Ɛsra 2:1 - AHYERƐLƐ KRONGRON

¹ Mmenia bɔ Babilɔn hene Nebukadenesa hyele bɛ nnure hɔle Babilɔn nen, bɔ befili mbɔtam berɛ besa bɛhɔle Yerusalem ne bɛ nguro nemɔ aso wɔ Yuda nen, bɛ ɛhe.

Ɛsra 2:1 Iomraidhean Croise

2 Ahemvo 25:11

Mmenia ngaa bɔ baha kuro ne aso ne, ɔne Yuda koɛhonɛfoɛ bɔ né banwati bafa bɛ nwo baabɔ Babilɔn hene ne, yeɛ mmenia ne amukoraa, Nebusaradan bɔ ɔte awɛmvoɛ nemɔ aso safohene ne, ɔhyele bɛ nnure fale bɛ hɔle.

1 Aberɛso Dwirɛ 9:1

Bɛhale Yisraelfoɛ amukoraa mmusua mmusua, na bɛhyerɛle bɛ dumaa wɔ Yisrael ahemvo nwomaa ne anu. Ɔnate Yudafoɛ b’asoserɛ ti yeɛ ɔmaa bɛhyele bɛ nnure bɛhɔle Babilɔn ɔ.

1 Aberɛso Dwirɛ 9:2

Bɛ bɔ belili moa besa bɛwale bɛ kuro bɛɛtenane b’aseɛ so ne, bɛte Yisraelfoɛ nemɔ bie, yeɛ afei asɔfo, Lewifoɛ yeɛ asɔneyɛɛ sua nu somvoɛ mɔ.

Ɛsra 1:11

Esikaa kɔkorɛ ne ɛdwetɛ ndalie nemɔ, bɛ mukoraa bɛ somaa te apee nnu ne ɛyaa nna. Mmenia bɔ bɛhyele bɛ nnure bɛhɔle ne, mmerɛ bɔ befili Babilɔn besa bɛba Yerusalem nen, Sesebasa fale sɔ nningyein ne amukoraa osa wale.

Ɛsra 2:2

Mmenia hemɔ yeɛ belili bɛ nyunu bɛfale bɛ bɛwale ɔ: Serubabɛl, Yesua, Nehemia, Seraya, Reelaya, Modekae, Bilsan, Misepare, Bigiwae, Rehum, yeɛ Baana. Yisrael mmienzua bɔ befili nnurehyelɛ nu bɛwale ne, bɛ somaa ɛhe:

Ɛsra 2:70

Afei asɔfo nemɔ, Lewifoɛ ne mmenia ne biemɔ bɛtenatenane Yerusalem ne ye nwo nguro nemɔ aso. Afei edweintolɛfoɛ ne anoa awɛmvoɛ ne asɔneyɛɛ sua nu somvoɛ nemɔ koso bɛɛtenatenane bɛ nguro nemɔ aso, na Yisraelfoɛ ngaa ne amukoraa bɛɛtenatenane bɛ nguro nemɔ aso.

Ɛsra 5:8

Nana, yɛbɔ wɔ amaneɛ kyɛ, yɛhɔle Yuda mbɔtam dɔ, nekaa bɔ Nyameɛ piri ne, ye awuro ne ɔwɔ ne. Nyɔboɛ mbiri mbiri yeɛ bɛ́fa bési ɔ, na basa bafa mbuna bagyinagyina ye fasue ne anu. Bayere bɛ nwo paa yeɛ bɛ́yɔ adwuma ne ɔ, na ɔkɔ so paa.

Ɛsra 6:2

Nakoso Ekobatana bɔ ɔte Media mbɔtam ahenguro ne, berɛ yeɛ beenwuni nwomaa bie bɔ bahyerɛ edwirɛ bie bagua so kyɛ, “Ngayeɛ dwirɛ.

Ɛsra 8:35

Sɔ mmerɛ ne, bɛ bɔ befili nnurehyelɛ nu besa bɛwale ne, bɛbobɔle naen yeralɛ afɔleɛ bɛmane Yisrael Nyameɛ. Begyinane Yisrael amukoraa gya nu bɛfale ɛhemɔ bɛbɔle afɔleɛ: nandwie nyii buru ne nyɔ, mmoaen nyii aburahona ne nzia, yeɛ mmoaen mmaa aburasoo ne nzoo. Besa bɛfale mbɔngye buru ne nyɔ bɛbɔle bɔne nwo afɔleɛ. Bɛfale ye mukoraa bɛbɔle naen yeralɛ afɔleɛ bɛmane AWURADE.

Nehemia 12:1

Asɔfo ne Lewifoɛ bɔ bɛ ne Sɛtiɛl awa Serubabɛl, yeɛ Yesua bɛwale nemɔ ɛhe: Seraya, Yeremia, Ɛsra,

Ɛseta 1:1

Sɔ dwirɛ he sili wɔ Nana Ahasuro aberɛ so, na sɔ Ahasuro ne, olili manzini ɛyaa ko aburanyɔ ne nzoo so fite Yindia maa oodwuli Yitiopia.

Ɛseta 1:11

kyɛ bɛɛfa Nana hemmaa Wasiti bɛbra ye nyunu. Ɔnwa ɔsɛ kyɛ Nana hemmaa ne ɔbɔ ahennie abotire; bɔ ɔkɔma mmenia ne ye mbanyi mɔ bekonwu ye anwonyemene ɔ, ofikyɛ né ye nwo yɛ nyemene.

Ɛseta 1:3

Olili bia ne, ye afoɛ nza ne anu, ɔtole poen mane ye mbanyi ne ye somvoɛ amukoraa. Ɔtole ye sa frɛle Pɛsia ne Media safohene mɔ, atitirefoɛ ne manzini amrado mɔ maa bɛwale ye bo bie.

Ɛseta 1:8

Ebiala none nzaa somaa bɔ ɔkɔhora ye no ɔ, ofikyɛ Nana Ahasuro hyɛle ye ahemvie berɛ somvoɛ nemɔ kitii kyɛ, nzaa somaa bɔ ebiala kɔhora ye no ne, ɔsɛ kyɛ besu ye.

Ɛseta 8:9

Bosome nza bɔ yeɛ oli Siwan ne anu, ye kyẽa bɔ ɔtɔ so aburanyɔ ne nza ne, bɛfrɛfrɛle Nana Ahasuro ahyerɛlɛfoɛ maa beeyiale. Na edwirɛ biala bɔ Modekae hane ne, bɛhyerɛle maa ɔyɛle mmeraa, na bɛfa bɛɛmane Yudafoɛ, mbɔtam mbanyi, amrado mɔ ne manzini mbanyi bɔ bɛwɔ manzini ɛyaa ko aburanyɔ ne nzoo ne anu, fite Yindia bɔ ɔkwaadwu Yitiopia. Manzini biala, kyɛbɔ ye ahyerɛlɛ te ne, yeɛ mmenia biala, kyɛbɔ bɛ dwudwolɛ te ne, sɔ ala yeɛ bɛhyerɛle krataa ne ɔ, na bɔ bɛfa bɛɛmane Yudafoɛ ne koso, ɔte b’ahyerɛlɛ ne bɛ dwudwolɛ.

Yesaya 48:20

Ɛ́mɔfi Babilɔn béfite bɛhɔ, ɛ́mɔnwati béfi Kaldeafoɛ nu, ɛ́mɔfa ahurusililɛ bɛ́bɔ ye nwo ese, ɛ́mɔbɔ ye nwo dawure, ɛ́mɔma odwu aseɛ so nekaa biala. Ɛ́mɔhã kyɛ, “AWURADE apɔ ye somvoɛ Yakob wale ye!”

Yeremia 50:19

Ngosa ngɔfa Yisrael ngɔhɔ ye atenaleɛ, na okodidi wɔ Kamɛl ne Basan’. Ye kra ko koyi wɔ Efraim bokaa ne Gileade bokaa so.

Awuye 1:3

Amaneɛnwunɛ ne nhyɛsoɛ kandinga nu yeɛ bahye Yuda nnure bahɔ ɔ. Waatena amaen maen mɔ nu, na onnya nekaa bɔ ɔkɔtena kole ye nwome ɔ, bɛ bɔ bɛfoa ye ne amukoraa baato ye, bahã ye bapua wɔ atee kyenɔnn bie aso.

Awuye 1:5

Bɛbɔ bekyi ye ne, bakakyi ye mene mɔ, wayie ye pɔfoɛ mɔ yé, ofikyɛ AWURADE aprapra amaneɛ wagua ye so. Na ɔnate ye mmeraatolɛ worawora ne ati, ye pɔfoɛ mɔ bahye ye mma mɔ nnure, na bafa bɛ bahɔ.

Awuye 4:22

Ao Sion awa brasua, w’amumuyɛɛ ne nwo akatuaa wawa ayieleɛ, na ɔngɔfa wɔ ngɔhɔ nnurehyelɛ nu ko. Nakoso wɔ, Edom awa brasua de, okootua w’amumuyɛɛ so kerɛ, na ɔkɔma wɔ bɔne kɔla ali.

Sefania 2:7

Mboanoa aseɛ ne kɔyɛ Yuda awuro ama bɔ banya bɛ ti badidi nu ɔ bɛ deɛ, bɔ bɛkɔfa ngaka bɛkɔhɔ so adidie ɔ, na Asekelɔn awuro mɔ nu yeɛ bekobutubutu nɔsoa ɔ; ofikyɛ AWURADE bɛ Nyameɛ kɔpɛ ye nye kɔnea bɛ, na ɔkɔfa bɛ bɔ bahye bɛ nnure nemɔ kosa kɔwa.

Asomafoɛ 23:34

Amrado ne kengale krataa ne, na obisale Pɔɔlo manzini horɛ bɔ ofi nu ɔ. Na ɔtele kyɛ ofi Kilikia nen,