Ɛsra 4:7 - AHYERƐLƐ KRONGRON

⁷ Yeɛ Pɛsia hene Atasɛsɛse aberɛ so koso, Bislam, Mitredate, Tabeel ne bɛ mmango ngaa nemɔ bɛhyerɛle krataa bɛɛmane Pɛsia hene Atasɛsɛse. Bɛhyerɛle krataa ne Aramaeke dwudwolɛ nu, na bɛtele ye noa wɔ ye dwudwolɛ nu behyirele ye.

Ɛsra 4:7 Iomraidhean Croise

2 Ahemvo 18:26

Yeɛ Hilkia awa Eliakim, Sebena ɔne Yoa besele Rabesake ne kyɛ, “Wɔ ngoaa, yɛsrɛ wɔ, kã edwirɛ ne kyire yɛ wɔ Aramaeke dwudwolɛ nu, ofikyɛ yɛte Aramaeke. Nnɛdwudwo kyire yɛ wɔ Yuda dwudwolɛ nu, ofikyɛ mmenia bɔ bɛwɔ fasue ne aso ne, bɛkɔte bɔ ɛkã ne.”

Ɛsra 4:1

Mmenia bɔ bɛpɔ Yuda ne Benyamin ne, bɛtele kyɛ mmenia bɔ befi nnurehyelɛ nu bawa ne, begu so besi AWURADE Yisrael Nyameɛ asɔneyɛɛ sua.

Ɛsra 4:17

Na Nana Atasɛsɛse maa bɛfale mmuayɛɛ he bɛɛmane bɛ, “Mefa mebrɛ Amrado Rehum ne ahyerɛlɛniɛ Simsae ne bɛ mmango mɔ bɔ bɛwɔ Samaria ne asue Yufreti si dɔ mbɔtam ne aso ne. Mebisa ɛmɔ oo.

Ɛsra 4:8

Amrado Rehum ne ahyerɛlɛniɛ Simsae bɛhyerɛle Yerusalem nwo krataa tɛɛ bɛɛmane Nana Atasɛsɛse.

Ɛsra 4:9

(Bɛhyerɛle ye kyɛ, Krataa ne fi ɛhemɔ berɛ: Amrado Rehum ne ahyerɛlɛniɛ Simsae, yeɛ bɛ mmango ngaa nemɔ, ndɛenbualɛfoɛ, amrado mɔ, mbanyi mɔ, Pɛsiafoɛ; bɛ bɔ befi Ɛreke, Babilɔn, Susa bɔ bɛfrɛ bɛ Elamfoɛ ne,

Ɛsra 5:6

Asue Yufreti si mbɔtam amrado Tatenae ne Seta Bosenae ne ye mmango maen mbanyi bɔ bɛwɔ asue Yufreti si dɔ ne, krataa bɔ bɛhyerɛ bɛɛmane Nana Dario ne, ye ɛhe:

Ɛsra 7:1

Ɛhemɔ asi ne, Pɛsia hene Atasɛsɛse aberɛ so, Ɛsra bɔ ye baba ole Seraya, bɔ ye baba ole Asaria, bɔ ye baba ole Hilkia,

Ɛsra 8:36

Asa koso, Nana Atasɛsɛse mmeraa bɔ ɔhyerɛle ye krataa nu ne, bɛye bɛmane ye mbɔtam mbanyi mɔ ne amrado mɔ bɔ begyi ye gya nu wɔ asue Yufreti si dɔ mbɔtam ne. Na bɛ koso bɛfale bɛ mmokalɛ bɛtale maen ne ne Nyameɛ awuro ne si.

Nehemia 2:1

Nana Atasɛsɛse lili bia ne, ye afoɛ bɔ ɔtɔ so aburanyɔ ne anu, bosome bɔ bɛfrɛ ye Nisan ne anu, ɛlɛho bie, né nzaa gyi Nana nyunu, na nzuli ye. Sɔ mmerɛ ne, né Nana Atasɛsɛse onnwuni kyɛ me wora abɔ wɔ ye nyunu le.

Yesaya 36:11

Yeɛ Eliakim, Sebena ne Yoa besele safohene ne kyɛ, “Wɔ ngoaa, yɛsrɛ wɔ, kã edwirɛ ne kyire yɛ wɔ Aramaeke dwudwolɛ nu, ofikyɛ yɛte Aramaeke. Nnɛdwudwo kyire yɛ wɔ Yuda dwudwolɛ nu, ofikyɛ mmenia bɔ bɛwɔ fasue ne aso ne, bɛkɔte bɔ ɛkã ne.”

Daniel 11:2

“Afei, ngohyire wɔ nahorɛ ne: Tie, ahemvo nza bieku kodwɔso wɔ Pɛsia, na bɔ ɔtɔ so nna ne, okonya ye nwo kɔtra bɛ mukoraa. Na sɛ ɔnate ye anwonya ne ati onya anwoserɛ a, okosi ebiala adua maa okodwɔso kotia Hela ahennie maen ne.

Daniel 2:4

Yeɛ Kaldeafoɛ nemɔ buale Nana wɔ Aramaeke dwudwolɛ nu kyɛ, “Nana, wɔ ngoa so oo! Wɔ somvoɛ mɔ, kã laleɛ ne yɛ, na yɛkohyire ye bo.”