Ɛsra 10:3 - AHYERƐLƐ KRONGRON

³ Yiti kekesaala ye, odi kyɛ yɛne yɛ Nyameɛ yɛyɛ apam, kyɛ yɛ ye nemɔ, bɛ ne bɛ mma mɔ, yɛkɔfoa bɛ maa bekofi yɛ nu bɛkɔhɔ. Me mene, ɛne mmenia bɔ bedi Nyameɛ mmeraa dwirɛ ne aso ne, odi kyɛ yɛyɔ ye sɔ kyɛbɔ mmeraa ne kyire ɔ.

Ɛsra 10:3 Iomraidhean Croise

2 Ahemvo 11:17

Yehoada yɛle apam tole AWURADE, yeɛ Nana Yoase ne maen ne b’afia, kyɛ odi kyɛ bɛyɛ AWURADE maen. Afei koso ɔyɛle apam tole Nana Yoase ne maen ne b’afia.

2 Aberɛso Dwirɛ 29:10

Afei mayɛ m’adwene kyɛ me ne AWURADE Yisrael Nyameɛ ne kɔyɛ apam, amaa ɔnate so wayakyi ye yaa piri bɔ wafɛ yɛ so ne.

2 Aberɛso Dwirɛ 30:12

Yeɛ Nyameɛ tumi kanyane Yudafoɛ maa b’adwene yɛle ko kyɛ bɛkɔyɔ bɔ Nana Hesekia ne ye mbanyi bagyina AWURADE dwirɛ so bahyɛ ne.

2 Aberɛso Dwirɛ 34:21

“Nwomaa bɔ banwu ye ne, nu dwirɛ ne, ɛmɔhɔ AWURADE berɛ beebisa bɛma me ne mmenia bɔ baha wɔ Yisrael ne Yuda ne. AWURADE afɛ yɛ so yaa piri paa, ofikyɛ yɛ nana mɔ bandie AWURADE dwirɛ, yeɛ edwirɛ amukoraa bɔ bahyerɛ ye nwomaa he anu ne, banni so.”

2 Aberɛso Dwirɛ 34:27

mmerɛ bɔ ɛtele ye dwirɛ bɔ ɔhã fale maen he ɔne nu ama nwo ne, ɔnate kyɛ enuni wɔ nwo ná ɛbrɛle wɔ nwo ase wɔ Nyameɛ nyunu, ná abrɛ wɔ nwo ase wɔ me nyunu, asunzua wɔ ndaadeɛ nu, ná asu wɔ me nyunu ne ati, me koso mate bɔ ahã ne; AWURADE noa dwirɛ ɛne.

Ɛsra 10:11

Yiti odi kyɛ ɛmɔde ɛmɔ bɔne bɛto nu bekyire AWURADE ɛmɔ nana mɔ Nyameɛ ne, ná ɛmɔyɔ bɔ ɔsɔ ye nye ɔ. Ɛmɔhwe ɛmɔ nwo befi aseɛ ne aso mmenia nwo, ɔne Amaenmaensofoɛ mmrasua nwo.”

Ɛsra 10:44

Né sɔ mmenia ne amukoraa bagyigya Amaenmaensofoɛ mmrasua, na né bɛ nu biemɔ bɛ ne bɛ bawowo.

Ɛsra 10:9

Na ɛlɛsa ne sone ne, né bɛ bɔ bɛwɔ Yuda ne Benyamin amukoraa baaboa bɛ noa wɔ Yerusalem. Né ɔte kyẽa bɔ ɔtɔ so aburanyɔ wɔ bosome bɔ ɔtɔ so ngona ne anu. Mmenia ne amukoraa bɛtenatenane dwaa ne aso wɔ Nyameɛ awuro ne anyunu berɛ. Na ɔnate sɔ dwirɛ ne ɔne esue piri bɔ né ɔtɔ ne ati, bɛ nwo wosowosole bɛ.

Ɛsra 9:4

Bɛ bɔ befili nnurehyelɛ nu bɛwale ne, ɔnate bɛ mvomsoɛ ne ati, mmenia mukoraa bɔ Yisrael Nyameɛ dwirɛ ne mane bɛ nwo dwirili bɛ ne, bɛɛtenatenane me nwo berɛ, na mvale aworabɔlɛ mbofole berɛ toonn maa oodwuli mmerɛ bɔ bɛbɔ nɔsoa afɔleɛ ne ɔ.

Nehemia 10:1

Nwomaa ne, mmenia hemɔ yeɛ bɛfale bɛ nzɔanoɛ bɛsɔle ye noa ɔ: Hakalia awa Nehemia bɔ ɔte amrado ne, ɔne Sedekia;

Nehemia 8:14

Na AWURADE mmeraa bɔ ɔnate Mose so hyɛle ne, benwuni kyɛ bahyerɛ ye wɔ nu kyɛ bosome nzoo aluolue ne anu, odi kyɛ maen Yisrael bɛtena asese nu,

Nehemia 9:38

“Ɔnate ɛhe amukoraa ti, yahyɛ bɔ kitii yahyerɛ yagua nwomaa so. Sɔ nwomaa ne, yɛ mbanyi mɔ, yɛ Lewifoɛ mɔ ne y’asɔfo mɔ yeɛ bafa bɛ nzɔanoɛ basɔ ye noa ɔ.

Edwein 119:120

Ɔnate wɔ nwo suronyi ti, me nwonaen wosowoso me, na mesuro wɔ ndɛenbualɛ ne.

Edwein 119:59

Sɛ medwenedwene me bra nwo a, mesa metu agyirɛ mebadi wɔ noa dwirɛ so.

Yesaya 66:2

Ɛhemɔ amukoraa mafa me sa yeɛ mayɔ ɔ, yiti ɛhemɔ amukoraa bɛte me deɛ, AWURADE noa dwirɛ ɛne. Nakoso sona bɔ ɔte sɔaa yeɛ mepena ɔ: bɔ ɔbrɛ ye nwo ase ná onya sunzum nu anwobrɛaseɛ ɔ, ɔne bɔ ɔfa anidie ma me dwirɛ ɔ.

Yesaya 8:20

Odi kyɛ ɛmɔpena mmeraa ne ne adanzeɛ ne si atee! Nahorɛ nu, sɛ banga ye kyɛbɔ edwirɛ ne ɔte ne a, ye de né nahorɛ biala nne bɛ nu.

Hesekiel 9:4

Na AWURADE sele ye kyɛ, “Kohyini Yerusalem kuro ne anu, na mmenia bɔ ɔnate akyiwadeɛ bra mukoraa bɔ ɔkɔ so wɔ kuro ne anu ti bedi aworabɔlɛ ne yealɛ ne, hyɛ bɛ nzorɛ wɔ bɛ nwoma so.”

Deuteronomi 29:12

kyɛ ɛ́fa wɔ nwo wura AWURADE wɔ Nyameɛ apam ne anu, apam bɔ ndaen foa so, bɔ AWURADE wɔ Nyameɛ ɔne wɔ bɛ́yɛ ye ɛnɛ kyẽa ye;

Yosua 9:6

Bɛhɔle Yosua berɛ wɔ asikyeleɛ ne anu wɔ Gilgal, na besele ye ne Yisraelfoɛ kyɛ, “Yɛfi maen bie anu dedeede yeɛ yawa ɔ, yiti ɛ́mɔma yɛ́yɛ apam.”