Ɛksadɔso 9:16 - AHYERƐLƐ KRONGRON

¹⁶ Nakoso mamaa anya wɔ ti adidi nu, kyɛ ngɔye me tumi ali ngohyire wɔ ɔ, amaa ɔnate so me dumaa atrɛ ahɔ aseɛ ye aso amukoraa.

Ɛksadɔso 9:16 Iomraidhean Croise

2 Samuel 7:23

Maen beni yeɛ ɔwɔ aseɛ ye aso bɔ ɔte kyɛ wɔ maen Yisrael ɔ? Yisrael bɔ Nyameɛ ɔɔpɔle ye fa yɛle ye maen, bɔ ɔnate so Nyameɛ dumaa trɛle, bɔ yiti Nyameɛ foane maen maen mɔ ne bɛ nyameɛ mɔ fili ye mmenia nyunu, ná ɔyɔle nningyein mbiri mbiri ne anwanwadeɛ mane bɛ ne.

2 Ahemvo 19:35

Sɔ kɔngɔen ne ala, AWURADE abɔfo hɔle Asiria asikyeleɛ ne anu oohuhuni koɛhonɛfoɛ apee ɛyaa ko aburawɔtwɛ ne nnu. Aleɛ hyene ne, né efuin ngome yeɛ begua berɛ ɔ.

1 Aberɛso Dwirɛ 16:24

Ɛ́mɔbɔ ye animnyam ne nwo dawure wɔ maen maen mɔ so. Ɛ́mɔbɔ ye anwanwadeɛ nwo dawure wɔ maen maen amukoraa so.

Nehemia 9:10

Ɛyɔle nzɛngyerɛnneɛ ne anwanwadeɛ tiale Faro ne ye mbanyi amukoraa ne ye aseɛ ne aso ama mukoraa, ofikyɛ enwuni kyɛ bɛyɔle aniammɔwoho betiale yɛ nana mɔ. Elele dumaa, na sɔ dumaa ne watena berɛ maa waadwu ɛnɛ ye.

Edwein 106:8

Nakoso ɔnate ye dumaa ti, ɔpepɛ lele bɛ, amaa ɔnate so wala ye tumi kandinga ne ali.

Edwein 64:9

Afei ɛserɛ kɔtɔ mmenia amukoraa so, na bɛkɔbɔ bɔ Nyameɛ wayɔ ɔ nwo dawure, ná badwene bɔ wayɔ ɔ nwo.

Edwein 76:10

“Amba, mmenia yaafɛlɛ po, ɔkakyi ayɛyelɛ ma wɔ; wɔ yaafɛlɛ piri ne, ɛfa ye ngaa bɔ abɔsoɛ.

Ɛksadɔso 14:17

Me de, ngɔma Misraimfoɛ kobubu mmakaa kotua bɛ so, amaa ɔnate so bapo Yisraelfoɛ so. Na ɔnate Faro ne ye asraafoɛ amukoraa so, ye teaseɛnam mɔ ne ye pɔngɔhanɛfoɛ so, ngɔhyɛ me nwo animnyam.

Ɛksadɔso 14:4

Ngɔma Faro kobubu mmakaa kotua ye so. Ɔkɔpo bɛ so, nakoso ɔnate Faro ne ye lɔen amukoraa so ngɔhyɛ me nwo animnyam; na Misraimfoɛ konwu ye kyɛ me ole AWURADE.” Na sɔ ala yeɛ Yisraelfoɛ yɔle ɔ.

Ɛksadɔso 18:11

Na afei de, manwu ye kyɛ AWURADE te piri tra bosoen biala, ofikyɛ olele mmenia ne fili Misraimfoɛ sa nu, mmerɛ bɔ né bɛ́hyɛ bɛ anyeborolɛ ne.”

Ɛksadɔso 9:15

Na sɛ matengyɛ me sa mama ewue anwonyerɛ abɔ wɔ ne wɔ mmenia a, ahaa bekye awu afi aseɛ ye aso.

Ɛksadɔso 9:17

Nakoso bekye po yeɛ adwɔso atia me mmenia, bɔ ɛngɔma bɛngɔhɔ ɔ.

Anyandera 16:4

AWURADE le botaeɛ bɔ yiti yeɛ wayɔ nikyee biala ɔ, bɔnefoɛ mɔ po, amaneɛnwunɛ kyẽa ne la berɛ ma bɛ.

Yeremia 32:20

wɔ bɔ ɛyɔle nzɛngyerɛnneɛ ne anwanwadeɛ wɔ Misraim aseɛ so, ná ɛkɔso yɔ ye wɔ Yisrael ne adasa amukoraa nu maa waadwu ɛnɛ ɔ, ná afa ale dumaa maa waadwu ɛnɛ ɔ.

Hesekiel 39:21

“Ngɔla m’animnyam ali wɔ maen maen mɔ nu, na maen maen nemɔ konwu me ndɛenbualɛ bɔ mabua ɔ, ɔne m’asohwenɛ bɔ mamaa wawa bɛ so ɔ.

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Malaki 1:14

Musue to nnakannaka sona bɔ ɔfa kaka nyii bɔ ɔwɔ ye mmoaen kure nu ɔ ɔhyɛ bɔ, nakoso ɔfa bɔ wali nnɛen ɔ ɔbɔ afɔleɛ ma AWURADE ɔ. Ofikyɛ nde Ɛhene piri, na me dumaa nwo suronyi tɔ maen maen mɔ so, Asafo AWURADE noa dwirɛ ɛne.

Numeri 14:21

Nakoso, kyɛ nde ase ye, ɔne kyɛ AWURADE animnyam koyi aseɛ ye aso amukoraa tɛkyɛɛ ye,

Romanfoɛ 9:17

Na ɛhe ati yeɛ Ahyerɛlɛ ne sele Faro kyɛ, “Mapagya wɔ, kyɛbɔ ngɔfa wɔ so ngɔma me tumi kɔla ali wɔ wɔ nu, ná babɔ me dumaa wɔ aseɛ so amukoraa ɔ.”

Romanfoɛ 9:22

Sɔ ala yeɛ Nyameɛ ayɔ ɔ. Ɔyɛle kyɛ ahaa ɔkɔla ye yaafɛlɛ piri ne ye tumi ali. Nakoso onyane aboterɛ mane bɛ bɔ ɔfɛle bɛ nwo yaa bɔ b’ayieleɛ ole ewue ne.

Yosua 4:24

AWURADE yɔle sɔ, kyɛbɔ aseɛ so mmenia mukoraati konwu ye kyɛ AWURADE le tumi ɔ, amaa ɔnate so ɛmɔasuro AWURADE ɛmɔ Nyameɛ mmerɛ biala.”

1 Petro 2:19

Ofikyɛ ɛhe te animnyam, kyɛ wɔ tiboa se Nyameɛ ti, emia wɔ nye edi aworabɔlɛ enwu amaneɛ bɔ ɔmvata ɔ.

1 Petro 2:8

yeɛ ɔte sundidua nyɔboɛ ne sundiduatolɛ nyɔbotaen ma bɛ.” Na befi ase, ofikyɛ bɛyɛ edwirɛ ne nwo asoserɛ, kyɛbɔ b’ayieleɛ nhyehyɛleɛ te ne ala.

Yuda 1:4

Ofikyɛ mmenia biemɔ bawuawua bɛ nwo baawura ɛmɔ nu, mmenia bɔ ofi tetetete bahyerɛ bɛ nwo dwirɛ bato berɛ bama ndɛenbualɛ he, amumuyɛɛfoɛ bɔ bafa yɛ Nyameɛ adom ne bakakyi ahowibra, ná bɛpo Awurade Yesu Kristo bɔ ɔte yɛ Meneɛ komapɛ ne ɔ.

1 Samuel 4:8

“Yawu oo, yawu oo! Nwa yeɛ ɔkɔpepɛ kole yɛ kofi nyameɛ tumifoɛ hemɔ bɛ sa nu ɔ? Nyameɛ hemɔ yeɛ bɛpraprale amaneɛ ahoroɔ beguale Misraimfoɛ so wɔ ɛserɛ so ne.