Ɛsra 3:2 - AHYERƐLƐ KRONGRON

² Afei Yesua bɔ ye baba ole Yosadake ne, ɔne ye mmango asɔfo mɔ, yeɛ Sɛtiɛl awa Serubabɛl ne ye abusuafoɛ bɛbɔle ye bo besili Yisrael Nyameɛ afɔleɛ bokyea, bɔ bɛkɔbɔ naen yeralɛ afɔleɛ wɔ so ɔ, kyɛbɔ bahyerɛ ye wɔ Nyameɛ sona Mose mmeraa ne anu ne.

Ɛsra 3:2 Iomraidhean Croise

Gyenesise 12:7

Na AWURADE yele ye nwo ali hyirele Abram, na osele kyɛ, “Wɔ bosofoɛ yeɛ ngɔfa sɔ aseɛ he ngɔma bɛ ɔ.” Yiti Abram sili afɔleɛ bokyea berɛ mane AWURADE bɔ ɔyele ye nwo ali hyirele ye ne.

1 Aberɛso Dwirɛ 23:14

Nakoso Nyameɛ sona Mose de, bɛhale ye boso ama bɛbokale Lewi abusua kure ne.

1 Aberɛso Dwirɛ 3:17

Yekonia bɔ bɛhyele ye nnure ne, ye mma mɔ ole ɛhemɔ: Sɛtiɛl,

1 Aberɛso Dwirɛ 3:19

Pedaya mma mmienzua mɔ ole Serubabɛl ne Simei, yeɛ Serubabɛl mma mmienzua mɔ ole Mesulam ne Hanania bɔ b’eliɛma brasua ole Selomite ne.

2 Aberɛso Dwirɛ 6:6

Nakoso nneane nu nyele Yerusalem kyɛ mefa me dumaa meto so, yeɛ nneane nu nyele Dawide kyɛ oli me maen Yisrael so.’

Ɛsra 10:18

Benwuni kyɛ asɔfo abusua ne, bɛ bɔ bagyigya Amaenmaensofoɛ mmrasua mɔ ɛhe: Yosadake awa Yesua ye bosofoɛ ne oliɛma mɔ: Maaseya, Eliesa, Yaribo ne Gedalia.

Ɛsra 10:20

Yimere bosofoɛ nemɔ: Hanani ne Sebadia.

Ɛsra 10:21

Harim bosofoɛ nemɔ: Maaseya, Elia, Semaya, Yehiel ne Yusia.

Ɛsra 10:22

Pasure bosofoɛ nemɔ: Elionae, Maaseya, Yismael, Netanɛl, Yosabade ne Elasa.

Ɛsra 2:2

Mmenia hemɔ yeɛ belili bɛ nyunu bɛfale bɛ bɛwale ɔ: Serubabɛl, Yesua, Nehemia, Seraya, Reelaya, Modekae, Bilsan, Misepare, Bigiwae, Rehum, yeɛ Baana. Yisrael mmienzua bɔ befili nnurehyelɛ nu bɛwale ne, bɛ somaa ɛhe:

Ɛsra 3:8

Beedwuli Nyameɛ awuro ne anwo wɔ Yerusalem nen, afoɛ nyɔ ne anu, ye bosome bɔ ɔtɔ so nyɔ ne anu, Sɛtiɛl awa Serubabɛl ne Yosadake awa Yesua bɛhyɛle sua ne silɛ bo. Bɛ ne Yisraelfoɛ ngaa ne, asɔfo mɔ ne Lewifoɛ mɔ, yeɛ ebiala bɔ ofili nnurehyelɛ nu wale Yerusalem ne. Bɛyele Lewifoɛ bɔ bali ofi afoɛ aburanyɔ bɔ ɔkɔ ɔ besiele berɛ kyɛ AWURADE awuro ne bɛnea ye silɛ so.

Ɛsra 5:2

Na ɛhe mane Sɛtiɛl awa Serubabɛl ne Yosadake awa Yesua bɛhyɛle ye bo kyɛ besa besi Nyameɛ awuro ne wɔ Yerusalem. Na Nyameɛ ngɔmhyɛlɛfoɛ nemɔ gyinane bɛ si bɛbokale bɛ.

Nehemia 12:1

Asɔfo ne Lewifoɛ bɔ bɛ ne Sɛtiɛl awa Serubabɛl, yeɛ Yesua bɛwale nemɔ ɛhe: Seraya, Yeremia, Ɛsra,

Nehemia 12:8

Na Lewifoɛ nemɔ ɛhe: Yesua, Binuyi, Kadimiɛl, Serebia, Yuda yeɛ Matania bɔ ɔne ye mmango Lewifoɛ mɔ yeɛ né bɛnea ayɛyelɛ edweintolɛ ne aso ɔ.

Edwein 78:68

na mmom ɔneaneane nu yele Yuda abusua kure, bɔ ye ole Sion bokaa bɔ okuro ye dwirɛ ne.

Ɛksadɔso 27:1

“Fa bɔsema si afɔleɛ bokyea. Ma ye tendenn nu yɛ agyirɛ nnu, ná ye tɛtrɛtɛɛ nu yɛ agyirɛ nnu. Ma afɔleɛ bokyea ne yɛ ahinanan, ná ma ye aseɛnwo bɔ ɔkwaadwu ye anwuro ne ɔyɛ agyirɛ nza.

Hagae 1:1

Nana Dario ahennie afoɛ bɔ ɔtɔ so nyɔ ne anu, bosome nzia ne anu, kyẽa bɔ oli moa ne, AWURADE fale ngɔmhyɛlɛniɛ Hagae so hã hyirele Yuda amrado Serubabɛl bɔ ye baba ole Sɛtiɛl ne, ɔne ɔsɔfo panyi Yosua bɔ ye baba ole Yehosadake ne kyɛ,

Hagae 1:12

Yeɛ Sɛtiɛl awa Serubabɛl ne Yehosadake awa ɔsɔfo panyi Yosua ne maen mmaa ngaa ne amukoraa belili AWURADE bɛ Nyameɛ dwirɛ so, ɔne ngɔmhyɛlɛniɛ Hagae dwirɛ so, kyɛbɔ AWURADE bɛ Nyameɛ somane ye maa ɔhane ne; na maen ne surole wɔ AWURADE nyunu.

Hagae 1:14

Na AWURADE kanyane Sɛtiɛl awa Serubabɛl bɔ ɔte Yuda amrado ne ye sunzum, ɔne Yehosadake awa ɔsɔfo panyi Yosua sunzum, yeɛ maen mmaa ngaa ne amukoraa bɛ sunzum. Yiti bɛwale bɛɛyɔle Asafo AWURADE, bɛ Nyameɛ n’awuro ne nwo adwuma,

Hagae 2:21

“Kã kyire Yuda amrado Serubabɛl kyɛ: Mebaawoso anwuro ne aseɛ.

Hagae 2:23

Sɔ kyẽa ne, Asafo AWURADE noa dwirɛ ɛne, ngɔfa wɔ ngɔyɛ me deɛ, me somvoɛ Serubabɛl bɔ ɛte Sɛtiɛl awa ne, AWURADE noa dwirɛ ɛne; na ngɔfa wɔ ngɔyɛ kyɛ nzɔanoɛ pɛteaa; ofikyɛ maneanea nu maye wɔ, Asafo AWURADE noa dwirɛ ɛne.”

Sakaria 3:1

Afei ohyirele me ɔsɔfo panyi Yosua bɔ né ogyi AWURADE abɔfo ne nyunu berɛ ɔ, na né Satan gyi ye sa famaa so berɛ kyɛ ɔbɔ ye kwaadu.

Sakaria 3:8

Afei tie, ɔsɔfo panyi Yosua, ɛne wɔ mmango bɔ bɛtete wɔ nyunu berɛ ne, ofikyɛ bɛte anwanwafoɛ. Na tie, mebaafa MMAEN bɔ ɔte me somvoɛ ne meba.

Sakaria 6:11

Fa ɛdwetɛ ne sikaa kɔkorɛ yɛ abotire mɔ, ná fa bɔ Yohosadake awa ɔsɔfo panyi Yosua,

Numeri 28:2

“Fa sɔ ahyɛdeɛ he ma Yisraelfoɛ kyɛ, M’afɔleɛ, aleɛ bɔ bɛbɔ ye see so bɛma me, bɔ ɔbo me fona ne, ɛ́mɔnea yé kyɛ ɛmɔkɔbɔ bɛkɔma me mmerɛ bɔ m’ahyɛ ne pɛpɛɛpɛ.

Luka 3:27

bɔ ɔse ole Yoanan, bɔ ɔse ole Resa, bɔ ɔse ole Serubabɛl, bɔ ye koso ɔse ole Sɛtiɛl, bɔ ɔse ole Neri,

Maenbulɛfoɛ 6:24

Gideon sili afɔleɛ bokyea mane AWURADE wɔ berɛ, na ɔtole afɔleɛ bokyea ne dumaa AWURADE te Asomdwee. Afɔleɛ bokyea ne tɛ gyi Abiesefoɛ kuro Ofra nu maa waadwu ɛnɛ.