Ɛksadɔso 8:20 - AHYERƐLƐ KRONGRON

²⁰ Na AWURADE sele Mose kyɛ, “Dwɔso ngyerɛmɔ tutuutu kɔ Faro berɛ, wɔ mmerɛ bɔ ófite kɔ nzue ne anu ɔ, ná ka kyire ye kyɛ, ‘AWURADE nwa nyoo: Ma me mmenia nemɔ ate ma bɛhɔ, ná bɛɛso me.

Ɛksadɔso 8:20 Iomraidhean Croise

Edwein 105:31

Odwudwole, na atuin pembepembe paa yeɛ ngondia wale bɛ maen ne anu nekaa biala.

Edwein 78:45

Ɔsomane atuin pembepembe paa wɔ bɛ berɛ maa bɛɛkekale bɛ, ɔne mborohyɛen maa bɛɛteeteele bɛ.

Ɛksadɔso 2:5

Faro awa brasua wale kyɛ ɔbaabia asue ne anu. Né ye abaawa nemɔ natenate asue ne noa. Onwuni kyɛ kɛndɛen ne gyi ngyɛngyɛma ne anu, na ɔsomane ye abaawa ne ko kyɛ ɔɔfa bra.

Ɛksadɔso 3:18

“Bekotie wɔ dwirɛ, na ɛne Yisrael mbanyi bɛhɔ Misraim hene berɛ beese ye kyɛ, ‘AWURADE, Hebrifoɛ Nyameɛ ne, ɔne yɛ ayia. Yiti yɛsrɛ wɔ, ma yɛ ate ma yɛhɔ atee bɔ bɛfa ɛlɛsa bɛpɛ ɔ wɔ ɛserɛ so, ná yɛɛbɔ afɔleɛ yɛma AWURADE yɛ Nyameɛ ne.’

Ɛksadɔso 4:23

Na mekã mekyire wɔ kyɛ, “Ma mma ne ɔhɔ ɔɔsɔne me.” Na sɛ amma ye ate ma wangɔ a, ngohũ wɔ bamuɛbaa bienzua.’ ”

Ɛksadɔso 5:1

Nziɛ ye, Mose ne Aarɔn hɔle Faro berɛ beesele ye kyɛ, “AWURADE Yisrael Nyameɛ nwa: ‘Ma me mmenia nemɔ bɛhɔ, ná beeli aluolue bɛma me wɔ ɛserɛ so.’ ”

Ɛksadɔso 5:3

Na besele kyɛ, “Hebrifoɛ Nyameɛ ne ɔne yɛ ayia, yiti yɛsrɛ wɔ, ma yɛ ate ma yɛhɔ atee bɔ bɛfa ɛlɛsa bɛpɛ ɔ wɔ ɛserɛ so, ná yɛɛbɔ afɔleɛ yɛma AWURADE yɛ Nyameɛ ne; na anyɔ a né wafa ewue anwonyerɛ anaa ngrandɛ wawa yɛ so.”

Ɛksadɔso 7:15

Kɔ Faro berɛ ngyerɛmɔ, mmerɛ bɔ ófite kɔ asue Naele noa ɔ. Kogyina asue ne noa berɛ nwondɛ ye, ná fa wɔ pɔmaa bɔ ɔkakyili ewoo ne tira.

Ɛksadɔso 8:1

Na AWURADE sele Mose kyɛ, “Kɔ Faro berɛ kose ye kyɛ, ‘AWURADE nwa nyoo: Ma me mmenia nemɔ ate ma bɛhɔ, ná bɛɛsɔne me.

Ɛksadɔso 8:21

Na sɛ amma me mmenia nemɔ ate ma bangɔ a, ngɔsoma nwɔsea pembepembe paa maa bɛkɔwa wɔ ne wɔ mbanyi ne wɔ mmenia so, ɔne w’awuro mɔ nu. Nwɔsea koyi Misraimfoɛ awuro mɔ nu tɛkyɛ, ɔne aseɛ bɔ bɛ gya gyi so ne po.

Ɛksadɔso 9:13

Na AWURADE sele Mose kyɛ, “Pɛ aleɛ dwɔso ná kɔ Faro berɛ kose ye kyɛ, ‘AWURADE, Hebrifoɛ Nyameɛ ne nwa nyoo: Ma me mmenia nemɔ ate ma bɛhɔ, na bɛɛsɔne me.