Ɛsra 4:5 - AHYERƐLƐ KRONGRON

⁵ Bɛbɔle mbanyi paa kyɛ bɛbɔ Yudafoɛ bɛ botaeɛ ne begua, na ɛhe hɔle so toonn wɔ Pɛsia hene Karose aberɛ so maa oodwuli Pɛsia hene Dario aberɛ so.

Ɛsra 4:5 Iomraidhean Croise

2 Aberɛso Dwirɛ 22:4

Ɔyɔle bɔ ɔte bɔne wɔ AWURADE nyunu ɔ, kyɛbɔ Ahabo boso ama bɛyɔle ne ala. Ofikyɛ ye baba wue asi ne, Ahabo boso ama yeɛ bɛyɛle ye foɛtulɛfoɛ ɔ. Na bɛ foɛ bɔ betuli ye ne, wammoka ye koraa.

Ɛsra 4:24

Yiti Nyameɛ awuro bɔ ɔwɔ Yerusalem ne, bɛyakyili ye nwo adwuma ne bɛtole berɛ, na ɔhale berɛ toonn maa oodwuli Pɛsia hene Dario ye bia lilɛ afoɛ bɔ ɔtɔ so nyɔ ne.

Ɛsra 4:4

Na afei mmenia bɔ bɛwɔ sɔ aseɛ ne aso ne, bebuli Yudafoɛ nemɔ aba nu, na bɛmaa besurole kyɛ bekosi sua ne ɔ.

Ɛsra 4:6

Ahasuro ahennie aberɛ so, afoɛ bɔ oli moa wɔ ye ahennie ne anu ne, pɔfoɛ nemɔ hyerɛle Yudafoɛ ne Yerusalemfoɛ nwo krataa bɛɛtoatoale bɛ.

Ɛsra 5:5

Nakoso Yisrael Nyameɛ ne, né ye nye wɔ Yuda mbanyi nemɔ aso. Yiti Pɛsiafoɛ nemɔ anzi bɛ ate, kɔpem kyɛ bɛfale ye nwo amaneɛ bɛɛbɔle Dario maa ye koso ɔhyerɛle krataa wale ɔ.

Daniel 10:13

Nakoso Pɛsia ahennie nu katakyie ne, osili me ate eleburanyɔ ɛlɛho; yeɛ Mikayɛl bɔ ɔte abɔfo titire nemɔ anu ko ne, ɔɔbokale me, na nyakyili ye wɔ Pɛsia ahennie nu katakyie ne nwo berɛ.

Nahum 1:11

Ebie bɔ ɔdwene AWURADE nwo tɛɛ, bɔ ɔte foɛtulɛniɛ bɔnefoɛ ɔ, wɔ nu yeɛ wafi wawa ɔ.