Ɛksadɔso 7:17 - AHYERƐLƐ KRONGRON

¹⁷ AWURADE nwa nyoo, ‘Bɔ ɔkɔmaa ekonwu ye kyɛ nde AWURADE ɛhe: Tie, ngɔfa pɔmaa bɔ otira me sa nu ne ngofĩ asue Naele nu, na nzue ne kɔkakyi mogya.

Ɛksadɔso 7:17 Iomraidhean Croise

1 Ahemvo 20:28

Nyameɛ sona bie hɔle Yisrael hene berɛ oosele ye kyɛ, “AWURADE nwa: Ɔnate kyɛ Siriafoɛ bahã kyɛ me AWURADE nde mmokaa so Nyameɛ na mmom nnde bɔnza nu Nyameɛ ne ati, yiti ngɔfa ɛlɔen kandinga he amukoraa ngowura wɔ sa, amaa ɛmɔanwu kyɛ me ole AWURADE.”

2 Ahemvo 19:19

Yiti afei, ao AWURADE yɛ Nyameɛ, mesrɛ wɔ, pepɛ de yɛ fi ye sa nu, amaa ɔnate so aseɛ ye aso ahennie amukoraa banwu ye kyɛ AWURADE, wɔ ngome yeɛ ɛte Nyameɛ ɔ.”

Edwein 105:29

Ɔkakyili bɛ nzue mɔ mogya, na ɔmane b’asue nu naen mɔ wuwuli.

Edwein 78:44

Ɔkakyili b’asue mɔ mogya, amaa ɔnate so bangora banno b’asue ba mɔ nu nzue.

Edwein 83:18

Maa benwu kyɛ wɔ bɔ wɔ ngome yeɛ wɔ dumaa ole AWURADE ne, wɔ yeɛ ɛte Anwuro Anwuro hene bɔ edi aseɛ amukoraa so ɔ.

Edwein 9:16

AWURADE nate ye ndɛen turoloo bɔ obua ne aso waye ye nwo ali wahyire; wama bɔnefoɛ bɛ bɔbɔ bɛ yɔleɛ wayɛ ngaen wahye bɛ.

Ɛksadɔso 1:22

Na Faro hyɛle ye mmenia ne amukoraa kyɛ, “Bienzua biala bɔ Hebrifoɛ kɔwo ye ne, ɛ́mɔgyi ye bɛto asue Naele nu, nakoso brasua biala de, ɛ́mɔma onya ngoa.”

Ɛksadɔso 10:2

Na ɔnate so ɛkɔha kyɛbɔ masi magoro Misraimfoɛ nwo, ɔne nzɛngyerɛnneɛ bɔ mayɔ ye bɛ berɛ kohyire ɛwa ne w’anomaa. Na ɛhe kɔmaa ekonwu ye kyɛ me ole AWURADE.”

Ɛksadɔso 4:9

Na sɛ banne sɔ nzɛngyerɛnneɛ nyɔ ne po banni, anaa bandie wɔ dwirɛ a, ye de sa asue Naele nzue ne bie, ná hwie gua aseɛ wosee so. Na Naele nu nzue bɔ ɛkɔsa ne kɔkakyi mogya wɔ aseɛ wosee ne aso.”

Ɛksadɔso 5:2

Nakoso Faro buale kyɛ, “AWURADE ne ole nwa bɔ ɔsɛ kyɛ metie ye ná mema Yisraelfoɛ bɛkɔ ɔ? Menze sɔ AWURADE ne, yeɛ Yisraelfoɛ koso mengɔma bɛngɔhɔ!”

Ɛksadɔso 6:7

Ngɔfa ɛmɔ ngɔyɛ me mmenia, ná me wora ngɔyɛ ɛmɔ Nyameɛ. Na ɛmɔkonwu ye kyɛ me ole AWURADE ɛmɔ Nyameɛ bɔ olele ɛmɔ fili Misraim amaneɛnwunɛ nu ne.

Ɛksadɔso 7:20

Mose ne Aarɔn yɔle kyɛbɔ AWURADE hyɛle bɛ ne ala. Aarɔn mane ye pɔmaa ne aso hɔle anwuro wɔ Faro ne ye mbanyi mɔ nyunu berɛ, ɔfa fini asue Naele nu, na Naele nzue amukoraa kakyili mogya.

Ɛksadɔso 7:5

Na sɛ metengyɛ me sa wɔ Misraim so, ná meye Yisraelfoɛ mefi bɛ nu a, Misraimfoɛ konwu kyɛ me ole AWURADE.”

Hesekiel 25:17

Ngɔfɛ yaa piri paa ngɔtɔ bɛ so wereɛ piri; na sɛ metɔ bɛ so wereɛ a, yeɛ bekonwu kyɛ me ole AWURADE ɔ.’ ”

Hesekiel 29:9

Misraim aseɛ ne kɔkakyi kurofoen ne aseɛ pralaa, na bekonwu kyɛ me ole AWURADE. “Ɔnate kyɛ ɔnwa, ‘Asue Naele te me bɔbɔ me deɛ, na me bɔbɔ yeɛ nyɔle ɔ.’

Hesekiel 30:19

Sɔ yeɛ ngɔhwe Misraim so ɔ, na afei bekonwu kyɛ me ole AWURADE.”

Hesekiel 30:8

Na sɛ meto Misraim nu see, ná mekũkũ ye bokafoɛ amukoraa a, afei bekonwu kyɛ me ole AWURADE.

Hesekiel 32:15

Na mmerɛ bɔ ngɔsɛkye Misraim aseɛ ne pasaa, bɔ ngɔsɛkye aseɛ ne aso nikyee biala maa ɔkɔla berɛ mbaen, bɔ ngohũhũ bɛ bɔ bɛte so amukoraa ne, yeɛ afei bekonwu kyɛ me ole AWURADE ɔ.

Hesekiel 32:6

Ngɔfa wɔ mogya ngɔloaloa aseɛ ne aso toonn maa okoodwu mmokaa nemɔ aso, na ekoyi asue kumaa nemɔ anu to.

Hesekiel 38:23

Yiti ngɔla me piri ne me krongronyɛlɛ ali. Na ngɔye me nwo ali ngɔma maen maen pee bekonwu me, na afei bekonwu kyɛ me ole AWURADE.

Hesekiel 39:28

Na afei bekonwu kyɛ me ole AWURADE bɛ Nyameɛ, bɔ mmaa bɛhyele bɛ nnure bɛhɔle maen maen so, ná afei maaboaboa bɛ noa mafa bɛ mawa bɛ bɔbɔ b’aseɛ so, bɔ manyakyi bɛ nu biala wɔ dɔ ko ɔ.

Daniel 4:17

Sɔ ahyɛdeɛ ne, awɛmvoɛ nemɔ bɛ noa dwirɛ ɛne, krongronfoɛ nemɔ b’agyina bɔ batu hɔ ɛne, amaa ɔnate so ateasefoɛ banwu kyɛ Anwuro Awuroniɛ ne yeɛ ole adasa ahennie so tumi ɔ, ɔfa ma sona biala bɔ okuro ɔ, na adasa nu anwobrɛaseɛfoɛ yeɛ ɔfa bɛ sie so ɔ.’

Daniel 4:32

Bɛkɔfoa wɔ bekofi mmenia nu, na ɛne eburo ngaka yeɛ bɛkɔɔtena ɔ. Bɛkɔmaa ekoli ndire kyɛ nandwie. Ɛhe kɔto wɔ afoɛ nzoo, kɔpem kyɛ ekonwu ye kyɛ Anwuro Anwuroniɛ ne yeɛ ole adasa ahennie so tumi ɔ, na ebiala bɔ okuro ne yeɛ ɔfa ma ye ɔ.”

Daniel 4:37

Na afei de, me Nebukadenesa, mefa ayɛyelɛ, ɛkamvolɛ ne anidie mema nyameɛso Hene ne, ofikyɛ bɔ ɔyɔ amukoraa te turoloo, na ye atee tengyɛ, na bɛ bɔ bɛbɔ anwomasoɛ bra ne, ɔkora brɛ bɛ ase.

Daniel 5:21

Bɛfoane ye befili kuro mmenia nu, bɛmane ye adwene yɛle kyɛ kaka adwene, ɔne eburo afunum mɔ bɛɛtenane, bɛmaa olili ndire kyɛ nandwie, na nyameɛso bosue loaloale ye nwonaen, kɔpem kyɛ onwuni kyɛ Anwuro Anwuro Nyameɛ ne yeɛ ole adasa ahennie so tumi ɔ, na sona bɔ okuro biala yeɛ ɔfa ye sie so ɔ.

Daniel 5:23

na mmom adwɔso nyameɛso Mene ne so konguronn, baasesa ye awuro kulie nemɔ babrɛ wɔ, na wɔ, ɛne wɔ mbanyi mɔ, ɛye mɔ ne wɔ sómaa mɔ bano nu nzaa, na aye ɛdwetɛ, sikaa kɔkorɛ, kɔɔbere, buralɛ, bakaa ne nyɔboɛ nyameɛ mɔ bɔ bennwu nikye, bɛnde dwirɛ, anaa bɛnze huu ɔ ayɛ. Nakoso Nyameɛ bɔ otira wɔ ngoa nyamaa nu, bɔ w’atee amukoraa wɔ ye sa nu ne de, amva anidie amma ye.

Nyekyire 11:6

Bele tumi kyɛ bɛto ewienu nu, bɔ esue ndɔ wɔ mmerɛ bɔ bɛhyɛ ngɔm ɔ; yeɛ bele nzue mɔ so tumi kyɛ bɛmaa bɛkakyi mogya, ɔne tumi bɔ ɔmaa bɛfa ɛhawo biala bɛto aseɛ so, mmerɛ pee biala bɔ bekuro ɔ.

Nyekyire 8:8

Na abɔfo bɔ ɔtɔ so nyɔ ne huli ye totorobɛndo ne. Na begyili nikyee bie bɔ ɔte kyɛ bokaa piri bɔ see asɔ nu ogye buruburu ɔ bɛtole ɛpo nu, na ɛpo ngyɛmuɛ nza nu ko kakyili mogya;