Ɛsra 4:15 - AHYERƐLƐ KRONGRON

¹⁵ amaa ɔnate so aneanea wɔ nana mɔ dwirɛ bɔ bahyerɛ bato berɛ ne anu. Na ekonwu ye wɔ edwirɛ bɔ bahyerɛ bato berɛ ne anu kyɛ, sɔ kuro ne ɔte ɛlɔenyɛlɛfoɛ kuro bɔ ɔmma ahemvo mɔ ne mbɔtam mɔ bɛ nwo ndɔ bɛ ɔ. Ofi tetetete yeɛ kuro berɛ ama bahɔ so bayɔ maen mbanyi nwo lɔen ɔ, na ɔnate sɔ ati yeɛ wɔ mbanyi mɔ bɛbɔle sɔ kuro ne ɔ.

Ɛsra 4:15 Iomraidhean Croise

2 Ahemvo 24:20

Nahorɛ nu, Yerusalem ne Yuda huli AWURADE ahone maa ɔnate so AWURADE pɛle bɛ asue fili ye nyunu. Na Sedekia yɛle Babilɔn hene nwo lɔen.

2 Ahemvo 25:4

Na Babilɔnfoɛ ɛlɔen ne bɛbɔngyele kuro berɛ fasue ne anu tokuro. Ɔwɔ nu kyɛ né Babilɔn ɛlɔen ne bapɛ kuro ne anwo bayia de, nakoso kɔngɔen, Nana Sedekia ne ye koɛhonɛfoɛ amukoraa bɛnwati bɛfale pambim bɔ ɔwɔ fasue bɔ ɔbɔ ye nwo nyɔ ne anu bɛhɔle. Pambim ne pingye Nana Sedekia turo ne. Bɛfale bɛ nye behyirele asue Yɔɔdan bɔnza ne anu dɔ.

Ɛsra 4:12

Nana, yɛbɔ wɔ amaneɛ kyɛ, Yudafoɛ bɔ befili wɔ dɔ bɛwale yɛ wa ne, baadwu Yerusalem, na besa bɛkyekye ɛlɔenyɛlɛfoɛ ne amumuyɛɛfoɛ kuro ne bieku. Fasue ne, basa bagua ye fapem ne maa wanya anwoserɛ, na waha kãa né bayie ye to.

Ɛsra 4:14

Nana, w’adaworoma, wɔ yeɛ yɛ ko wura wɔ sa nu ɔ, yiti ɔtte mayee kyɛ yɛkɔnea kɔmaa bekogua wɔ nyunu aseɛ ɔ. Ye sɔ ati yeɛ yahyerɛ krataa yɛbaafa yɛtia wɔ gya so ye,

Ɛsra 4:16

Nana, yɛbɔ wɔ amaneɛ kyɛ, sɛ besa bɛkyekye sɔ kuro ne, ná bɛto ye nwo fasue beyie a, ye de asue Yufreti si dɔ mbɔtam ne okofi wɔ sa.”

Nehemia 2:19

Nakoso Horonniɛ Sanbalate, Amonniɛ Tobia bɔ ɔte somvoɛ ne, yeɛ Araboniɛ Gesem bɛtele bɔ ɔkɔ so nen, bɛserele yɛ bɛgorole yɛ nwo kyɛ, “Na nzikyɛ yeɛ ɛmɔkyire ye? Ɛmɔyɛ Nana nwo lɔen anaa?”

Nehemia 6:6

Krataa ne anu dwirɛ ole kyɛ, “Bɛkekã ye wɔ maen maen so, na Gesem koso wafa wato so, kyɛ ɛne Yudafoɛ ɛmɔbɔ porɛ kyɛ ɛmɔkɔyɛ lɔen. Ye sɔ ti yeɛ esi fasue nen. Amaneɛ bɔ baabɔ yɛ ne kyire kyɛ ɛpena kyɛ ɛyɛ bɛ so hene.

Ɛseta 2:23

Bɛneaneane edwirɛ ne anu, na benwuni kyɛ ɔte nahorɛ nen, bɛbɔle sɔ mmienzua nyɔ ne kɔme wɔ bakaa so. Na bɛhyerɛ bewurale aberɛso dwirɛ nwomaa ne anu wɔ Nana Ahasuro nyunu berɛ.