Ɛksadɔso 7:5 - AHYERƐLƐ KRONGRON

⁵ Na sɛ metengyɛ me sa wɔ Misraim so, ná meye Yisraelfoɛ mefi bɛ nu a, Misraimfoɛ konwu kyɛ me ole AWURADE.”

Ɛksadɔso 7:5 Iomraidhean Croise

Edwein 138:7

Ɔwɔ nu kyɛ mefa amaneɛ nu de, nakoso ɛbɔ me ngoa nwo waen. Ɛtengyɛ wɔ sa fa tia me pɔfoɛ mɔ b’ɛyaafɛlɛ, na wɔ sa famaa ne yeɛ ɔpepɛ de me ɔ.

Edwein 9:16

AWURADE nate ye ndɛen turoloo bɔ obua ne aso waye ye nwo ali wahyire; wama bɔnefoɛ bɛ bɔbɔ bɛ yɔleɛ wayɛ ngaen wahye bɛ.

Ɛksadɔso 10:2

Na ɔnate so ɛkɔha kyɛbɔ masi magoro Misraimfoɛ nwo, ɔne nzɛngyerɛnneɛ bɔ mayɔ ye bɛ berɛ kohyire ɛwa ne w’anomaa. Na ɛhe kɔmaa ekonwu ye kyɛ me ole AWURADE.”

Ɛksadɔso 10:7

Na Faro mbanyi mɔ sele ye kyɛ, “Kyinzu koraa yeɛ biaa he kosua yɛ ngaen maa ɔkɔɔpem ɔ? Ma mmienzua ne bɛhɔ bɛɛsɔne AWURADE bɛ Nyameɛ ne. Aso ennwu ye kyɛ Misraim abɔ ɔ?”

Ɛksadɔso 14:18

Na sɛ ɔnate Faro ne ye teaseɛnam mɔ, ɔne ye pɔngɔhanɛfoɛ so mehyɛ me nwo animnyam a, Misraimfoɛ konwu ye kyɛ me ole AWURADE.”

Ɛksadɔso 14:4

Ngɔma Faro kobubu mmakaa kotua ye so. Ɔkɔpo bɛ so, nakoso ɔnate Faro ne ye lɔen amukoraa so ngɔhyɛ me nwo animnyam; na Misraimfoɛ konwu ye kyɛ me ole AWURADE.” Na sɔ ala yeɛ Yisraelfoɛ yɔle ɔ.

Ɛksadɔso 18:8

Na Mose fale ɛhemɔ nwo amaneɛ bɔle ye sia bienzua ne: nningyein mukoraa bɔ ɔnate Yisrael ti AWURADE afa ayɔ Faro ne Misraimfoɛ, ɔne amaneɛ mukoraa bɔ Yisraelfoɛ nwuni ye wɔ atunu, yeɛ afei kyɛbɔ AWURADE si yele bɛ fili nu ɔ.

Ɛksadɔso 3:20

Yiti ngɔtengyɛ me sa ngɔfa anwanwadeɛ mukoraati bɔ ngɔyɔ ye Misraim ne ngotia Misraim, na ɛhe asi ne, ɔkɔma ɛmɔ kɔhɔ.

Ɛksadɔso 6:1

Na AWURADE buale Mose kyɛ, “Afei de, ɛbaanwu nikyee bɔ ngɔfa ngɔyɔ Faro ɔ. Ofikyɛ, tumi piri kɔha ye kɔme asi maa ɔkɔyakyi bɛ maa bɛkɔhɔ; tumi piri kɔha ye kɔme asi maa ɔkɔfoa bɛ kofi ye aseɛ so.”

Ɛksadɔso 6:6

Yiti ka kyire Yisraelfoɛ kyɛ, “Me ole AWURADE, na ngɔye ɛmɔ ngofi Misraim amaneɛnwunɛ nu, ná male ɛmɔ mafi bɛ ngoaasolɛ nu. Na ɔnate tumi asaa ne asohwenɛ mbiri mbiri so yeɛ ngɔfa ngole ɛmɔ ɔ.

Ɛksadɔso 7:17

AWURADE nwa nyoo, ‘Bɔ ɔkɔmaa ekonwu ye kyɛ nde AWURADE ɛhe: Tie, ngɔfa pɔmaa bɔ otira me sa nu ne ngofĩ asue Naele nu, na nzue ne kɔkakyi mogya.

Ɛksadɔso 8:10

Na obuale kyɛ, “Ɛhema.” Na Mose koso hane kyɛ, “Ɔ́yɛ sɔ ala, kyɛbɔ aha ne, amaa ɔnate so anwu ye kyɛ ebiala nne berɛ bɔ ɔte kyɛ AWURADE yɛ Nyameɛ ne ɔ.

Ɛksadɔso 8:19

Na ngonyaayelɛfoɛ nemɔ sele Faro kyɛ, “Ɛhe de, Nyameɛ sa wɔ nu! Nakoso Faro bubuli mmakaa tuale ye so, na wandɛ bɛ so, kyɛbɔ AWURADE hane ne ala.

Ɛksadɔso 8:22

Nakoso sɔ kyẽa ne, ngɔye Gosen aseɛ bɔ me mmenia te so ne ngosie ahameɛ; nwɔsea pembepembe paa ne ngɔhɔ berɛ bie, amaa ɔnate so anwu ye kyɛ me ole AWURADE wɔ aseɛ ye aso.

Hesekiel 25:17

Ngɔfɛ yaa piri paa ngɔtɔ bɛ so wereɛ piri; na sɛ metɔ bɛ so wereɛ a, yeɛ bekonwu kyɛ me ole AWURADE ɔ.’ ”

Hesekiel 28:22

Kã kyɛ, ‘AWURADE Nyameɛ nwa nyoo, “O Sidon, tie, meko metia wɔ, na m’animnyam kɔla ali wɔ wɔ nu. Na sɛ metwe ye so, ná mema me krongronyɛlɛ da ali wɔ ye nu a, ye de bekonwu kyɛ me ole AWURADE.

Hesekiel 32:15

Na mmerɛ bɔ ngɔsɛkye Misraim aseɛ ne pasaa, bɔ ngɔsɛkye aseɛ ne aso nikyee biala maa ɔkɔla berɛ mbaen, bɔ ngohũhũ bɛ bɔ bɛte so amukoraa ne, yeɛ afei bekonwu kyɛ me ole AWURADE ɔ.

Hesekiel 36:23

Na me dumaa piri bɔ ɛmɔagua ye nwo fiɛ wɔ maen maen mɔ nu, bɔ ɛmɔagua ye nwo fiɛ wɔ bɛ nu ne, ngɔyɛ ye krongron. Na sɛ meyɛ me dumaa ne krongron wɔ ɛmɔ nu, bɔ bɛ nye tua a, afei maen maen mɔ konwu kyɛ me ole AWURADE, AWURADE Nyameɛ noa dwirɛ ɛne.

Hesekiel 39:22

Na ofi sɔ kyẽa ne bɔ ɔkɔ ɔ, Yisrael awuro ama konwu kyɛ me ole AWURADE bɛ Nyameɛ.

Hesekiel 39:7

“Ngɔla me dumaa krongron ne ali wɔ me maen Yisrael nu, mengɔma bengogua me dumaa krongron ne nwo fiɛ ko; na maen maen nemɔ bekonwu kyɛ me ole AWURADE, Yisrael nu Krongronniɛ ne.