Ɛsra 1:3 - AHYERƐLƐ KRONGRON

³ Yiti ɛmɔ nu biala bɔ ɔboka ye mmenia ne aso ne, ye Nyameɛ ogyina ye si. Mama ye ate kyɛ ɔhɔ Yerusalem bɔ ɔwɔ Yuda ne oosa osi AWURADE Yisrael Nyameɛ ye awuro ne bieku. Ye yeɛ ɔte Nyameɛ bɔ ɔwɔ Yerusalem ɔ.

Ɛsra 1:3 Iomraidhean Croise

1 Ahemvo 18:39

Mmenia ne amukoraa benwuni ye ne, bɛfale bɛ nyunu bebutubutuli ase, na besele kyɛ, “AWURADE te Nyameɛ amba; AWURADE te Nyameɛ amba.”

1 Ahemvo 8:23

Ɔhane kyɛ, “Ao, AWURADE Yisrael Nyameɛ, nyameɛso bɔ ɔwɔ anwuro, anaakyɛ aseɛ ye aso, nyameɛ biala nne berɛ bɔ ɔte kyɛ wɔ ɔ, bɔ odi apam so ná okyire ɔdɔ bɔ onni ngasi ne kyire ye ngoaa bɔ bɛye bɛ kunu fitaa bedi ye dwirɛ so ɔ.

1 Aberɛso Dwirɛ 28:20

Dawide toale so sele ɔwa Solomon kyɛ, “Gyina pindinn, ma wɔ hue yɛ se, ná yɔ adwuma ne. Nnɛsuro, yeɛ nnɛma wɔ kunu tete wɔ, ofikyɛ AWURADE Nyameɛ, bɔ ɔte me Nyameɛ ne, ogyi wɔ si. Ongoli wɔ ngasi, yeɛ ɔngɔyakyi wɔ nu, kɔpem kyɛ AWURADE awuro adwuma bɔ bɛfa bɛso ye ne, bekoyie ye mukoraa yɔ ɔ.

Ɛsra 1:4

Yisraelfoɛ bɔ baha ne, nekaa biala bɔ bɛte ne, ɔsɛ kyɛ berɛ ama bɛfa sɔ nningyein hemɔ bɛma Yisraelfoɛ nemɔ: ɛdwetɛ, esikaa kɔkorɛ, nningyein, nyɛmmoa, ɔne akyɛdeɛ bɔ bɛkwaafa besi Nyameɛ awuro bɔ ɔwɔ Yerusalem ne.”

Ɛsra 4:3

Nakoso Serubabɛl ne Yesua ne Yisrael mmusua mbanyi ngaa nemɔ buale bɛ kyɛ, “Yɛngɔma ɛmɔ ngɔboka yɛ so wɔ yɛ Nyameɛ awuro ne ye silɛ nu, na mmom yɛ ngome yeɛ yɛkosi AWURADE Yisrael Nyameɛ awuro ne ɔ, kyɛbɔ Pɛsia hene Karose ahyɛ kyɛ yɛyɔ ne ala.”

Ɛsra 5:13

Na Babilɔn hene Karose lili bia ne, ye afoɛ bɔ oli moa ne anu, ɔhyɛle mmeraa kyɛ yɛsa yɛsi Nyameɛ awuro he.

Ɛsra 5:3

Sɔ mmerɛ ne ala, asue Yufreti si mbɔtam amrado Tatenae, ɔne Seta Bosenae ne bɛ mmango mɔ bɛwale Yudafoɛ berɛ beebisale bɛ kyɛ, “Nwa yeɛ ɔmane ɛmɔ ate kyɛ ɛmɔsa besi sua ye, ná ɛmɔto ye nwo fasue ɔ?”

Ɛsra 6:7

Nyameɛ awuro ne nwo adwuma ne, nnɛma ɛmɔsi ye nwo ate; na mmom ɛmɔhwe bɛ nwo ma Yudafoɛ amrado ne, ɔne Yudafoɛ mbanyi besa besi Nyameɛ awuro he besie ye boso.

Edwein 132:13

Ofikyɛ AWURADE aneanea nu waye Sion; wahuro kyɛ ɔkɔfa berɛ kɔyɛ ye atenaleɛ:

Edwein 83:18

Maa benwu kyɛ wɔ bɔ wɔ ngome yeɛ wɔ dumaa ole AWURADE ne, wɔ yeɛ ɛte Anwuro Anwuro hene bɔ edi aseɛ amukoraa so ɔ.

Yesaya 37:16

“Ao Asafo AWURADE, Yisrael Nyameɛ bɔ ɛte kɛrubim mɔ b’afia ɔ, aseɛ so ahennie amukoraati nu, wɔ ngome yeɛ ɛte Nyameɛ ɔ. Wɔ yeɛ ɛbɔle anwuro ne aseɛ ɔ.

Yesaya 44:28

Me yeɛ mekã mefa Karose nwo kyɛ, ‘Ɔte me mmoaenneafoɛ, na ɔkɔma me botaeɛ amukoraati kɔwa nu’; yeɛ mekã mekyire Yerusalem kyɛ, ‘Bɛkɔkyekye wɔ bieku,’ yeɛ mekã mekyire asɔneyɛɛ sua ne kyɛ, ‘Bekosa bɛkɔto wɔ fapem ne.’ ”

Yesaya 45:5

Me ole AWURADE, Nyameɛ biala nne berɛ ko, Nyameɛ biala nne berɛ kyɛ me ala, mamo wɔ abrako, ɔwɔ nu kyɛ ɛnze me de;

Yeremia 10:10

Nakoso AWURADE yeɛ ɔte nahorɛ Nyameɛ ne ɔ; ye yeɛ ɔte Nyameɛ teasefoɛ ne Ɛhene afebɔɔ ne ɔ. Sɛ ye ahone hu a, aseɛ woso, na amaen maen mɔ bɛngora ye yaafɛlɛ noa gyina.

Daniel 2:47

Afei ɛhene ne sele Daniel kyɛ, “Nahorɛ nu, ɛmɔ Nyameɛ ne, ɔte nyameɛ mɔ nu Nyameɛ ne ahemvo mɔ nu Meneɛ, ɔne Nyameɛ bɔ ɔda mvealeɛ nu dwirɛ ali ɔ, ofikyɛ ahora ala sɔ mvealeɛ nu dwirɛ he ali.”

Daniel 6:26

Mahyɛ mmeraa kyɛ, m’ahennie maen bɔ medi so tumi ne amukoraa nu, odi kyɛ mmenia bɛma bɛ nwo wosowoso bɛ, ná besuro wɔ Daniel Nyameɛ ne nyunu, ofikyɛ ye yeɛ ɔte Nyameɛ teasefoɛ bɔ ɔwɔ berɛ afebɔɔ ɔ; ye ahennie ne, ɔngɔbɔ le, na ye tumi ne kɔtena berɛ afebɔɔ.

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Asomafoɛ 10:36

Ɛmɔse edwirɛ bɔ ɔfa brɛle Yisrael ɔ, mmerɛ bɔ ɔnate Yesu Kristo so ɔbɔle asomdwee nzɛmba ne nwo dawure ne; ye yeɛ ɔte ebiala Awurade ɔ.

Deuteronomi 32:31

Ofikyɛ bɛ nyɔbotaen ne, ɔtte kyɛ yɛ Nyɔbotaen ne, na yɛ pɔfoɛ mɔ bɔbɔ po bɛse.

Yosua 1:9

Yiti méhyɛ wɔ kyɛ, gyina pindinn ná ma w’ahone yɛ se; nnɛsuro, yeɛ nnɛma wɔ kunu tete wɔ, ofikyɛ AWURADE wɔ Nyameɛ gyi wɔ si wɔ nekaa biala bɔ ɛkɔhɔ ɔ.”