Ɛksadɔso 8:15 - AHYERƐLƐ KRONGRON

¹⁵ Faro nwuni kyɛ bɛ nwo atɔ bɛ kãa, yiti obubuli mmakaa tuale ye so, na wandɛ bɛ so, kyɛbɔ AWURADE hane ne ala.

Ɛksadɔso 8:15 Iomraidhean Croise

Ɛksadɔso 14:5

Mmerɛ bɔ bɛha behyirele Misraim hene kyɛ mmenia nemɔ anwati nen, ɔne ye mbanyi mɔ benyane adwene foforɛ wɔ mmenia nemɔ anwo, na besele kyɛ, “Nzikyɛ nikye yeɛ yayɔ ye, bɔ yama Yisraelfoɛ ayakyi yɛ solɛ ná bahɔ ye?”

Ɛksadɔso 4:21

Na AWURADE sele Mose kyɛ, “Sɛ esa kɔ Misraim a, nea kyɛ anwanwadeɛ mukoraa bɔ mama wɔ tumi kyɛ ɛyɔ ne, ɛkɔyɔ ye Faro nyunu. Nakoso ngɔma ye so kɔyɛ se, bɔ ɔnate so ɔngɔma me mmenia nemɔ ngɔhɔ ɔ.

Ɛksadɔso 7:4

nakoso Faro ngɔtɛ ɛmɔ so. Ngɔfa me tumi ngɔhwe Misraim so, na ngɔfa asohwenɛ piri so ngɔye me lɔen, me mmenia Yisraelfoɛ, ngofi Misraim aseɛ so.

Ɛksadɔso 8:14

Bɛboaboale bɛ noa kure kure, na maen ne anu bone mvamvamvamva.

Ɛksadɔso 8:16

Na AWURADE sele Mose kyɛ, “Ka kyire Aarɔn kyɛ, ‘Tengyɛ wɔ pɔmaa ne, ná fa fĩ aseɛnwo mvuture nu ma ɔkakyi ngondia wɔ Misraim aseɛ so amukoraa.’ ”

Ɛksadɔso 8:28

Na Faro sele kyɛ, “Ngɔmaa ɛmɔkɔɔbɔ afɔleɛ bɛkɔma AWURADE ɛmɔ Nyameɛ ne wɔ ɛserɛ so, nakoso nnɛma ɛmɔkɔ dedeede. Ɛ́mɔli me ti dwirɛ bɛma me.”

Ɛksadɔso 8:29

Na Mose buale kyɛ, “Mefi wɔ wa mekɔ ala a, ngɔsrɛ AWURADE. Na nwɔsea pembepembe paa ne kofi Faro ne ye mbanyi ne ye mmenia so kɔhɔ ɛhema. Nakoso nnɛma Faro yɛ nnakannaka ko kyɛ ɔngɔma mmenia ne ngɔɔbɔ afɔleɛ ngɔma AWURADE.”

Ɛksadɔso 8:32

Nakoso Faro sá bubuli mmakaa tuale ye so sɔ mmerɛ ne, na wamma mmenia ne ate ma bangɔ.

Ɛksadɔso 8:8

Afei Faro frɛle Mose ne Aarɔn sele bɛ kyɛ, “Ɛ́mɔserɛ AWURADE bɛma ɔye mborohyɛen nemɔ ofi me ne me mmenia so, na ngɔma Yisraelfoɛ kɔhɔ ná baabɔ afɔleɛ bama AWURADE.”

Anyandera 26:11

Kyɛbɔ kyea fe a osa kodi ne, sɔ ala yeɛ kwaseaa osa kɔyɔ ngwaseade ɔ.

Anyandera 29:1

Sona bɔ bɛtaa betwi ye nyunu a ogua ye so asi ne, musue bɔ ɔkɔto ye mvum nu ne, ongonya ye sɔbea.

Nworɛ Dwirɛhanɛniɛ 8:11

Na ɔnate kyɛ bɔne yɔleɛ nwo akatuaa ɔmma ndɛndɛ so ne ati, kuro sona ama bɔne yɔleɛ ali ye ti.

Yesaya 26:10

Sɛ enwu amumuyɛɛniɛ anwumvoin a, amumuyɛɛniɛ ne nzua kyɛ ɔkɔbɔ bra bɔ ɔtengyɛ ɔ; na aseɛ bɔ pɛpɛɛpɛyɛlɛ wɔ so ne, sɔ sona ne de, amumuyɛɛ yeɛ ɔyɔ ɔ, na onnwu kyɛbɔ AWURADE osi te piri ɔ.

Hosea 6:4

Ao Efraim, nzikyɛ yeɛ mva nyɔ wɔ ɔ? Ao Yuda, nzikyɛ yeɛ mva nyɔ wɔ ɔ? Ɛmɔ nahorɛlilɛ te kyɛ ngyerɛmɔ munungum, na ɔte kyɛ bosue bɔ ɔpɛ nu kɔ ndɛndɛ ɔ.

Hebrifoɛ 3:15

Kyɛbɔ bɛkã kyɛ, “Ɛnɛ, sɛ ɛmɔte Nyameɛ dwudwolɛ a, nnɛma ɛmɔyɛ asoserɛ, kyɛbɔ bɛyɛle ye so lɔen ne.”

Hebrifoɛ 3:8

nnɛma ɛmɔyɛ asoserɛ, kyɛbɔ bɛyɛle ye so lɔen, wɔ mmerɛ bɔ besole ye bɛneane wɔ ɛserɛ so ne.

Nyekyire 16:9

Na ahuhuro kandinga mane mmenia nwo yerayerale bɛ, na bɛkekane musue dwirɛ betiale Nyameɛ bɔ ole sɔ ɛhawo nemɔ so tumi ne, na banzakyera b’adwene banhyɛ ye animnyam.

1 Samuel 6:12

Nandwie nemɔ hɔle bɛ nyunu tee bɛfale atimbire komapɛ aso bɛfale bɛ nye behyirele Bete Semese. Na nandwie nemɔ bɛkɔ ne, né besu. Bammakye bamva bɛen anaa famaa; na Filisti ahemvo nemɔ lili bɛ si toonn beedwuli Bete Semese ɛwɛen so.

1 Samuel 6:3

Na bebuale kyɛ, “Sɛ ɛmɔye Yisrael Nyameɛ apam alaka ne befi wa bɛkɔ a, ye de nnɛma ɛmɔfa ye mbaen bɛkɔ, na mmom ɔsɛ kyɛ ɛmɔfa foɛlilɛ afɔleɛ bɛboka so bɛkɔma ye. Na ɛhe kɔma ɛmɔ anwonyerɛ ne kɔhɔ, na ɛmɔkonwu bɔ yiti yeɛ ɔmma ye amaneɛ piri paa he omvi ɛmɔ so ye.”

1 Samuel 6:6

Nzu ati yeɛ ɛmɔyɛ asoserɛ kyɛbɔ Misraimfoɛ ne Faro yɛle asoserɛ ne? Oguale Misraimfoɛ nyunu ase yiele nen, aso bamma Yisraelfoɛ ate ma bangɔ?

1 Samuel 6:9

Afei ɛ́mɔfa ɛmɔ nye beli ye si. Sɛ ɔfa atee ne aso ɔkɔ Bete Semese ɔkɔ ye bɔbɔ ye maen nu a, ye de AWURADE yeɛ wafa amaneɛ piri he wato yɛ so ɔ. Nakoso sɛ wangɔ dɔ a, ye de yɛkonwu ye kyɛ nna AWURADE yeɛ wafa amaneɛ piri he wato yɛ so ɔ, na mmom asane bie mbaen yeɛ wato yɛ ɔ.”