Ɛksadɔso 7:3 - AHYERƐLƐ KRONGRON

³ Nakoso ngɔma Faro kɔyɛ asobrakyeɛ. Ɔwɔ nu kyɛ ngɔma me nzɛngyerɛnneɛ ne anwanwadeɛ kɔsone pee wɔ Misraim aseɛ so de,

Ɛksadɔso 7:3 Iomraidhean Croise

Nehemia 9:10

Ɛyɔle nzɛngyerɛnneɛ ne anwanwadeɛ tiale Faro ne ye mbanyi amukoraa ne ye aseɛ ne aso ama mukoraa, ofikyɛ enwuni kyɛ bɛyɔle aniammɔwoho betiale yɛ nana mɔ. Elele dumaa, na sɔ dumaa ne watena berɛ maa waadwu ɛnɛ ye.

Edwein 135:9

Ao Misraim, ɔsomane nzɛngyerɛnneɛ ne anwanwadeɛ maa ɔwale wɔ nu, ɔfa tiale Faro ne ye somvoɛ mɔ amukoraa.

Edwein 78:12

Ɔyɔle anwanwadeɛ mɔ bɔ bɛ nana mɔ bɛ nye tua ɔ, wɔ Misraim aseɛ so, wɔ Soan aseɛ pralaa ne aso.

Ɛksadɔso 11:10

Mose ne Aarɔn yɔle anwanwadeɛ he amukoraa wɔ Faro nyunu; AWURADE mane Faro bubuli mmakaa tuale ye so, na wamma Yisraelfoɛ ate ma bamvi ye aseɛ so bangɔ.

Ɛksadɔso 11:9

Na AWURADE sele Mose kyɛ, “Faro ngɔtɛ ɛmɔ so, na ɔnate so m’anwanwadeɛ kɔsone pee wɔ Misraim aseɛ so.”

Ɛksadɔso 14:4

Ngɔma Faro kobubu mmakaa kotua ye so. Ɔkɔpo bɛ so, nakoso ɔnate Faro ne ye lɔen amukoraa so ngɔhyɛ me nwo animnyam; na Misraimfoɛ konwu ye kyɛ me ole AWURADE.” Na sɔ ala yeɛ Yisraelfoɛ yɔle ɔ.

Ɛksadɔso 3:20

Yiti ngɔtengyɛ me sa ngɔfa anwanwadeɛ mukoraati bɔ ngɔyɔ ye Misraim ne ngotia Misraim, na ɛhe asi ne, ɔkɔma ɛmɔ kɔhɔ.

Ɛksadɔso 4:21

Na AWURADE sele Mose kyɛ, “Sɛ esa kɔ Misraim a, nea kyɛ anwanwadeɛ mukoraa bɔ mama wɔ tumi kyɛ ɛyɔ ne, ɛkɔyɔ ye Faro nyunu. Nakoso ngɔma ye so kɔyɛ se, bɔ ɔnate so ɔngɔma me mmenia nemɔ ngɔhɔ ɔ.

Ɛksadɔso 4:29

Afei Mose ne Aarɔn hɔle bɛɛboaboale Yisrael mbanyi mukoraa noa.

Ɛksadɔso 4:7

Na AWURADE sele ye kyɛ, “Fa wɔ sa wura wɔ hue so bieku.” Ɔfale ye sa wurale ye hue so bieku, na ɔyele ye sa ne fitele nen, né wasa wakakyi kyɛ ye nwonaen ngaa ne ala.

Ɛksadɔso 7:13

Bekye po yeɛ Faro bubuli mmakaa tuale ye so ɔ, na wandɛ bɛ so, kyɛbɔ AWURADE hane ne ala.

Ɛksadɔso 9:16

Nakoso mamaa anya wɔ ti adidi nu, kyɛ ngɔye me tumi ali ngohyire wɔ ɔ, amaa ɔnate so me dumaa atrɛ ahɔ aseɛ ye aso amukoraa.

Anyandera 21:1

Ɛhene adwene, ɔte kyɛ asue bɔ ɔtengyɛ ɔ wɔ AWURADE sa nu, nekaa bɔ okuro ɔ yeɛ obiri ye fa ɔ.

Yesaya 51:9

O AWURADE tumi, kanyane wɔ nwo, kanyane wɔ nwo, kyire w’anwoserɛ! Kanyane wɔ nwo kyɛbɔ ɛyɔle ye daa daa ne, kyɛbɔ ɛyɔle ye daa tetetete aworɛ ndoatoasoɛ nu ne. Aso nna wɔ yeɛ ɛpepɛle Rahabo nu ahuronzi ahuronzi ná ɛfale nikyee sinane ɛpo nu sasrabɔnzam ne ɔ?

Mika 7:15

Ngɔye anwanwadeɛ ali ngohyire ye, kyɛ mmerɛ bɔ efili Misraim aseɛ so ɛwale ne ala.

Yohane 4:48

Yeɛ Yesu sele ye kyɛ, “Ɛmɔngole ngoli, sana ɛmɔanwu anwanwadeɛ ne nzɛngyerɛnneɛ koraka.”

Asomafoɛ 2:22

“Yisraelfoɛ, ɛmɔtie edwirɛ he! Yesu bɔ ofi Nasarɛte ne, ɔte sona bɔ Nyameɛ yele ye tumi ne hyirele ɛmɔ wɔ nzɛngyerɛnneɛ ne anwanwadeɛ bɔ Nyameɛ fale ye so yɔle, kyɛbɔ ɛmɔ bɔbɔ bɛse ne, ofikyɛ ɛhe amu sili ɛmɔ nyunu.

Asomafoɛ 7:36

Mose yeɛ ɔyele Yisraelfoɛ fili Misraim ɔ, na ɔyɔle nzɛngyerɛnneɛ ne anwanwadeɛ wɔ Misraim aseɛ so, Ɛpo Kɔkorɛ ne aso ne ɛserɛ so afoɛ aburanna.

Romanfoɛ 15:19

nzɛngyerɛnneɛ ne anwanwadeɛ tumi so, Sunzum Krongron tumi so. Yiti mabɔ Kristo nzɛmba ne amukoraa nwo dawure mafi Yerusalem ne ye nwo nguro mɔ so maadwu Yilirikum.

Romanfoɛ 9:18

Na sɛ sɔ yeɛ ɔte de a, nzaade sona biala bɔ Nyameɛ kuro ye dwirɛ yeɛ onwu ye anwumvoin ɔ; yeɛ sona biala bɔ Nyameɛ kuro ne, yeɛ opini ye ahone ɔ.

Deuteronomi 4:34

Anaakyɛ nyameɛ bie wɔ berɛ bɔ wasi ye ahone le kyɛ ɔkwaaye maen bie fi maen foforɛ so ɔfa yɛ ye deɛ, bɔ nzɔhwɛ, nzɛngyerɛnneɛ ne anwanwadeɛ, koɛ, tumi nnwumaa, ɔne tumi asaa, yeɛ ɔfa yɔle sɔ ɔ, kyɛbɔ AWURADE ɛmɔ Nyameɛ yɔ mane ɛmɔ wɔ Misraim maa enwuni ye ne?

Deuteronomi 7:19

nzɔhwɛ mbiri mbiri bɔ ɛfale wɔ nye nwuni ye, nzɛngyerɛnneɛ, anwanwadeɛ, tumi piri ne tumi asaa bɔ AWURADE wɔ Nyameɛ fa yele wɔ fili berɛ ɔ. Na sɔ yeɛ AWURADE wɔ Nyameɛ kɔfa kɔyɔ mmenia bɔ esuro bɛ ne amukoraa ɔ.