Ɛksadɔso 8:28 - AHYERƐLƐ KRONGRON

²⁸ Na Faro sele kyɛ, “Ngɔmaa ɛmɔkɔɔbɔ afɔleɛ bɛkɔma AWURADE ɛmɔ Nyameɛ ne wɔ ɛserɛ so, nakoso nnɛma ɛmɔkɔ dedeede. Ɛ́mɔli me ti dwirɛ bɛma me.”

Ɛksadɔso 8:28 Iomraidhean Croise

1 Ahemvo 13:6

Yeɛ Nana Yeroboam sele Nyameɛ sona ne kyɛ, “Srɛ AWURADE wɔ Nyameɛ maa onwu me anwumvoin, ná bɔ mbaeɛ ma me maa me sa ne osa ɔyɛ paa.” Yiti Nyameɛ sona ne srɛle AWURADE mane Nana Yeroboam sa ne yɛle paa, na ɔyɛle kyɛ ye daa ne ala.

Ɛsra 6:10

amaa ɔnate so babɔ afɔleɛ fonafona bama nyameɛso Nyameɛ ne, ná babɔ mbaeɛ bama me, ɛhene ne me mma.

Ɛksadɔso 10:17

Yiti mesrɛ wɔ, ɛhe angome de, fa me bɔne kyɛ me; na ɛ́mɔsrɛ AWURADE ɛmɔ Nyameɛ ne ma ɔye ewue he fi me so.”

Ɛksadɔso 3:19

Me de, mese kyɛ Misraim hene ngɔma ɛmɔ ate ma ɛmɔngɔhɔ, sana tumi piri bie hyɛ ye so koraka.

Ɛksadɔso 7:13

Bekye po yeɛ Faro bubuli mmakaa tuale ye so ɔ, na wandɛ bɛ so, kyɛbɔ AWURADE hane ne ala.

Ɛksadɔso 8:15

Faro nwuni kyɛ bɛ nwo atɔ bɛ kãa, yiti obubuli mmakaa tuale ye so, na wandɛ bɛ so, kyɛbɔ AWURADE hane ne ala.

Ɛksadɔso 8:29

Na Mose buale kyɛ, “Mefi wɔ wa mekɔ ala a, ngɔsrɛ AWURADE. Na nwɔsea pembepembe paa ne kofi Faro ne ye mbanyi ne ye mmenia so kɔhɔ ɛhema. Nakoso nnɛma Faro yɛ nnakannaka ko kyɛ ɔngɔma mmenia ne ngɔɔbɔ afɔleɛ ngɔma AWURADE.”

Ɛksadɔso 8:8

Afei Faro frɛle Mose ne Aarɔn sele bɛ kyɛ, “Ɛ́mɔserɛ AWURADE bɛma ɔye mborohyɛen nemɔ ofi me ne me mmenia so, na ngɔma Yisraelfoɛ kɔhɔ ná baabɔ afɔleɛ bama AWURADE.”

Ɛksadɔso 9:28

Yiti ɛ́mɔsrɛ AWURADE bɛma ɔyakyi, ofikyɛ agralaa ne asukɔtwea nyɔboɛ sɔa de, ɔbo yɛ so. Ngɔma ɛmɔ kɔhɔ, na ɛmɔngɔtena wa ko.”

Nworɛ Dwirɛhanɛniɛ 6:10

Nikyee biala bɔ ɔwɔ berɛ ne, bato ye dumaa dadadada. Ebiala se kyɛbɔ kuro sona osi te ɔ. Ebiala se kyɛ, sona ngora nne ebie bɔ ye nwo yɛ se tra ye ɔ benni apereapereɛ.

Yeremia 42:2

na besele ngɔmhyɛlɛniɛ Yeremia kyɛ, “Yɛsrɛ wɔ ala, tie yɛ sufrɛ, ná bɔ mbaeɛ kyire AWURADE wɔ Nyameɛ ma yɛ, yɛ mmenia ngaa bɔ yaha ye (ofikyɛ mmenia wora ye, yɛ nu kãa bie yeɛ yaha ɔ, kyɛbɔ wɔ nye tua yɛ ye),

Hosea 10:2

B’adwene ayɛ ndaa ndaa, afei odi kyɛ bɛsoa bɛ mvomsoɛ; AWURADE kobubu b’afɔleɛ mmokyea mɔ, na ɔkɔsɛkye b’amoen nemɔ.

Asomafoɛ 8:24

Na Simɔn sele Petro ne Yohane kyɛ, “Mepa ɛmɔ kyerɛ, ɛmɔbɔ mbaeɛ bɛsrɛ Awurade bɛma me, na bɔ ɛmɔaha ye anu biala ando me.”