Ɛsra 4:20 - AHYERƐLƐ KRONGRON

²⁰ Ahemvo atitire lili Yerusalem so, bɔ b’ahennie ne ɔtrɛ hɔle asue Yufreti si dɔ mbɔtam ne aso amukoraa ɔ. Na mmenia tuale ɛtoɔ, ndɔ, ɔne aseɛ nwo toɔ bɛmane ahemvo nemɔ.

Ɛsra 4:20 Iomraidhean Croise

Gyenesise 15:18

Na sɔ kyẽa ne ala, AWURADE ne Abram yɛle apam, na ɔhane kyɛ, “Wɔ boso ama yeɛ méfa sɔ aseɛ he méma bɛ ɔ: ofi Misraim asue noa bɔ ɔkwaadwu asue piri Yufreti noa,

1 Ahemvo 4:21

Né Solomon di hene wɔ ahennie amukoraa so, fi asue Yufreti kɔka Filistifoɛ aseɛ noa, maa ɔkɔ alaa kodwu Misraim wɛen so. Betuale toɔ bɛmane Solomon, na bɛsole ye mmerɛ bɔ ɔte ase amukoraa.

1 Ahemvo 4:24

Ofikyɛ maen maen amukoraa bɔ bɛwɔ asue Yufreti eyia atɔleɛ so, ofi Tifesa bɔ ɔkwaadwu Gasa, ɔne ahemvo amukoraa bɔ bɛwɔ Yufreti eyia atɔleɛ so ne, ye yeɛ né odi bɛ so ɔ; na onyane asomdwee maa ɔpɛle ye nwo bra yiale.

1 Ahemvo 5:1

Tiro hene Hiram tele kyɛ bapopa Solomon ngoo maa wali ye baba bia. Na ɔsomane ye somvoɛ mɔ wɔ Solomon berɛ, ofikyɛ né Hiram te Dawide obiɛngo fi tete.

1 Ahemvo 5:4

Nakoso kekesaala ye de, AWURADE me Nyameɛ amaa manya asomdwee wɔ nekaa biala. Pɔfoɛ biala ngo ndia me, yeɛ edwirɛ tɛɛ biala koso ɔttole me.

1 Aberɛso Dwirɛ 18:13

Ɔkyekyele asikyeleɛ wɔ Edom mane ye koɛhonɛfoɛ bɛtenane berɛ, na Edomfoɛ amukoraa bɛɛyɛle Dawide ngoaa. Na AWURADE bɔle Dawide nwo waen wɔ nekaa biala bɔ ɔhɔle ɔ.

1 Aberɛso Dwirɛ 18:3

Soba hene Hadadesa koso, Dawide fale koɛ ɔɔtoale ye lili ye so ngonim alaa oodwuli Hamate, wɔ mmerɛ bɔ né ɔkwaaho trɛ ye ahennie ne anu wɔ asue Yufreti noa ɔ.

1 Aberɛso Dwirɛ 18:6

Afei Dawide ɔɔkyekyele asikyeleɛ mɔ wɔ Damasko bɔ ɔwɔ Siria, na ɔmane ye koɛhonɛfoɛ bɛɛtenane dɔ. Na Siriafoɛ bɛɛyɛle Dawide ngoaa bɔ né betua ɛtoɔ bɛma ye ɔ. Na AWURADE bɔle Dawide nwo waen wɔ nekaa biala bɔ ɔhɔle ɔ.

1 Aberɛso Dwirɛ 19:19

Na ahemvo amukoraa bɔ né bewura Hadadesa bo ne, benwuni kyɛ Yisrael ali bɛ so ngonim ne, bɛ ne Dawide yɛle asomdwee apam, na bɛɛyɛle Dawide ngoaa. Na Siriafoɛ banguro kyɛ bɛkɔɔboka Amonfoɛ bieku ɔ.

2 Aberɛso Dwirɛ 17:11

Filistifoɛ nemɔ bie fale akyɛdeɛ bɛbrɛle Yehosafate, yeɛ bɛfale ɛdwetɛ koso betuale ndɔ bɛmane ye. Na Arabofoɛ koso bɛfale mmoaen nyii apee nzoo ɛyaa nzoo, yeɛ mbɔngye nyii apee nzoo ɛyaa nzoo bɛbrɛle ye.

2 Aberɛso Dwirɛ 9:14

asora bɔ dwadifoɛ nemɔ ne bɛ bɔ bɛkɔ atee so nemɔ bɛfa bɛwale ɔ; yeɛ esikaa kɔkorɛ ne ɛdwetɛ bɔ Arabia ahemvo amukoraa ɔne maen ne anu amrado nemɔ bɛfa bɛwale ɔ.

Ɛsra 4:13

Nana, yɛbɔ wɔ amaneɛ kyɛ, sɛ besa bɛkyekye sɔ kuro ne, ná bɛto ye nwo fasue beyie a, ye de bengotua ɛtoɔ, anaa ndɔ, anaa aseɛ nwo toɔ ne. Sɛ ɔba ye sɔ a, sikaa bɔ ɔba ahemvie dɔ ne, so kɔte.

Ɛsra 4:16

Nana, yɛbɔ wɔ amaneɛ kyɛ, sɛ besa bɛkyekye sɔ kuro ne, ná bɛto ye nwo fasue beyie a, ye de asue Yufreti si dɔ mbɔtam ne okofi wɔ sa.”

Ɛsra 4:19

Yiti mahyɛ mmeraa maa baneanea edwirɛ bɔ bahyerɛ bato berɛ ne anu, na wala ali pefee kyɛ, ofi tetetete yeɛ sɔ kuro ne wahɔ so wayɛ lɔen watia ahemvo mɔ ɔ, na ɛlɔenyɛlɛ ne basabasayɔlɛ ɔmba kuro ne aso.

Ɛsra 4:21

Yiti ɛ́mɔhyɛ mmeraa ma mmenia nemɔ bɛyakyi, bɔ nnɛmaa bɛkyekye kuro ne ko ɔ, kɔpem kyɛ ngɔma bɛ ate ɔ.

Ɛsra 7:24

Yɛ́ma ɛmɔte kyɛ, sɛ ɛmɔde asɔfo nemɔ, anaa Lewifoɛ, anaa edweintolɛfoɛ, anaa anoa wɛmvoɛ, anaa asɔneyɛɛ sua nwo awɛmvoɛ, anaa Nyameɛ awuro he anwo somvoɛ biala toɔ, anaa ndɔ, anaa aseɛ nwo toɔ a, otia mmeraa.

Edwein 72:8

Ma ye ahennie ɔtrɛ fi ɛpo ɔɔhã ɛpo, ofi asue ne ɔɔhã aseɛ noa.

Awuye 1:1

Ao, kuro bɔ né mmenia ayɛ nu mitimiti ne, ye yeɛ afei waha ye ngome e! Kuro bɔ né odi mu wɔ maen maen mɔ nu ne, ye yeɛ afei wakakyi kyɛ kunaniɛ ye! Kuro bɔ né odi maen maen mɔ so hemmaa ne, ye yeɛ afei de bede ye ndɔ e!

Hesekiel 19:11

Ye mmaen nemɔ anu yɛle se, na ɔkakyili ahemvo mɔ bɛ hɔtɔ. Ɔyɛle tendenn paa trale mmaen frɔmfrɔm pusaa nemɔ, na ebiala nwuni ye tendenn ne ye mmaen pusaa ne.

Mateo 9:9

Yesu fili berɛ bɔ ɔpɛ nu kɔ nen, onwuni biaa bie bɔ bɛfrɛ ye Mateo kyɛ ɔte nekaa bɔ bedide ɛtoɔ ɔ, na osele ye kyɛ, “Di me si.” Na odwɔsole lili ye si.