Ɛksadɔso 8:8 - AHYERƐLƐ KRONGRON

⁸ Afei Faro frɛle Mose ne Aarɔn sele bɛ kyɛ, “Ɛ́mɔserɛ AWURADE bɛma ɔye mborohyɛen nemɔ ofi me ne me mmenia so, na ngɔma Yisraelfoɛ kɔhɔ ná baabɔ afɔleɛ bama AWURADE.”

Ɛksadɔso 8:8 Iomraidhean Croise

1 Ahemvo 13:6

Yeɛ Nana Yeroboam sele Nyameɛ sona ne kyɛ, “Srɛ AWURADE wɔ Nyameɛ maa onwu me anwumvoin, ná bɔ mbaeɛ ma me maa me sa ne osa ɔyɛ paa.” Yiti Nyameɛ sona ne srɛle AWURADE mane Nana Yeroboam sa ne yɛle paa, na ɔyɛle kyɛ ye daa ne ala.

Edwein 66:3

Ɛmɔhã behyire Nyameɛ kyɛ, “Wɔ nnwumaa yɛ nwanwa! Ɔnate wɔ tumi kandinga ne ati, wɔ pɔfoɛ mɔ koto wɔ gya bo.

Ɛksadɔso 10:16

Afei Faro hane ye nwo tole ye sa frɛle Mose ne Aarɔn maa bɛwale, na osele kyɛ, “Mayɛ bɔne matia AWURADE ɛmɔ Nyameɛ ne, ɔne ɛmɔ.

Ɛksadɔso 10:17

Yiti mesrɛ wɔ, ɛhe angome de, fa me bɔne kyɛ me; na ɛ́mɔsrɛ AWURADE ɛmɔ Nyameɛ ne ma ɔye ewue he fi me so.”

Ɛksadɔso 10:18

Yiti Mose fili Faro nwo berɛ hɔle ɔɔsrɛle AWURADE.

Ɛksadɔso 14:5

Mmerɛ bɔ bɛha behyirele Misraim hene kyɛ mmenia nemɔ anwati nen, ɔne ye mbanyi mɔ benyane adwene foforɛ wɔ mmenia nemɔ anwo, na besele kyɛ, “Nzikyɛ nikye yeɛ yayɔ ye, bɔ yama Yisraelfoɛ ayakyi yɛ solɛ ná bahɔ ye?”

Ɛksadɔso 32:11

Nakoso Mose pale AWURADE ye Nyameɛ kyerɛ kyɛ, “O AWURADE, wɔ mmenia bɔ ɛnate tumi piri ne anwoserɛ so ɛyele bɛ fili Misraim aseɛ so wale ne, nzu ati yeɛ afɛ bɛ so yaa piri sɔa ɔ?

Ɛksadɔso 5:2

Nakoso Faro buale kyɛ, “AWURADE ne ole nwa bɔ ɔsɛ kyɛ metie ye ná mema Yisraelfoɛ bɛkɔ ɔ? Menze sɔ AWURADE ne, yeɛ Yisraelfoɛ koso mengɔma bɛngɔhɔ!”

Ɛksadɔso 8:15

Faro nwuni kyɛ bɛ nwo atɔ bɛ kãa, yiti obubuli mmakaa tuale ye so, na wandɛ bɛ so, kyɛbɔ AWURADE hane ne ala.

Ɛksadɔso 8:29

Na Mose buale kyɛ, “Mefi wɔ wa mekɔ ala a, ngɔsrɛ AWURADE. Na nwɔsea pembepembe paa ne kofi Faro ne ye mbanyi ne ye mmenia so kɔhɔ ɛhema. Nakoso nnɛma Faro yɛ nnakannaka ko kyɛ ɔngɔma mmenia ne ngɔɔbɔ afɔleɛ ngɔma AWURADE.”

Ɛksadɔso 8:32

Nakoso Faro sá bubuli mmakaa tuale ye so sɔ mmerɛ ne, na wamma mmenia ne ate ma bangɔ.

Ɛksadɔso 8:9

Na Mose sele Faro kyɛ, “Wɔ adaworoma, maa nwu mmerɛ horɛ bɔ nzrɛ ma wɔ, ɛne wɔ mbanyi mɔ ne wɔ mmenia, kyɛbɔ ɔkɔyɛ ná mborohyɛen nemɔ awuwu afi wɔ ne w’awuro mɔ so ɔ; asue Naele nu deɛ angome yeɛ ɔkɔha ɔ.”

Ɛksadɔso 9:27

Afei Faro somane maa bɛɛfrɛle Mose ne Aarɔn bɛwale, na osele bɛ kyɛ, “Ɛhe de, mayɛ bɔne, AWURADE di be, na me ne me mmenia mukoraa yɛdi fɔ.

Ɛksadɔso 9:28

Yiti ɛ́mɔsrɛ AWURADE bɛma ɔyakyi, ofikyɛ agralaa ne asukɔtwea nyɔboɛ sɔa de, ɔbo yɛ so. Ngɔma ɛmɔ kɔhɔ, na ɛmɔngɔtena wa ko.”

Ɛksadɔso 9:33

Mose fili Faro awuro berɛ, ofili kuro ne anu, ɔtrɛle ye sa nu srɛle AWURADE, na agralaa ne asukɔtwea nyɔboɛ ne yakyili, na esue ne andɔ angua aseɛ ne aso ko.

Numeri 21:7

Yeɛ mmenia ne wale Mose berɛ beesele kyɛ, “Yayɔ bɔne kyɛ yadwudwo yatia AWURADE, ɔne wɔ ɔ; serɛ AWURADE maa ɔye ewoo nemɔ ofi yɛ wa hɔ.” Yiti Mose pale kyerɛ mane maen ne.

Asomafoɛ 8:24

Na Simɔn sele Petro ne Yohane kyɛ, “Mepa ɛmɔ kyerɛ, ɛmɔbɔ mbaeɛ bɛsrɛ Awurade bɛma me, na bɔ ɛmɔaha ye anu biala ando me.”

1 Samuel 12:19

Na maen ne mukoraa sele Samuel kyɛ, “Srɛ AWURADE wɔ Nyameɛ ma wɔ ngoaa ná yanwuwu, ofikyɛ ɛhene bɔ yabisa yale nwo amumuyɛɛ ne, yafa yafoa yɛ bɔne amukoraa so.”