye nwo ne ala. Ɔfale afoɛ nzoo yeɛ osili sua ne ɔ.

1 Ahemvo 9:10

Solomon fale afoɛ aburanyɔ yeɛ osili sua nyɔ hemɔ yiele ɔ: AWURADE awuro ne ɔne ye bɔbɔ ye ahemvie ne.

Ɛsra 5:10

Asa koso, yɛbisale bɛ dumaa, amaa ɔnate so yahora yahyerɛ mbanyi bɔ bɛla bɛ noa nemɔ dumaa yabrɛ wɔ maa anwu ye.

Edwein 119:46

Ngɔhã wɔ noa dwirɛ nwo dwirɛ ngohyire ahemvo mɔ koso, na me nyunu ngogua ase.

Edwein 136:26

Ao, ɛ́mɔfa asennaa bɛ́ma nyameɛso Nyameɛ ne, ofikyɛ ye ɔdɔ bɔ onni ngasi ne, ɔwɔ berɛ afebɔɔ.

Daniel 3:26

Yeɛ Nebukadenesa pingyele see bɔ ogye wuronyiwuronyi wɔ foonoo ne anu ne, na osele kyɛ, “Sadrake, Mesake ne Abedinego, Anwuro Anwuro Nyameɛ ye somvoɛ mɔ, ɛ́mɔfi nu béfite bɛbra!” Yeɛ Sadrake, Mesake ne Abedinego befili see ne anu befitele.

Yona 1:9

Na obuale bɛ kyɛ, “Me, nde Hebriniɛ. Mesɔne AWURADE, nyameɛso Nyameɛ bɔ ɔbɔle ɛpo ne aseɛ wosee ne.’”

Mateo 10:32

“Yiti ebiala bɔ ɔkɔbɔ me dumaa wɔ mmenia nyunu ne, me koso ngɔbɔ ye dumaa me Baba bɔ ɔwɔ nyameɛso ne nyunu.

Luka 12:8

“Mekã mekyire ɛmɔ kyɛ, ebiala bɔ ɔkɔbɔ me dumaa mmenia nyunu nen, Sona Awa ne koso ɔkɔbɔ ye dumaa Nyameɛ abɔfo mɔ nyunu.

Asomafoɛ 27:23

Ɔnate kyɛ, ɛnɛ kɔngɔen ye, Nyameɛ bɔ nde ye deɛ ná meso ye n’abɔfo wale me berɛ,

Romanfoɛ 1:16

Na nzɛmba ne nwo nyɛ me nya, ofikyɛ ɔte Nyameɛ tumi bɔ ɔkɔ ngoalelɛ nu ma bɛ bɔ bede bedi amukoraa, Yudafoɛ yeɛ beli moa ɔ, yeɛ Amaenmaensofoɛ koso bɛtoa berɛ ɔ.

Romanfoɛ 6:16

Ɛmɔnze kyɛ sona bɔ ɛmɔyɛ sotie bɛma ye ne, sɔ sona ne yeɛ ɛmɔte ye ngoaa ɔ, ɛmɔte ngoaa bɛma sona bɔ ɛmɔyɛ sotie bɛma ye ɔ, kyɛ bɔne bɔ ɔfa wɔ kɔ ewue nu oo, anaakyɛ sotie bɔ ɔfa wɔ kɔ tenenee nu oo?

Galatiafoɛ 6:14

Na me de, Nyameɛ pa gua kyɛ ngɔfa nikyee bie ngɔhoahoa me nwo, sana y’Awurade Yesu Kristo mmeamudua ne ngome; ofikyɛ ɔnate mmeamudua ne aso babɔ wiase mmeamudua nu bama me, na me koso babɔ me mmeamudua nu bama wiase.

Yosua 24:15

Na sɛ ɛmɔ kunu ndwo kyɛ ɛmɔkɔso AWURADE de a, nzaade ɛnɛ kyẽa ye ɛ́mɔhyire bɔ ɛmɔkɔso ye ɔ: sɛ mmosoen bɔ ɛmɔ nana mɔ sole bɛ wɔ asue ne asi dɔ ne ahɔ oo, anaakyɛ Amorifoɛ bɔ ɛmɔte b’aseɛ so ye bɛ mmosoen nemɔ ahɔ oo. Nakoso me ne m’awuro ama de, yɛ de yɛkɔso AWURADE.”