Ɛsra 3:11 - AHYERƐLƐ KRONGRON

¹¹ Bɛtole AWURADE nwo ayɛyelɛ ne asennaa dwein fɛfɛɛfɛ kyɛ, “Nyameɛ te paa, ofikyɛ ye ɔdɔ bɔ onni ngasi ne, ɔwɔ berɛ daa ma Yisrael.” Na maen ne amukoraa bɛbɔle ese besurole so bɛyele AWURADE ayɛ, ofikyɛ né bahyɛ ye bo bato AWURADE awuro fapem ne.

Ɛsra 3:11 Iomraidhean Croise

1 Aberɛso Dwirɛ 16:34

Ao, ɛmɔla AWURADE ase, ofikyɛ ɔte paa, na ye ɔdɔ bɔ onni ngasi ne, ɔwɔ berɛ afebɔɔ.

1 Aberɛso Dwirɛ 16:41

Heman ne Yedutun, yeɛ bɛ bɔ bahyɛ da baye bɛ kyɛ bɛye AWURADE ayɛ, wɔ ye ɔdɔ bɔ onni ngasi bɔ ɔwɔ berɛ daa ne ati ne, né bɛboka bɛ so.

2 Aberɛso Dwirɛ 5:13

Totorobɛndohulɛfoɛ ne edweintolɛfoɛ nemɔ, b’adwuma ole kyɛ bɛkɔbɔ nu bɛkɔye AWURADE ayɛ bɛkɔla ye ase ɔ. Na sɛ bɛkenga edwein ne a, bɛfa totorobɛndo ne firikyiwa ne edweintolɛ nningyein ahoroɔ besuro so bɛye AWURADE ayɛ kyɛ, “Ɔte paa, na ye ɔdɔ bɔ onni ngasi ne, ɔwɔ berɛ daa.” Sɔ mmerɛ ne, munungum yili AWURADE awuro berɛ tɛkyɛ.

2 Aberɛso Dwirɛ 7:3

Na Yisraelfoɛ amukoraa benwuni kyɛ see ɔtɔ gua ase, ɔne kyɛ AWURADE animnyam amundu asɔneyɛɛ sua ne aso nen, bɛkotole bɛfale bɛ nyunu bebutuli ase, na bɛsɔnene AWURADE bɛlale ye ase kyɛ, “Ɔte paa, na ye ɔdɔ bɔ onni ngasi ne, ɔwɔ berɛ daa.”

Nehemia 12:24

Lewifoɛ mbanyi bɔ né bɛlela bɛ noa ɛhe: Hasabia, Serebia, yeɛ Yesua bɔ ye baba ole Kadimiɛl ne, bɛ ne b’eliɛma mɔ bɔ né begyina bɛ ndendeneɛ so besuro ayɛyelɛ ne asennaa dwein ne aso, kyɛbɔ Nyameɛ sona Dawide hyɛle ne. Kure ko to ye deɛ yie a, né ko koso wato ye deɛ.

Nehemia 12:40

Yiti edweintolɛfoɛ kure nyɔ bɔ bɛye Nyameɛ ayɛ ne, beegyinane Nyameɛ awuro ne anu berɛ. Yeɛ mene mbanyi nemɔ anu bue, yɛ koso yɛɛgyinane berɛ bie.

Edwein 100:5

Ofikyɛ AWURADE te paa, ye ɔdɔ bɔ onni ngasi ne wɔ berɛ afebɔɔ, na ye nahorɛlilɛ wɔ berɛ ma aworɛ ndoatoasoɛ amukoraa.

Edwein 103:17

Nakoso AWURADE ye ɔdɔ bɔ onni ngasi ne, ɔwɔ berɛ ofi tetetete bɔ ɔkwaadwu afebɔɔ ma bɛ bɔ besuro ye ɔ, na ye tenenee wɔ berɛ ma bɛ mma ne bɛ nnomaa mɔ;

Edwein 106:1

Ɛ́mɔye AWURADE ayɛ! Ao, ɛmɔla AWURADE ase, ofikyɛ ɔte paa; na ye ɔdɔ bɔ onni ngasi ne, ɔwɔ berɛ afebɔɔ.

Edwein 107:1

Ao, ɛmɔla AWURADE ase, ofikyɛ ɔte paa, na ye ɔdɔ bɔ onni ngasi ne, ɔwɔ berɛ afebɔɔ.

Edwein 118:1

Ao, ɛmɔla AWURADE ase, ofikyɛ ɔte paa, na ye ɔdɔ bɔ onni ngasi ne, ɔwɔ berɛ afebɔɔ!

Edwein 131:1

Ao AWURADE, m’ahone nyɛ anwomasoɛ, me nye ndra me ndo nwiaa, yeɛ menha me nwo nningyein mbiri mbiri nwo, anaa anwanwadeɛ bɔ ɔbo me so ɔ nwo.

Edwein 135:3

Ɛ́mɔye AWURADE ayɛ, ofikyɛ AWURADE te paa; ɛ́mɔto ye dumaa nwo dwein, ofikyɛ ɔyɛ fɛ.

Edwein 47:1

Amaenmaen amukoraa, ɛ́mɔbɔ ɛmɔ sa nu; ɛ́mɔbɔ se bɛto Nyameɛ nwo ahurusi dwein.

Edwein 47:5

Esebɔlɛ nu yeɛ Nyameɛ fa fo kɔ anwuro ɔ, totorobɛndohulɛ nu yeɛ AWURADE ɔfa fo kɔ ɔ.

Ɛksadɔso 15:21

Na Miriam surole so kyɛ, “Ɛ́mɔto dwein bɛ́ye AWURADE ayɛ, ofikyɛ wama ye nwo so ngonim nu; wagyi pɔngɔ ne pɔngɔhanɛniɛ ne wagua ɛpo nu.”

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yesaya 44:23

O anwuro anwuro, ɛ́mɔto anigye dwein, ofikyɛ AWURADE yeɛ wayɔ sɔ ɔ; O aseɛ bo dɔ, ɛ́mɔbɔ ese; O mmokaa mɔ, ɛ́mɔto anigye dwein serɛserɛ; O ɛhɔayeɛ mɔ ne nu mmakaa koso, ɛ́mɔyɔ sɔ! Ofikyɛ AWURADE apɔ Yakob wale ye, na wama ye animnyam wala ali wɔ Yisrael.

Yesaya 6:3

Na ebiala tea nu se obiɛngo kyɛ, “Krongron, krongron, Asafo AWURADE te krongron; ye animnyam ayi aseɛ so amukoraa tɛkyɛ.”

Yeremia 33:11

ahurusililɛ nwo nga, anigye nwo nga, atɔmvorɛ biaa nwo nga, yeɛ atɔmvorɛ braa nwo nga; yeɛ bɛ bɔ bɛto dwein bɛfa ayɛyelɛ afɔleɛ bɛba AWURADE awuro berɛ ɔ, bɛ nga kyɛ, Ɛ́mɔye Asafo AWURADE ayɛ, ofikyɛ AWURADE te paa, na ye ɔdɔ bɔ onni ngasi ne, ɔwɔ berɛ afebɔɔ!’ Ofikyɛ bɛ bɔ bahye bɛ nnure bafi aseɛ ye aso bahɔ ne, ngosa ngɔfa bɛ ngɔwa, kyɛ daa ne ala, AWURADE noa dwirɛ ɛne.

Hagae 2:3

‘Ɛmɔ bɔ ɛmɔaha ne, sua he ye daa nu animnyam ne, ɛmɔ nu nwa yeɛ onwuni ye ɔ? Na kekesaala ye koso, ɛmɔnwu ye sɛ? Sɛ ɛmɔfa bɛtoto ye nwo a, aso ɔtte ɛmɔ nye so nikyee mbaen bie?

Sakaria 4:7

Ao bokaa piri, wɔ ole nwa? Ɛkɔkakyi aseɛ frɛtɛɛ wɔ Serubabɛl nyunu. Na ɔkɔfa nyɔboɛ titire ne kɔwa wɔ mmerɛ bɔ bɛbɔ ese kyɛ, ‘Nyameɛ lo ye oo, Nyameɛ lo ye oo!’ ”

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Luka 1:50

Na ye anwumvoinnwunɛ ne, ɔwɔ bɛ bɔ besuro ye ɔ so, wɔ aworɛ ndoatoasoɛ amukoraa nu.

Yosua 6:10

Na mmenia ne de, Yosua hyɛle bɛ kyɛ, “Nnɛma ɛmɔbɔ ese, nnɛmɔma bɛte ɛmɔ nga, yeɛ nnɛma ɛmɔtɛ bɛ noa nu, kɔpem kyẽa bɔ ngɔhã ngohyire ɛmɔ kyɛ ɛ́mɔbɔ ese ɔ, koraka ná ɛmɔabɔ ese.”

Yosua 6:16

Ye pɛen nzoo ne aso, bɔ asɔfo nemɔ huli totorobɛndo nemɔ nen, Yosua sele mmenia ne kyɛ, “Ɛ́mɔbɔ ese, ofikyɛ AWURADE afa kuro ne wawura ɛmɔ sa.

Yosua 6:5

Sɛ behu boaen mmɛen ne anu tendetende ko, ná sɛ ɛmɔte totorobɛndo ne nga pɛ a, ɔsɛ kyɛ mmenia ne amukoraati bɛbɔ ese serɛserɛ. Kuro ne anwo fasue kodwiri kogua gyirigorɔɔ, na ɛmɔ amukoraati bɛ́hɔ bɛ nyunu tee beewura kuro ne anu.”