Ɛksadɔso 9:15 - AHYERƐLƐ KRONGRON

¹⁵ Na sɛ matengyɛ me sa mama ewue anwonyerɛ abɔ wɔ ne wɔ mmenia a, ahaa bekye awu afi aseɛ ye aso.

Ɛksadɔso 9:15 Iomraidhean Croise

2 Samuel 7:23

Maen beni yeɛ ɔwɔ aseɛ ye aso bɔ ɔte kyɛ wɔ maen Yisrael ɔ? Yisrael bɔ Nyameɛ ɔɔpɔle ye fa yɛle ye maen, bɔ ɔnate so Nyameɛ dumaa trɛle, bɔ yiti Nyameɛ foane maen maen mɔ ne bɛ nyameɛ mɔ fili ye mmenia nyunu, ná ɔyɔle nningyein mbiri mbiri ne anwanwadeɛ mane bɛ ne.

1 Ahemvo 13:34

Sɔ nikyee bɔ Yeroboam yɔle ne, ɔɔyɛle bɔne tɔle ye abusuafoɛ so, maa ɔnate so bɛ boso nuane fili aseɛ ye aso.

2 Ahemvo 17:36

Na mmom ɛ́mɔsɔne AWURADE, bɔ ole tumi piri ne tumi asaa yele ɛmɔ fili Misraim aseɛ so wale ne. Odi kyɛ ye yeɛ ɛmɔkoto ye ná ɛmɔbɔ afɔleɛ bɛma ye ɔ.

2 Ahemvo 19:35

Sɔ kɔngɔen ne ala, AWURADE abɔfo hɔle Asiria asikyeleɛ ne anu oohuhuni koɛhonɛfoɛ apee ɛyaa ko aburawɔtwɛ ne nnu. Aleɛ hyene ne, né efuin ngome yeɛ begua berɛ ɔ.

Ɛksadɔso 14:28

Nzue ne ha tuale, na ɔfale teaseɛnam nemɔ, pɔngɔhanɛfoɛ nemɔ, ɔne Faro ɛlɔen amukoraa bɔ bɛpole Yisraelfoɛ so wɔ ɛpo ne anu ne. Bɛ nu ko po anga.

Ɛksadɔso 3:20

Yiti ngɔtengyɛ me sa ngɔfa anwanwadeɛ mukoraati bɔ ngɔyɔ ye Misraim ne ngotia Misraim, na ɛhe asi ne, ɔkɔma ɛmɔ kɔhɔ.

Ɛksadɔso 9:14

Ofikyɛ afei de, mebaama me hawo amukoraa ba wɔ bɔbɔ wɔ so, wɔ somvoɛ mɔ ne wɔ maen so, amaa ɔnate so anwu ye kyɛ ebiala nne berɛ bɔ ɔte kyɛ me ɔ wɔ aseɛ so amukoraa.

Ɛksadɔso 9:16

Nakoso mamaa anya wɔ ti adidi nu, kyɛ ngɔye me tumi ali ngohyire wɔ ɔ, amaa ɔnate so me dumaa atrɛ ahɔ aseɛ ye aso amukoraa.

Ɛksadɔso 9:3

AWURADE tumi kɔma ngaka wue bɔ ye noa yɛ hye kɔha wɔ ngaka bɔ bahɔ adidie ɔ, wɔ mbɔngɔ mɔ, afunum mɔ, afupɔngɔ mɔ ne wɔ nyɛmmoa mɔ.

Ɛksadɔso 9:6

Aleɛ hyene ne, AWURADE yɔle sɔ ala. Misraimfoɛ nyɛmmoa mukoraa wuwuli, nakoso Yisraelfoɛ nyɛmmoa de, ko po anwu.

Anyandera 2:22

nakoso bɔnefoɛ de, bekonua bɛ boso bekofi aseɛ so, na amumuyɛɛfoɛ wora, bɛkɔprapra bɛ boso bekofi so.