Ɛksadɔso 8:14 - AHYERƐLƐ KRONGRON

¹⁴ Bɛboaboale bɛ noa kure kure, na maen ne anu bone mvamvamvamva.

Ɛksadɔso 8:14 Iomraidhean Croise

1 Ahemvo 18:26

Yiti bɛyele nandwie nyii ne ko, behuni ye bɛpepɛle nu ahuronzi ahuronzi, na besu bɛfrɛle Baal fi ngyerɛmɔ maa oodwuli eyiagyina. Bɛteateane nu kyɛ, “O Baal, tie yɛ e!” Nakoso ebiala andɛ bɛ so, bannya mmuayɛɛ biala. Na afɔleɛ bokyea bɔ basi ne, behuruhuru bego bɛfale ye nwo.

1 Ahemvo 18:29

Eyiagyina pɛle nu ne, bɛhɔle so belili ahɔen alaa kɔpem kyɛ mmerɛ bɔ odi kyɛ bɛbɔ aburoo afɔleɛ ne dwuli ɔ. Nakoso ebiala andɛ bɛ so, bannya mmuayɛɛ biala, yeɛ ebiala anye bɛ noa.

Ɛksadɔso 7:21

Nzue ne anu naen wuwuli, na Naele nzue bone mvamvamvamva bɔ Misraimfoɛ angora bie no ɔ. Na Misraim aseɛ ne aso amukoraa yɛle mogya.

Ɛksadɔso 8:13

AWURADE yɔle bɔ Mose srɛle ye ne; mborohyɛen nemɔ wuwuli wɔ awuro nemɔ anu, aluo ne fieso.

Ɛksadɔso 8:15

Faro nwuni kyɛ bɛ nwo atɔ bɛ kãa, yiti obubuli mmakaa tuale ye so, na wandɛ bɛ so, kyɛbɔ AWURADE hane ne ala.

Ɛksadɔso 8:24

AWURADE yɔle sɔ koso amba. Nwɔsea pembepembe paa wale beeyili Faro awuro ne ye mbanyi mɔ awuro tɛkyɛ. Na nwɔsea lele Misraim aseɛ ne aso amukoraa fale.

Ɛksadɔso 9:11

Ɔnate mbɔmbɔ ne ati, ngonyaayelɛfoɛ nemɔ angora Mose nyunu gyina, ofikyɛ né mbɔmbɔ abobɔ ngonyaayelɛfoɛ nemɔ ne Misraimfoɛ amukoraa.

Yesaya 19:11

Soan nnehyeɛ mɔ bɛte ngwaseafoɛ paa, Faro foɛtulɛfoɛ nu nworɛfoɛ nemɔ betu foɛ tɛɛ. Nzu ati yeɛ ɛmɔkora bese Faro kyɛ, “Nde nworɛniɛ awa, nde daa tete ahemvo nemɔ b’anomaa”?

Yesaya 34:2

Ofikyɛ AWURADE afɛ maen maen amukoraa so yaa, ye ahone ahu b’ɛlɔen amukoraa, wanoma bɛ bɔkɔɔ, na waye bɛ wama ehunɛ.

Hesekiel 39:11

“Na ɔkɔwa kyɛ, sɔ kyẽa ne, ngɔma Gɔgo aseɛ bɔ bekosie ye so ɔ wɔ Yisrael, wɔ Akwandufoɛ Bɔnza bɔ ɔwɔ ɛpo eyia afiteleɛ ne anu, bɔnza bɔ osi akwandufoɛ atee ne. Berɛ yeɛ bekosie Gɔgo ne ye lɔen worawora ne amukoraa ɔ, na bɛkɔfrɛ berɛ Hamon Gɔgo Bɔnza.

Yoel 2:20

na mmom ɛlɔen bɔ ofi sorɔ dɔ ne, ngɔye ye ngofi ɛmɔ so ngɔhɔ dedeede, na ngɔfoa ye ngɔhɔ aseɛ pralaa katerepee bie aso, bɔ ye nye kyire eyia afiteleɛ ɛpo, ná ye si kyire eyia atɔleɛ ɛpo; ye nwo pambaen kotu kɔwa, na ye mvaa ne kɔbɔ kɔwa, ofikyɛ wayɔ bɔne mbiri mbiri.