Ɛsra 10:8 - AHYERƐLƐ KRONGRON

⁸ kyɛ bama bɛ ɛlɛsa, na ebiala bɔ wamma ne, mbɔtam mbanyi ne mbanyi nemɔ bahyɛ mmeraa kyɛ bele ye nwo nningyein amu, ná bɛpɛ ye asue befi mmenia bɔ bafi nnurehyelɛ nu bawa ne anu.

Ɛsra 10:8 Iomraidhean Croise

Ɛsra 10:7

Na behyinini Yuda ne Yerusalem amukoraa bɛbɔle dawure behyirele bɛ bɔ bafi nnurehyelɛ nu bawa ne amukoraa, kyɛ beeyia nu wɔ Yerusalem,

Ɛsra 10:9

Na ɛlɛsa ne sone ne, né bɛ bɔ bɛwɔ Yuda ne Benyamin amukoraa baaboa bɛ noa wɔ Yerusalem. Né ɔte kyẽa bɔ ɔtɔ so aburanyɔ wɔ bosome bɔ ɔtɔ so ngona ne anu. Mmenia ne amukoraa bɛtenatenane dwaa ne aso wɔ Nyameɛ awuro ne anyunu berɛ. Na ɔnate sɔ dwirɛ ne ɔne esue piri bɔ né ɔtɔ ne ati, bɛ nwo wosowosole bɛ.

Ɛsra 7:26

Na sona biala bɔ wanni wɔ Nyameɛ mmeraa ne aso, ɔne me, Nana Atasɛsɛse me mmeraa so ne, ɔsɛ kyɛ bebua ye fɔ bɛtwe ye so ndɛndɛ: kyɛ bekobua ye ewue foɛ oo, anaa bɛkɔpɛ ye asue oo, anaa bekole ye nwo nningyein oo, anaa bɛkɔto ye kuku nu oo.”

Nehemia 13:28

Ɔsɔfo panyi paa Eliasibo, ɔwa Yehoada, ye mma mmienzua nemɔ anu ko bɔ né ogya Horonniɛ Sanbalate ɔwa brasua ne, mvoane ye mvili me nyunu maa ɔhɔle.

Nehemia 13:3

Na maen ne tele mmeraa ne anu dwirɛ ne, betuli amanvrafoɛ amukoraa befili Yisrael.

Lewitikɔso 27:28

“Nakoso ebiala ye nikyee biala bɔ okotu kosie berɛ kɔma AWURADE ne, kyɛ sona oo, kyɛ kaka oo, anaa aseɛ bɔ bawu bafa bayakyi ye oo, ɔngɔhora ngɔtɔne ye, yeɛ ɔngɔhora ngɔpɔ ye. Nikyee biala bɔ batu basie berɛ bama AWURADE ne, ɔte krongron paa ma AWURADE.

Mateo 18:17

Na sɛ wandie bɛ koso a, kɔhã kyire asɔre ne. Na sɛ wandie asɔre ne koso a, ye de bu ye kyɛ bosoensolɛniɛ ne ɛtoɔdidelɛniɛ.

Yohane 16:2

Bekotu ɛmɔ bekofi nyianu sua mɔ nu. Ye po mmerɛ bie ɔ́ba, bɔ ebiala bɔ okohũ ɛmɔ ne, ɔkɔdwene kyɛ ɔyɔ sɔ fa so Nyameɛ.

Yohane 9:22

Ye awofoɛ hane sɔ, ofikyɛ né besuro Yudafoɛ nemɔ; ɔnate kyɛ né Yudafoɛ nemɔ bayɛ adwene kyɛ, sɛ ebie kã ye pefee kyɛ ye ole Kristo ne a, bekotu ye bekofi nyianu sua nu berɛ.

Yohane 9:34

Na bebuale ye kyɛ, “Bɛwole wɔ bɛtole bɔne nu buroburoburo, na afei wɔ yeɛ ekyirekyire yɛ ɔ?” Na bɛfoane ye befili nyianu sua ne anu.

1 Korintofoɛ 5:13

Na Nyameɛ yeɛ okobua bɛ bɔ bɛnne ɛmɔ fekue ne anu ndɛen ɔ. Yiti ɛmɔfoa amumuyɛɛniɛ ne béfi ɛmɔ nu.

Yosua 6:19

Nakoso nikyee biala bɔ bafa ɛdwetɛ anaa sikaa kɔkorɛ anaa kɔɔbere anaa buralɛ bayɔ de, ɔte krongron ma AWURADE; odi kyɛ yɛfa yɛkoogua AWURADE nningyein sua ne anu.”

Maenbulɛfoɛ 21:5

Yeɛ Yisraelfoɛ bisale kyɛ, “Yisrael mmusua kure ne, bɛ nu beni yeɛ dwaa bɔ yɛbɔle wɔ AWURADE nyunu ne, wamma ye bo bie ɔ?” Ofikyɛ né bata ndaen bato berɛ kyɛ, ebiala bɔ wamma AWURADE nyunu wɔ Misepa ne, odi kyɛ beku ye.

1 Samuel 11:7

Ɔhyele nandwie nyii nyɔ bɔ bafa kɔnnua basosɔ bɛ babɔ nu ɔ, ɔpepɛle bɛ nu ahuronzi ahuronzi, na ɔfa somane ɛbɔfoɛ maa bɛhɔle Yisrael aseɛ so amukoraa beesele kyɛ, “Sona biala bɔ wanni Sɔɔlo ne Samuel si wangɔ koɛ ne, sɔ ala yeɛ bɛkɔpepɛ ye nandwie mɔ nu ɔ.” Afei AWURADE nwo suronyi tɔle maen ne aso, na mmenia ne amukoraa bɛbɔle nu befite bɛwale.