Ɛsra 3:3 - AHYERƐLƐ KRONGRON

³ Ɔwɔ nu kyɛ né besuro maen maen mɔ bɔ bapɛ bɛ nwo bayia ne de, nakoso besili afɔleɛ bokyea ne besiele ye boso, na bɛbɔle naen yeralɛ afɔleɛ wɔ so bɛmane AWURADE ngyerɛmɔ ne nɔsoa biala.

Ɛsra 3:3 Iomraidhean Croise

1 Aberɛso Dwirɛ 16:40

kyɛ bɛbɔ naen yeralɛ afɔleɛ bɛma AWURADE daa biala, ngyerɛmɔ ne nɔsoa, wɔ naen yeralɛ afɔleɛ bokyea ne aso, kyɛbɔ edwirɛ amukoraa bɔ AWURADE fa mane Yisrael, bɔ wamaa bahyerɛ ye wɔ ye mmeraa ne anu ne, ɔte ne ala.

2 Aberɛso Dwirɛ 4:1

Ɔyɔle kɔɔbere afɔleɛ bokyea bɔ ye tendenn te agyirɛ aburanyɔ, ye tɛtrɛtɛɛ te agyirɛ aburanyɔ, yeɛ ofi ye aseɛnwo bɔ ɔkwaadwu ye anwuro ne, ɔte agyirɛ buru ɔ.

Ɛsra 4:4

Na afei mmenia bɔ bɛwɔ sɔ aseɛ ne aso ne, bebuli Yudafoɛ nemɔ aba nu, na bɛmaa besurole kyɛ bekosi sua ne ɔ.

Ɛsra 5:15

Osele ye kyɛ, ‘De sɔ nningyein hemɔ. Fa kogua asɔneyɛɛ sua bɔ ɔwɔ Yerusalem bɔ ɔte Nyameɛ awuro ne anu, ná maa besa besi besie ye boso.’

Hesekiel 43:16

Afɔleɛ bokyea ne tendenn nu te agyirɛ buru ne nyɔ, yeɛ ye tɛtrɛtɛɛ nu te agyirɛ buru ne nyɔ, ɔte ahinanan.