Ɛsra 10:6 - AHYERƐLƐ KRONGRON

⁶ Afei Ɛsra fili Nyameɛ awuro ne anyunu berɛ, na ɔhɔle Eliasibo awa Yehohanan sua nu. Ɔhɔle berɛ ne, wannidi, yeɛ wanno nzue, ofikyɛ bɛ bɔ befili nnurehyelɛ nu bɛwale ne, né odi b’amumuyɛɛ nwo aworabɔlɛ.

Ɛsra 10:6 Iomraidhean Croise

Ɛsra 10:1

Mmerɛ bɔ Ɛsra gu so ɔbɔ mbaeɛ, bɔ ole esuɛ ode bɛ bɔne to nu, bɔ né wafa ye nyunu wabutu berɛ wɔ Nyameɛ awuro ne anyunu berɛ ne, Yisraelfoɛ pembepembe, mmienzua ne mmrasua ne ngwadaa bɛɛpɛle ye nwo beyiale, na bɛ koso besuni hahii.

Ɛsra 10:7

Na behyinini Yuda ne Yerusalem amukoraa bɛbɔle dawure behyirele bɛ bɔ bafi nnurehyelɛ nu bawa ne amukoraa, kyɛ beeyia nu wɔ Yerusalem,

Ɛsra 9:4

Bɛ bɔ befili nnurehyelɛ nu bɛwale ne, ɔnate bɛ mvomsoɛ ne ati, mmenia mukoraa bɔ Yisrael Nyameɛ dwirɛ ne mane bɛ nwo dwirili bɛ ne, bɛɛtenatenane me nwo berɛ, na mvale aworabɔlɛ mbofole berɛ toonn maa oodwuli mmerɛ bɔ bɛbɔ nɔsoa afɔleɛ ne ɔ.

Nehemia 12:10

Yesua awa ole Yoakim; Yoakim awa ole Eliasibo, Eliasibo awa ole Yowada,

Nehemia 12:22

(Asɔfo mbanyi paa) Eliasibo, Yowada, Yohanan ne Yadua b’aberɛ so, bɛhyerɛle Lewifoɛ nemɔ bɛ nana mɔ sasofoɛ mbanyi bɛ dumaa, yeɛ bɛhyerɛle asɔfo nemɔ koso bɛ deɛ maa oodwuli Pɛsia hene Dario ye aberɛ so.

Nehemia 13:28

Ɔsɔfo panyi paa Eliasibo, ɔwa Yehoada, ye mma mmienzua nemɔ anu ko bɔ né ogya Horonniɛ Sanbalate ɔwa brasua ne, mvoane ye mvili me nyunu maa ɔhɔle.

Nehemia 13:5

né wasiesie sua piri ko wama Tobia. Sɔ sua ne, né bɛfa sɔ nningyein hemɔ besie nu: aburoo afɔleɛ, ɛyɛɛ, ngukue, aburoo ngyɛmuɛ buru nu ko, nzaa ngyɛmuɛ buru nu ko ne ngoo ngyɛmuɛ buru nu ko bɔ bahyɛ kyɛ bɛfa bɛma Lewifoɛ, edweintolɛfoɛ ɔne pambim awɛmvoɛ, yeɛ afei akyɛdeɛ bɔ bɛfa bɛma asɔfo nemɔ ne.

Nehemia 3:1

Ɔsɔfo panyi paa Eliasibo ɔne ye mmango asɔfo nemɔ, bɛhyɛle ye bo bɛyɔle adwuma, na besili Mmoaen Pambim ne. Bɛtele Mmoaen Pambim ne anwo bɛyɛle ye krongron, na betuatuale ye anoa nemɔ. Bɛtele ye nwo alaa beedwuli Mmenia Ɛyaa Abandenden ne anwo ɔne Hananel abandenden ne anwo.

Nehemia 3:20

Sabae awa Baruku yɔle fasue ne nekaa bie bɔ ofi Ndweasoɛ ne aso bɔ ɔkwaadwu ɔsɔfo panyi Eliasibo awuro ne anoa ne yé.

YOB NWOMAA NE 23:12

Ye mmeraa bɔ wahyɛ ne, mmmuli so, na ye noa dwirɛ ne, ye nwo hia me maa mafa masie me ti anu.

Edwein 102:4

M’ahone akese wayɛ twindwann kyɛ ndire, na me wora afi kyɛ ngodidi ɔ po.

Ɛksadɔso 34:28

Mose lili AWURADE nwo berɛ eleburanna, alehyeleɛ ne alesaleɛ; wannidi, yeɛ wanno hwee. Na ɔhyerɛle apam dwirɛ ne, bɔ ɔte mmeraa dwirɛ buru ne guale nyɔboɛ taataa ne aso.

Yesaya 22:12

Sɔ kyẽa ne, Asafo AWURADE Nyameɛ frɛfrɛle mmenia kyɛ besu bɛbɔ awuye, kyɛ bɛbɔ tikwa ná bɛhera ɛsɛen tena.

Daniel 9:3

Yeɛ mva nziele me nye so ndwe mbingyele AWURADE Nyameɛ, kyɛ ngoli mmuadaa, ngɔhera ɛsɛen tena, ngotu nzoen ngogua me nwo ngɔfa me mbaeɛ ne sufrɛ ngɔto ye nyunu.

Deuteronomi 9:18

Na ndole me nwo nyele aseɛnwo berɛ mvale me nyunu mutuli AWURADE nyunu, eleburanna, eyia ne kɔngɔen, kyɛbɔ nyɔle ye daa ne. Na ɔnate ɛmɔ bɔne amukoraati bɔ ɛmɔyɔle, bɔ ɔtte mayee wɔ AWURADE nyunu maa ɔfɛle yaa ne ati, mannidi, yeɛ manno hwee.