Ɛksadɔso 7:19 - AHYERƐLƐ KRONGRON

¹⁹ Na AWURADE sele Mose kyɛ, “Ka kyire Aarɔn kyɛ, ‘Fa wɔ pɔmaa ne, ná tengyɛ wɔ sa wɔ Misraim nzue mɔ so: b’asue mbiri mɔ, Naele sa mɔ, b’abura mɔ ne b’ɛkwaa mukoraa so ma bɛkakyi mogya. Misraim aseɛ ne aso mukoraa kɔyɛ mogya, bua ne angora mɔ anu po.’ ”

Ɛksadɔso 7:19 Iomraidhean Croise

Gyenesise 1:10

Nyameɛ tole nekaa wosee ne dumaa Aseɛ, yeɛ nzue bɔ ye noa aboa ne koso, ɔtole ye dumaa Ɛpo. Na Nyameɛ nwuni kyɛ ɔte paa.

2 Ahemvo 4:29

Na Elisa sele Gehasi kyɛ, “Bɔ w’abɔsoɛ, fa me pɔmaa ne tira, na si nu kɔ. Sɛ eyia ebiala wɔ atunu a, nnebisa ye ahye; na sɛ ebiala bisa wɔ ahye a, nnesuro. Fa me pɔmaa ne kɔto akwadaa ne aso.”

Ɛksadɔso 10:12

Na AWURADE sele Mose kyɛ, “Ma wɔ sa so kyire Misraim aseɛ ne ma mmɛbɛ beyi bɛfa aseɛ ne, ná beli aseɛ ne aso nyaanyaa mukoraa bɔ asukɔtwea akungumaboɔ ne anzɛkye ye ne.”

Ɛksadɔso 10:21

Afei AWURADE sele Mose kyɛ, “Tengyɛ wɔ sa fa kyire anwuro ma awosii bra Misraim aseɛ so, awosii bɔ sana bɛfa bɛ sa befuafua ɔ.”

Ɛksadɔso 14:16

Ma wɔ pɔmaa ne aso, ná tengyɛ wɔ sa ɛpo ne aso ma nu hyɛ nyɔ, amaa ɔnate so Yisraelfoɛ afa aseɛ wosee so bapɛ ɛpo ne.

Ɛksadɔso 14:21

Afei Mose tengyɛle ye sa ɛpo ne aso. Na AWURADE mane eyia afiteleɛ mvrama piri bie tuli, na oopiane ɛpo ne sale nziɛ kɔngɔen ne. Ɔmane ɛpo ne kakyili aseɛ wosee, na nzue ne anu hyɛle.

Ɛksadɔso 14:26

Na AWURADE sele Mose kyɛ, “Tengyɛ wɔ sa wɔ ɛpo ne aso ma nzue ne sá ha bɔ nu, ná obu fa Misraimfoɛ ne bɛ teaseɛnam mɔ ne bɛ pɔngɔhanɛfoɛ so.”

Ɛksadɔso 4:9

Na sɛ banne sɔ nzɛngyerɛnneɛ nyɔ ne po banni, anaa bandie wɔ dwirɛ a, ye de sa asue Naele nzue ne bie, ná hwie gua aseɛ wosee so. Na Naele nu nzue bɔ ɛkɔsa ne kɔkakyi mogya wɔ aseɛ wosee ne aso.”

Ɛksadɔso 8:16

Na AWURADE sele Mose kyɛ, “Ka kyire Aarɔn kyɛ, ‘Tengyɛ wɔ pɔmaa ne, ná fa fĩ aseɛnwo mvuture nu ma ɔkakyi ngondia wɔ Misraim aseɛ so amukoraa.’ ”

Ɛksadɔso 9:33

Mose fili Faro awuro berɛ, ofili kuro ne anu, ɔtrɛle ye sa nu srɛle AWURADE, na agralaa ne asukɔtwea nyɔboɛ ne yakyili, na esue ne andɔ angua aseɛ ne aso ko.

Yesaya 19:10

Maen ne, ye nyinasoɛ nemɔ kodwiri kogua, na apaafoɛ amukoraa bekoli aworabɔlɛ.

Yesaya 5:25

Yiti AWURADE fɛle ye maen so yaa piri paa, odwɔso tiale bɛ huhuni bɛ, mmokaa mɔ wosole, na bɛ fuin mɔ to petene kyɛ fofoɛ bɔ ogua dwaaso ɔ. Na ɛhemɔ amukoraa nu po ne, wanyakyi bɛ so yaafɛlɛ, na ɔtɛ dwɔso tia bɛ.

Habakuku 3:8

Ao AWURADE, aso asue mɔ yeɛ w’ahone huli bɛ so ne anaa? Asue mɔ yeɛ ɛfɛle bɛ so yaa ne anaa? Ɛpo yeɛ wɔ nye borole ye so ne anaa, mmerɛ bɔ né ɛte wɔ mbɔngɔ so, ne wɔ ngoalelɛ teaseɛnam mɔ nu ne?