Ɛsra 3:6 - AHYERƐLƐ KRONGRON

⁶ Kyẽa bɔ oli moa wɔ bosome bɔ ɔtɔ so nzoo ne anu yeɛ bɛhyɛle ye bo bɛbɔle naen yeralɛ afɔleɛ bɛmane AWURADE ɔ. Nakoso né bennya bɛttole AWURADE asɔneyɛɛ sua fapem ne.

Ɛsra 3:6 Iomraidhean Croise

Ɛsra 3:5

Besa bɛbɔle daa daa naen yeralɛ afɔleɛ, ɛsraen foforɛ afɔleɛ, AWURADE aluolue krongron afɔleɛ ne amukoraa, ɔne akyɛdeɛ afɔleɛ bɔ ebiala ɔbɔ mane AWURADE ɔ.

Ɛsra 3:7

Ye sɔ ne ati, bɛfale sikaa bɛbɔle suasilɛfoɛ ne bakaa dwumvoɛ mɔ paa, na bɛmane Sidonfoɛ ne Tirofoɛ aleɛ, anonneɛ ne ngoo maa bɛfale sida mmakaa beguale ɛpo so befili Lebanon bɛwale Yopa, kyɛbɔ Pɛsia hene Karose mane bɛ ate kyɛ bɛyɔ ne ala.

Lewitikɔso 23:24

“Ka kyire Yisraelfoɛ kyɛ, Bosome bɔ ɔtɔ so nzoo ne, ye kyẽa bɔ oli moa ne, ɛ́mɔma ɔ́yɛ afofikyẽa bɔkɔɔ ma ɛmɔ; ɛ́mɔfa totorobɛndohulɛ béyia nyianu krongron.

Lewitikɔso 23:25

Nnɛma ɛmɔyɔ adwuma biala, na ɛmɔbɔ see so afɔleɛ bɛma AWURADE.”

Numeri 29:1

“Bosome nzoo ne, ye kyẽa bɔ oli moa ne, ɛ́mɔyɛ nyianu krongron; nnɛma ɛmɔyɔ adwuma biala. Ɔte kyẽa bɔ ɔsɛ kyɛ ɛmɔhu totorobɛndo nemɔ ɔ.

Numeri 29:2

Odi kyɛ ɛmɔbɔ naen yeralɛ afɔleɛ bɔ ɔbo AWURADE fona ɔ bɛma ye: ɛ́mɔfa nandwie nyii akrɔngrɔma ko, boaen nyii ko, yeɛ mmoaen nyii akrɔngrɔma nzoo bɔ bali afoɛ ngoko, bɔ bellili nnɛen biala ɔ.