Ɛsra 1:5 - AHYERƐLƐ KRONGRON

⁵ Na ɛhe mane Yuda ne Benyamin abusua nu mbanyi, asɔfo ne Lewifoɛ, yeɛ ebiala bɔ Nyameɛ kanyane ye ne, ɔboaboale ye nwo kyɛ ɔkɔ Yerusalem osa kosi AWURADE awuro ne.

Ɛsra 1:5 Iomraidhean Croise

2 Aberɛso Dwirɛ 36:22

Pɛsia hene Karose lili hene ne, ye afoɛ bɔ oli moa ne anu, kyɛbɔ AWURADE dwirɛ bɔ ɔnate Yeremia so hane ne kɔwa nu ne, AWURADE kanyane Pɛsia hene Karose. Yiti Karose tuli ɛbɔfoɛ mɔ maa bɛɛbɔle edwirɛ ne dawure wɔ ye ahennie amukoraa nu, na ɔhyerɛle krataa koso bokale so kyɛ,

Ɛsra 1:1

Pɛsia hene Karose lili hene ne, ye afoɛ bɔ oli moa ne anu, kyɛbɔ AWURADE dwirɛ bɔ ɔnate Yeremia so hane ne ɔkɔwa nu ne, AWURADE kanyane Pɛsia hene Karose maa otuli ɛbɔfoɛ mɔ maa bɛɛbɔle edwirɛ dawure wɔ ye ahennie amukoraa nu, na ɔhyerɛle krataa koso bokale so kyɛ,

Ɛsra 1:2

“Pɛsia hene Karose nwa nyoo: AWURADE bɔ ɔte nyameɛso Nyameɛ ne, wafa aseɛ so ahennie amukoraa wawura me sa, na wahyɛ me kyɛ nzi sua mma ye wɔ Yerusalem bɔ ɔwɔ Yuda ne.

Ɛsra 1:4

Yisraelfoɛ bɔ baha ne, nekaa biala bɔ bɛte ne, ɔsɛ kyɛ berɛ ama bɛfa sɔ nningyein hemɔ bɛma Yisraelfoɛ nemɔ: ɛdwetɛ, esikaa kɔkorɛ, nningyein, nyɛmmoa, ɔne akyɛdeɛ bɔ bɛkwaafa besi Nyameɛ awuro bɔ ɔwɔ Yerusalem ne.”

Nehemia 2:12

Ɛhe asi ye, ndwɔsole kɔngɔen. Né mmenia kãa bie yeɛ bɛboka me so ɔ. Na nikyee bɔ Nyameɛ akanyane me kyɛ nyɔ ma Yerusalem ne, mangã mangyire ebiala. Né kaka biala ɔbboka me so, sana kaka bɔ nde ye so ne ala.

Anyandera 16:1

Kuro sona yɛ nhyehyɛleɛ wɔ ye ti anu, nakoso temverema ye mmuayɛɛ ofi AWURADE berɛ.

Hagae 1:14

Na AWURADE kanyane Sɛtiɛl awa Serubabɛl bɔ ɔte Yuda amrado ne ye sunzum, ɔne Yehosadake awa ɔsɔfo panyi Yosua sunzum, yeɛ maen mmaa ngaa ne amukoraa bɛ sunzum. Yiti bɛwale bɛɛyɔle Asafo AWURADE, bɛ Nyameɛ n’awuro ne nwo adwuma,

2 Korintofoɛ 8:16

Yɛda Nyameɛ ase kyɛ wafa ɛmɔ nwo mmɔden bɔ yɛbɔ ne ala wawura Tito ahone nu ɔ.

Filipifoɛ 2:13

ɔnate kyɛ Nyameɛ yeɛ ɔyɔ adwumaa wɔ ɛmɔ nu maa ɛmɔkuro kyɛ ɛmɔyɔ, ná ɛmɔyɔ nnwumaa kyɛbɔ ɔsɔ ye nye ɔ.

3 Yohane 1:11

Aliɛmaa, nnɛdi tɛɛ si na mmom di paa si. Sona biala bɔ ɔyɔ paa ne te Nyameɛ deɛ, na sona bɔ ɔyɔ tɛɛ ne, onnwuni Nyameɛ.