Ɛsra 4:12 - AHYERƐLƐ KRONGRON

¹² Nana, yɛbɔ wɔ amaneɛ kyɛ, Yudafoɛ bɔ befili wɔ dɔ bɛwale yɛ wa ne, baadwu Yerusalem, na besa bɛkyekye ɛlɔenyɛlɛfoɛ ne amumuyɛɛfoɛ kuro ne bieku. Fasue ne, basa bagua ye fapem ne maa wanya anwoserɛ, na waha kãa né bayie ye to.

Ɛsra 4:12 Iomraidhean Croise

2 Ahemvo 18:20

Ɛnwa nzɛ bɛ noa mbaen yeɛ bɛfa bɛko koɛ ɔ? Nwa yeɛ afa wɔ nwo ato ye so bɔ yiti yeɛ ayɛ me nwo lɔen ye?

2 Ahemvo 24:1

Yehoakim aberɛ so, Babilɔn hene Nebukadenesa fale koɛ ɔɔtetale Yuda. Yehoakim yɛle akoaa Nebukadenesa sa nu afoɛ nza. Afei Yehoakim yɛle ye nwo lɔen.

2 Aberɛso Dwirɛ 36:13

Nana Nebukadenesa bɔ né wama Sedekia wata Nyameɛ ndaen kyɛ ɔngɔyɛ ye nwo lɔen ne, Sedekia yɛle ye nwo lɔen. Sedekia yɛle asoserɛ, ná obubuli mmakaa tuale ye so kyɛ ɔngɔso AWURADE Yisrael Nyameɛ ne.

Ɛsra 4:11

Krataa bɔ bɛhyerɛ bɛɛmane Nana Atasɛsɛse ne, nu dwirɛ ɛhe): “Yɛfa krataa he yɛbrɛ Nana Atasɛsɛse. Wɔ somvoɛ mɔ bɔ yɛwɔ asue Yufreti si dɔ mbɔtam ne aso ne, yɛbisa wɔ bisabisa.

Ɛsra 4:15

amaa ɔnate so aneanea wɔ nana mɔ dwirɛ bɔ bahyerɛ bato berɛ ne anu. Na ekonwu ye wɔ edwirɛ bɔ bahyerɛ bato berɛ ne anu kyɛ, sɔ kuro ne ɔte ɛlɔenyɛlɛfoɛ kuro bɔ ɔmma ahemvo mɔ ne mbɔtam mɔ bɛ nwo ndɔ bɛ ɔ. Ofi tetetete yeɛ kuro berɛ ama bahɔ so bayɔ maen mbanyi nwo lɔen ɔ, na ɔnate sɔ ati yeɛ wɔ mbanyi mɔ bɛbɔle sɔ kuro ne ɔ.

Ɛsra 4:19

Yiti mahyɛ mmeraa maa baneanea edwirɛ bɔ bahyerɛ bato berɛ ne anu, na wala ali pefee kyɛ, ofi tetetete yeɛ sɔ kuro ne wahɔ so wayɛ lɔen watia ahemvo mɔ ɔ, na ɛlɔenyɛlɛ ne basabasayɔlɛ ɔmba kuro ne aso.

Ɛsra 5:3

Sɔ mmerɛ ne ala, asue Yufreti si mbɔtam amrado Tatenae, ɔne Seta Bosenae ne bɛ mmango mɔ bɛwale Yudafoɛ berɛ beebisale bɛ kyɛ, “Nwa yeɛ ɔmane ɛmɔ ate kyɛ ɛmɔsa besi sua ye, ná ɛmɔto ye nwo fasue ɔ?”

Ɛsra 5:9

Yɛbisale bɛ mbanyi nemɔ kyɛ, ‘Nwa yeɛ ɔmane ɛmɔ ate kyɛ ɛmɔsa besi sua ye ná ɛmɔto ye nwo fasue ɔ?’

Nehemia 1:3

Na bɛbɔle me amaneɛ kyɛ, “Mmenia bɔ bangye bɛ nnure bangɔ bie, ná bɛwɔ maen ne anu ne, amaneɛ ne animguaseɛ kandinga paa ato bɛ. Pɔfoɛ nemɔ babubu Yerusalem fasue ne bagua, yeɛ ye pambim nemɔ koso bato nu see bayera bɛ.”

Nehemia 6:6

Krataa ne anu dwirɛ ole kyɛ, “Bɛkekã ye wɔ maen maen so, na Gesem koso wafa wato so, kyɛ ɛne Yudafoɛ ɛmɔbɔ porɛ kyɛ ɛmɔkɔyɛ lɔen. Ye sɔ ti yeɛ esi fasue nen. Amaneɛ bɔ baabɔ yɛ ne kyire kyɛ ɛpena kyɛ ɛyɛ bɛ so hene.

Ɛseta 3:8

Yeɛ Haman sele Nana Ahasuro kyɛ, “Manzini amukoraa bɔ bɛwɔ w’ahennie ye anu ye, nu mmenia ne, bɛ nu biemɔ wɔ nu bɔ bɛwɔ manzini nemɔ nu nekaa biala, bɔ bɛ suban te sonongo ɔ. Asora bɛ mmeraa, yeɛ asora mmenia ngaa nemɔ koso bɛ deɛ. Nana, benni wɔ mmeraa so. Nana, ɔtte mayee kyɛ ɛkɔyakyi bɛ maa bɛkɔyɔ sɔ ɔ.

Yeremia 52:3

Nahorɛ nu, AWURADE ahone huli Yerusalem ne Yuda so maa ɔnate so ɔpɛle bɛ asue fili ye nyunu. Sedekia yɛle Babilɔn hene nwo lɔen.

Daniel 3:8

Na sɔ mmerɛ ne, Kaldeafoɛ biemɔ bɛɛbɔle Yudafoɛ mɔ kwaadu yeayea.

Daniel 9:25

Yiti hyɛ ye nzorɛ ná te ye bo kyɛ, ofi mmerɛ bɔ ahyɛdeɛ ne wale kyɛ bekosa bɛkɔkyekye Yerusalem bɔ ɔkwaadwu mmerɛ bɔ Titireniɛ bɔ bapopa ye ngoo ne kɔwa ne, ɔte afoɛ nzoo. Bɛkɔfa afoɛ nzoo sɔ alaa aburasia ne nyɔ yeɛ bekosa bɛkɔkyekye ye mmorɔnoɛ ne ye fasue ne ɔ, nakoso ɔkɔyɛ amaneɛ mmerɛ.

Luka 13:34

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ nyɛɛ ɛhe yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Asomafoɛ 24:5

Yanwu kyɛ sɔ akoaa he te busueniɛ bɔ ɔbɔ maen ɔ. Ɔfa manzoen toto Yudafoɛ amukoraa bɔ bɛwɔ ewiase amukoraa b’afia, na ye yeɛ ɔte Nasarɛtefoɛ fekue ne aso panyi ɔ.

1 Tɛsalonikafoɛ 5:22

ná ɛmɔhwe ɛmɔ nwo befi bɔne sue mukoraa nwo.