Ɛksadɔso 9:22 - AHYERƐLƐ KRONGRON

²² Na AWURADE sele Mose kyɛ, “Tengyɛ wɔ sa fa kyire anwuro ma asukɔtwea nyɔboɛ tɔ gua Misraim aseɛ so amukoraa, ma ogua sona ne ngaka ne eburo mmakaa mukoraa so wɔ Misraim aseɛ so.”

Ɛksadɔso 9:22 Iomraidhean Croise

Ɛksadɔso 10:21

Afei AWURADE sele Mose kyɛ, “Tengyɛ wɔ sa fa kyire anwuro ma awosii bra Misraim aseɛ so, awosii bɔ sana bɛfa bɛ sa befuafua ɔ.”

Ɛksadɔso 7:19

Na AWURADE sele Mose kyɛ, “Ka kyire Aarɔn kyɛ, ‘Fa wɔ pɔmaa ne, ná tengyɛ wɔ sa wɔ Misraim nzue mɔ so: b’asue mbiri mɔ, Naele sa mɔ, b’abura mɔ ne b’ɛkwaa mukoraa so ma bɛkakyi mogya. Misraim aseɛ ne aso mukoraa kɔyɛ mogya, bua ne angora mɔ anu po.’ ”

Ɛksadɔso 8:16

Na AWURADE sele Mose kyɛ, “Ka kyire Aarɔn kyɛ, ‘Tengyɛ wɔ pɔmaa ne, ná fa fĩ aseɛnwo mvuture nu ma ɔkakyi ngondia wɔ Misraim aseɛ so amukoraa.’ ”

Ɛksadɔso 8:5

Na AWURADE sele Mose kyɛ, “Ka kyire Aarɔn kyɛ, ‘Tengyɛ wɔ sa, ná fa wɔ pɔmaa ne kyire asue mbiri mɔ so, asue Naele sa mɔ so, ɔne ɛkwaa mɔ so, ná ma mborohyɛen yɛ Misraim aseɛ so amukoraa manyamanya!’ ”

Ɛksadɔso 9:21

Nakoso bɛ nu biemɔ bɔ bemmu AWURADE dwirɛ ne de, bɛyakyili bɛ ngoaa ne bɛ nyɛmmoa mɔ wɔ eburo.

Yosua 10:11

Na mmerɛ bɔ bɛ́nwati béfi Yisraelfoɛ nyunu, ná beedwuli Bete Horon ndoroleɛ nu ne, AWURADE yakyili asukɔtwea kungumaboɔ fili nyameɛso guale bɛ so toonn maa beedwuli Aseka, na bewuwuli. Na mmenia bɔ asukɔtwea ne huni bɛ ne, bɛsone bɛtra mmenia bɔ bɛtotɔle Yisraelfoɛ ngrandɛ noa ɔ.

Nyekyire 16:21

Na afei asukɔtwea mbiri mbiri bɔ ebiala nu nonɛ kɔyɛ kilo aburanna ne nnu ɔ, befili nyameɛso bɛtɔ beguale mmenia so; na ɛhawo bɔ asukɔtwea ne maa ɔwale ne ati, mmenia kekane musue dwirɛ betiale Nyameɛ, ofikyɛ né ɛhawo ne te piri paa.