Ɛsra 3:4 - AHYERƐLƐ KRONGRON

⁴ Belili Asese aluolue ne, kyɛbɔ bahyerɛ bato berɛ ne. Ngaka somaa bɔ ɛlɛho biala odi kyɛ bɛfa bɛbɔ naen yeralɛ afɔleɛ wɔ aluolue ne anu ne, belili so kyɛbɔ nhyehyɛleɛ ne te ne ala.

Ɛsra 3:4 Iomraidhean Croise

1 Aberɛso Dwirɛ 16:37

Dawide yɛle nhyehyɛleɛ mane Asafe ne ye mmango Lewifoɛ, kyɛ bɛhɔ AWURADE apam alaka ne anyunu bɛɛsɔne wɔ alaka ne anyunu daa, kyɛbɔ odi kyɛ bɛyɔ ye daa biala ɔ.

2 Aberɛso Dwirɛ 31:16

Bɛhyɛle nningyein ne bɛmane mmienzua bɔ bali ofi afoɛ nza bɔ ɔkɔ ɔ, ɔmva ye nwo kyɛbɔ b’aworɛ ndoatoasoɛ bɔ baha bɛ ne, ɔte ɔ. Nningyein ne, bɛhyɛle bɛmane bɛ bɔ né bɛba AWURADE asɔneyɛɛ sua ne anu bɛbayɔ bɛ daa daa adwuma, kyɛbɔ b’asɔfo kure te ɔ.

Ɛksadɔso 23:16

“Di Buberɛ aluolue ne, wɔ mmerɛ bɔ ekoli moa kɔpɛ aleɛ bɔ alua ye wɔ aseɛ ne aso ne. Di Aleɛ Noa Boaboalɛ aluolue ne, wɔ afoɛ ne ayieleɛ, mmerɛ bɔ afa wɔ boo nu aleɛ ne.

Ɛksadɔso 29:38

“Ɛlɛho biala, fa ɛhe bɔ afɔleɛ wɔ afɔleɛ bokyea ne aso: mmoaen akrɔngrɔma nyɔ bɔ ebiala ali afoɛ ko ɔ.

Ɛksadɔso 5:13

Adwumayɔlɛfoɛ so mbanyi nemɔ hane bɛ bo kyɛ, “Odi kyɛ ɛmɔyie ɛmɔ daa daa adwuma ne, kyɛbɔ ɛserɛ wɔ berɛ ne ɛmɔyɔle ne ala!”

Yeremia 52:34

Na nningyein bɔ Yehoakyin hia ye daa biala ne wora, Babilɔn hene hɔle so fa mane ye mmerɛ bɔ ɔte ase ne, kɔpem kyɛ owuli ɔ.

Lewitikɔso 23:33

Na AWURADE sele Mose kyɛ,

Numeri 29:39

Ɛhemɔ ole aluolue bɔ AWURADE ahyehyɛ wato berɛ wama ɛmɔ ɔ. Odi kyɛ ɛmɔ bɔhyɛlɛ afɔleɛ nemɔ ɔne ɛmɔ akyɛdeɛ afɔleɛ nemɔ, ɔne ɛmɔ naen yeralɛ afɔleɛ, ɔne ɛmɔ aburoo afɔleɛ nemɔ, ɔne ɛmɔ anonneɛ afɔleɛ ɔne ɛmɔ asomdwee afɔleɛ nemɔ koso, ɛmɔbɔ.”

Yohane 7:2

Né Yudafoɛ Asese aluolue ne apingye.

Yohane 7:37

Na kyẽa bɔ ɔpɛ ye bo, bɔ ɔte aluolue ne anu kyẽa piri ne, Yesu dwɔso gyinane, na ɔteane nu hane kyɛ, “Sɛ nzuhɔen ku ebie a, ɔbra me berɛ ɔɔno nzue oo.