Ɛksadɔso 9:34 - AHYERƐLƐ KRONGRON

³⁴ Nakoso Faro nwuni kyɛ esue ne asukɔtwea nyɔboɛ ne agralaa ne ayakyi nen, ɔhɔle so yɔle bɔne, na ɔne ye mbanyi mɔ bebubuli mmakaa betuatuale bɛ so.

Ɛksadɔso 9:34 Iomraidhean Croise

2 Aberɛso Dwirɛ 28:22

Mmerɛ bɔ sɔ Nana Ahase ye ala onwu amaneɛ ne po ne, obubuli mmakaa tuale ye so bɔ wandie AWURADE dwirɛ ɔ.

2 Aberɛso Dwirɛ 33:23

Wammrɛ ye nwo ase wamma AWURADE kyɛbɔ ye baba Manase de ɔbrɛle ye nwo ase ne, na mmom Amon yɔle bɔne pee.

2 Aberɛso Dwirɛ 36:13

Nana Nebukadenesa bɔ né wama Sedekia wata Nyameɛ ndaen kyɛ ɔngɔyɛ ye nwo lɔen ne, Sedekia yɛle ye nwo lɔen. Sedekia yɛle asoserɛ, ná obubuli mmakaa tuale ye so kyɛ ɔngɔso AWURADE Yisrael Nyameɛ ne.

Ɛksadɔso 4:21

Na AWURADE sele Mose kyɛ, “Sɛ esa kɔ Misraim a, nea kyɛ anwanwadeɛ mukoraa bɔ mama wɔ tumi kyɛ ɛyɔ ne, ɛkɔyɔ ye Faro nyunu. Nakoso ngɔma ye so kɔyɛ se, bɔ ɔnate so ɔngɔma me mmenia nemɔ ngɔhɔ ɔ.

Ɛksadɔso 7:14

Afei AWURADE sele Mose kyɛ, “Faro abubu mmakaa watua ye so, na ɔngɔpene ma mmenia ne ngɔhɔ.

Ɛksadɔso 8:15

Faro nwuni kyɛ bɛ nwo atɔ bɛ kãa, yiti obubuli mmakaa tuale ye so, na wandɛ bɛ so, kyɛbɔ AWURADE hane ne ala.

Ɛksadɔso 9:33

Mose fili Faro awuro berɛ, ofili kuro ne anu, ɔtrɛle ye sa nu srɛle AWURADE, na agralaa ne asukɔtwea nyɔboɛ ne yakyili, na esue ne andɔ angua aseɛ ne aso ko.

Ɛksadɔso 9:35

Yiti Faro bubuli mmakaa tuale ye so, na wamma Yisraelfoɛ nemɔ ate maa bangɔ, kyɛbɔ AWURADE nate Mose so hane ne ala.

Nworɛ Dwirɛhanɛniɛ 8:11

Na ɔnate kyɛ bɔne yɔleɛ nwo akatuaa ɔmma ndɛndɛ so ne ati, kuro sona ama bɔne yɔleɛ ali ye ti.

1 Samuel 6:6

Nzu ati yeɛ ɛmɔyɛ asoserɛ kyɛbɔ Misraimfoɛ ne Faro yɛle asoserɛ ne? Oguale Misraimfoɛ nyunu ase yiele nen, aso bamma Yisraelfoɛ ate ma bangɔ?