Ɛsra 10:14 - AHYERƐLƐ KRONGRON

¹⁴ Yiti ma yɛ mbanyi mɔ begyina mmenia ne amukoraa yɛ gya nu, ná ebiala bɔ ɔwɔ yɛ nguro nemɔ aso bɔ wagya Amaenmaensoniɛ braa ne, maa ɔbra bɛ nyunu wɔ mmerɛ bɔ bɛkɔhyɛ bɛkɔma ye ɔ nu. Sɛ bɛ́ba a, odi kyɛ bɛ kuro mbanyi ne ndɛenbualɛfoɛ bɛboka bɛ so bɛ ne bɛ bɛba. Na yɛkɔyɔ ye sɔ toonn kɔpem kyɛ yɛ Nyameɛ ɛyaa piri bɔ wafɛ ye yɛ so wɔ edwirɛ he anwo ne, ye ahone kɔtɔ nzue nu ɔ.”

Ɛsra 10:14 Iomraidhean Croise

2 Ahemvo 23:26

Nakoso ɛhe amukoraa si ne, AWURADE yaa piri bɔ né wafɛ ye wɔ Yuda so ne, AWURADE ahone andɔ nzue nu, ɔnate nningyein amukoraa bɔ né Manase wayɔ wafa wahu AWURADE ahone ne ati.

2 Aberɛso Dwirɛ 28:11

Yiti, ɛ́mɔtie me dwirɛ bɔ mekã ye, ná ɛmɔ aliɛma mɔ bɔ ɛmɔahye bɛ nnure ne, ɛ́mɔyakyi bɛ maa besa bɛhɔ, ofikyɛ AWURADE afɛ ɛmɔ so yaa kandinga paa.”

2 Aberɛso Dwirɛ 29:10

Afei mayɛ m’adwene kyɛ me ne AWURADE Yisrael Nyameɛ ne kɔyɛ apam, amaa ɔnate so wayakyi ye yaa piri bɔ wafɛ yɛ so ne.

2 Aberɛso Dwirɛ 30:8

Nnɛma ɛmɔyɛ asoserɛ kyɛbɔ ɛmɔ nana mɔ yɛle ne, na mmom ɛ́mɔbrɛ ɛmɔ nwo ase bɛ́ma AWURADE. Ɛmɔbra AWURADE ɛmɔ Nyameɛ nekaa krongron bɔ wate ye nwo afebɔɔ ne anu, ná ɛ́mɔso ye, amaa ɔnate so wayakyi ye yaa piri bɔ wafɛ ye wɔ ɛmɔ so ne.

Ɛsra 10:13

Nakoso mmenia ne sone, asuso koso atikye bɔ yɛngɔhora dwaaso gyina ɔ. Yeɛ nna nikyee bɔ yɛkɔhora yɛkɔfa ɛlɛho anaa elenyɔ yɛkɔyɔ hɔ ɔ, ofikyɛ yɛ bɔ yato mmeraa wɔ ɛhe anwo ne, yɛsone paa.

Ɛsra 10:15

Asahel awa Yonatan ne Tikiwa awa Yahasia bɛ ngome yeɛ betiale sɔ nzusuleɛ ne anu ɔ, na Mesulam ne Lewiniɛ Sabetae bɛfoale bɛ so.

Edwein 78:38

Nakoso ɔnate kyɛ ɔse anwumvoin ne ati, ɔfale b’amumuyɛɛ hyɛle bɛ, na wangukũ bɛ. Né ɔtaa ɔtwe ye yaa sa nziɛ, na wamva ye yaa ne amukoraa wangua bɛ so.

Yesaya 12:1

Sɔ kyẽa ne, ekose kyɛ, “O AWURADE, meda wɔ ase, ɔwɔ nu kyɛ ɛfɛle me so yaa, nakoso w’ahone tɔle nzue nu, na ɛkyekyele me wora.

Numeri 25:4

Na AWURADE sele Mose kyɛ, “Yeye bɛ bɔ bɛlela mmenia ne noa amukoraa, ná fa nyamaa bɔ bɛ kɔme eyia nu wɔ AWURADE nyunu, amaa ɔnate so AWURADE ayakyi ye yaa piri bɔ wafɛ ye Yisrael so ne.”

Deuteronomi 13:17

Sɔ musue nningyein ne, nnɛfa bie sie, na ɔnate so AWURADE kɔye ye yaafɛlɛ piri ne kofi wɔ so. Okonwu wɔ anwumvoin, na ɔkɔlo wɔ maa ɛkɔta pee, kyɛbɔ ɔtale ndaen hyirele wɔ nana mɔ ne.

Deuteronomi 17:9

Lewifoɛ bɔ bɛte asɔfo ne, yeɛ ndɛenbualɛniɛ bɔ dibea wura ye sa sɔ mmerɛ nen, fa kɔto bɛ nyunu, na bekohyire wɔ kyɛbɔ esi bua edwirɛ ne ɔ.

Yosua 7:26

Na bɛboaboale nyɔboɛ kure kandinga beguale ye so, bɔ nyɔboɛ kure ne tɛ wɔ berɛ maa waadwu ɛnɛ ɔ. Na AWURADE mane ye ahone tɔle nzue nu. Yiti bɛfrɛ berɛ Akɔre bɔnza maa waadwu ɛnɛ.