Ɛksadɔso 7:15 - AHYERƐLƐ KRONGRON

¹⁵ Kɔ Faro berɛ ngyerɛmɔ, mmerɛ bɔ ófite kɔ asue Naele noa ɔ. Kogyina asue ne noa berɛ nwondɛ ye, ná fa wɔ pɔmaa bɔ ɔkakyili ewoo ne tira.

Ɛksadɔso 7:15 Iomraidhean Croise

1 Aberɛso Dwirɛ 16:21

wamma ebiala andane bɛ nye; na ɔnate bɛ ti ɔhwene ahemvo mɔ so.

Ɛksadɔso 2:5

Faro awa brasua wale kyɛ ɔbaabia asue ne anu. Né ye abaawa nemɔ natenate asue ne noa. Onwuni kyɛ kɛndɛen ne gyi ngyɛngyɛma ne anu, na ɔsomane ye abaawa ne ko kyɛ ɔɔfa bra.

Ɛksadɔso 7:10

Yiti Mose ne Aarɔn hɔle Faro berɛ bɛɛyɔle kyɛbɔ AWURADE hyɛle bɛ ne. Aarɔn gyili ye pɔmaa ne tole Faro ne ye mbanyi mɔ nyunu berɛ, na ɔkakyili ewoo.

Ɛksadɔso 7:14

Afei AWURADE sele Mose kyɛ, “Faro abubu mmakaa watua ye so, na ɔngɔpene ma mmenia ne ngɔhɔ.

Ɛksadɔso 8:20

Na AWURADE sele Mose kyɛ, “Dwɔso ngyerɛmɔ tutuutu kɔ Faro berɛ, wɔ mmerɛ bɔ ófite kɔ nzue ne anu ɔ, ná ka kyire ye kyɛ, ‘AWURADE nwa nyoo: Ma me mmenia nemɔ ate ma bɛhɔ, ná bɛɛso me.

Hesekiel 29:3

Dwudwo, ná se kyɛ, AWURADE Nyameɛ nwa nyoo, “Tie, meko metia wɔ, Misraim hene Faro, wɔ, sasrabɔnzam piri bɔ ɛla w’asue mɔ nu, bɔ ɛnwa: ‘M’asue Naele te me bɔbɔ me deɛ, na me bɔbɔ yeɛ nyɔ mane me nwo ɔ.’