Ɛsra 3:7 - AHYERƐLƐ KRONGRON

⁷ Ye sɔ ne ati, bɛfale sikaa bɛbɔle suasilɛfoɛ ne bakaa dwumvoɛ mɔ paa, na bɛmane Sidonfoɛ ne Tirofoɛ aleɛ, anonneɛ ne ngoo maa bɛfale sida mmakaa beguale ɛpo so befili Lebanon bɛwale Yopa, kyɛbɔ Pɛsia hene Karose mane bɛ ate kyɛ bɛyɔ ne ala.

Ɛsra 3:7 Iomraidhean Croise

2 Samuel 5:11

Tiro hene Hiram tuli mmenia maa bɛhɔle Dawide berɛ. Bɛfale sida mmakaa bɛɛmane ye. Bakaa dwumvoɛ mɔ ne suasilɛfoɛ boka so yeɛ bɛhɔle ɔ, na besili awuro bɛmane Dawide.

1 Ahemvo 5:6

Yiti maa bebu sida mmakaa béfi Lebanon bɛbrɛ me. Me somvoɛ mɔ kɔɔboka wɔ somvoɛ mɔ so, na akatuaa biala bɔ ɛkɔhã kyɛ mva mma wɔ somvoɛ nemɔ ne, ngɔfa ngɔma wɔ; ofikyɛ ɛse kyɛ ebiala nne yɛ wa bɔ ɔse mmakaa bu kyɛ Sidonfoɛ ɔ.”

2 Ahemvo 12:10

Mmerɛ biala, sɛ benwu kyɛ esikaa bɔ bafa bagua alaka ne anu ne wasone a, Nana ye ahyerɛlɛniɛ ne, ɔne ɔsɔfo panyi ne, bɛkɔye bɛka, na bɛbɔ ye borɛ mmɔtɔ nu.

2 Ahemvo 12:13

Nakoso AWURADE awuro ne anu ayaa bɔ bafa ɛdwetɛ bayɔ ɔ nemɔ, akapɛ bɔ bɛfa bɛtengyɛtengyɛ kanea nyamaa nemɔ, turonzemaa nemɔ, totorobɛndo nemɔ anaa nikyee biala bɔ bafa esikaa kɔkorɛ anaa ɛdwetɛ bayɔ ɔ de, bamva esikaa bɔ bɛfa bɛwale AWURADE awuro ne bie bandɔ,

2 Aberɛso Dwirɛ 34:10

Adwumayɔlɛfoɛ bɔ bɛnea AWURADE awuro adwuma ne aso ne, bɛfale esikaa ne bewurale bɛ sa. Na adwumayɔlɛfoɛ bɔ né bɛyɔ AWURADE awuro ne yé ne, bɛfale sɔ esikaa ne bɛyɔle AWURADE awuro ne yé maa osili ye daa nu.

Ɛsra 3:6

Kyẽa bɔ oli moa wɔ bosome bɔ ɔtɔ so nzoo ne anu yeɛ bɛhyɛle ye bo bɛbɔle naen yeralɛ afɔleɛ bɛmane AWURADE ɔ. Nakoso né bennya bɛttole AWURADE asɔneyɛɛ sua fapem ne.

Hesekiel 27:17

Yuda ne Yisrael maen bɛ ne wɔ lili dwaa. Bɛfale atokoɔ bɔ ofi Minite, ayuo, woɛ, ngoo ne sakyeɛ yeɛ bɛsesane wɔ dwaa nningyein ɔ.

Yona 1:3

Nakoso Yona dwɔsole kyɛ ɔnwati fi AWURADE nyunu ɔkɔ Tasise. Ɔhɔle Yopa, na onwuni ɛlɛen bie bɔ ɔkɔ Tasise ɔ. Yiti otuale ye ɛlɛen sikaa ne, na ɔfo ɔtenane nu kyɛ ɔnwati fi AWURADE nyunu ɔne bɛ kɔ Tasise.

Asomafoɛ 12:20

Né Herode afɛ Tirofoɛ ne Sidonfoɛ so yaa paa, yiti betuli mmenia kyɛ beenwu ye. Bɛfale bɛ dwirɛ bɛtole Blasto bɔ ɔnea ahemvie berɛ ne nyunu kyɛ ɔboka bɛ na ɔsrɛ ma bɛ, ɔnate kyɛ Herode maen nu yeɛ bɛ maen ne nya ye aleɛ fi ɔ.

Asomafoɛ 9:36

Né gyidiniɛ braa bie bɔ bɛfrɛ ye Tabita wɔ Yopa. (Hela dwudwolɛ nu, Tabita bo kyire Dɔkase, bɔ ye koso ye bo kyire wanzane). Braa he fale paayɛlɛ ne ehiafoɛ adɔeɛyɛlɛ yɛle ye adwuma.

Asomafoɛ 9:38

Yopa ne Lida anwa biala. Yiti mmerɛ bɔ Yopa agyidifoɛ tele kyɛ Petro wɔ Lida nen, bɛsomane mmenia nyɔ maa beesele ye kyɛ, “Yɛsrɛ wɔ, ma wɔ nwo yɛ nyera ná bra yɛ wa.”

Asomafoɛ 9:43

Na Petro tenane Yopa lili ngyẽa pee wɔ Simɔn bie bɔ owura naen nwomaa ayire ɔ ye awuro.