Ɛksadɔso 7:11 - AHYERƐLƐ KRONGRON

¹¹ Faro koso frɛfrɛle mmenia bɔ bɛse ase, ɔne musueyelɛfoɛ maa bɛwale, na sɔ Misraim ngonyaayelɛfoɛ nemɔ koso yele ngonyaa yɔle sɔ ala.

Ɛksadɔso 7:11 Iomraidhean Croise

Gyenesise 41:8

Yiti aleɛ hyene ngyerɛmɔ ne, Faro yɛle basaa. Na ɔsomane maa bɛɛfrɛle Misraim ngonyaayelɛfoɛ amukoraa ne mmenia bɔ bɛse ase amukoraa bɛmane ye. Ɔhane ye laleɛ ne anu dwirɛ hyirele bɛ, nakoso bɛ nu biala angora ye bo kyire.

Ɛksadɔso 7:12

Bɛ mukoraa begyili bɛ mbɔmaa nemɔ beguale aseɛnwo berɛ, na bɛkakyilikakyili ewoo mɔ. Nakoso Aarɔn pɔmaa ne memene bɛ mbɔmaa nemɔ.

Ɛksadɔso 7:22

Nakoso Misraim ngonyaayelɛfoɛ koso yele ngonyaa yɔle sɔ ala. Yiti Faro bubuli mmakaa tuale ye so, na wandɛ bɛ so, kyɛbɔ AWURADE hane ne ala.

Ɛksadɔso 8:18

Ngonyaayelɛfoɛ nemɔ bɔle mmɔden kyɛ bɛkɔma ngondia kɔwa ɔ, nakoso bangora. Yiti ngondia kekale mmenia ne ngaka.

Ɛksadɔso 8:3

Mborohyɛen koyi asue Naele nu to, bekofi nu bɛkɔwa w’awuro, bɛkɔwa wɔ sua nu ne wɔ bɛen so, wɔ mbanyi mɔ ne wɔ mmenia awuro, wɔ bokyea mɔ ne wɔ ngukue mɔ nu.

Ɛksadɔso 8:7

Nakoso Misraim ngonyaayelɛfoɛ koso yele ngonyaa yɔle sɔ ala, na bɛmane mborohyɛen wale Misraim aseɛ so.

Daniel 2:2

Na Nana Nebukadenesa hyɛle kyɛ bɛɛfa ngonyaayelɛfoɛ, bɛ bɔ bɛnea nzramaa nu bɛkã nu dwirɛ, musueyelɛfoɛ ne Kaldeafoɛ ma bɛbra beehyire ye laleɛ nemɔ abo. Yiti bɛwale beegyinane Nana nyunu.

Daniel 2:27

Yeɛ Daniel buale wɔ Nana nyunu berɛ kyɛ, “Nana, mvealeɛ nu dwirɛ bɔ abisa ye, nworɛfoɛ, bɛ bɔ bɛnea nzramaa nu bɛkã nu dwirɛ, ngonyaayelɛfoɛ anaa benewaafoɛ biala ngɔhora ngohyire wɔ ye bo;

Daniel 4:6

Yiti nhyɛle mmeraa kyɛ bɛfa Babilɔn nworɛfoɛ amukoraa bɛbra me nyunu, maa beehyire me laleɛ ne abo.

Daniel 5:11

Biaa bie wɔ w’ahennie ye anu bɔ nyameɛ krongron mɔ bɛ sunzum wɔ ye nu ɔ. Wɔ baba aberɛ so, benwuni kanea ne nimdeɛ ne nworɛ bɔ ɔte kyɛ nyameɛ nemɔ bɛ nworɛ deɛ ne bie ɔ wɔ ye nu, na wɔ baba Nana Nebukadenesa bɔle ye panyi wɔ ngonyaayelɛfoɛ, bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ nemɔ bɛ so,

Daniel 5:7

Na ɛhene ne teane nu sele kyɛ bɛɛfa bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ bɛbra. Yeɛ ɛhene ne sele Babilɔn nworɛfoɛ nemɔ kyɛ, “Ebiala bɔ ɔkɔkenga sɔ ahyerɛlɛ he, ná okohyire me ye bo nen, ngɔfa kende ngɔhera ye, yeɛ ngɔfa sikaa kɔkorɛ atweaban ngɔto ye kɔme anu, na ɔkɔyɛ ɛhene bɔ ye tumi tɔ so nza ɔ wɔ ahennie ye anu ɔ.”

Mateo 24:24

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mbiri mbiri, bɔ ɔkɔhora kɔwa kyɛ, bɛkɔlakalaka bɛ bɔ Nyameɛ aneanea nu waye bɛ ne po.

Galatiafoɛ 3:1

O Galatiafoɛ bɔ ɛmɔndwene ɔ! Nwa yeɛ odwumvale ɛmɔ sɔa ye; (bɔ ɔmaa ɛmɔnne nahorɛ ne nni ɔ?) Aso nna ɛmɔ nyunu yeɛ behyirehyirele nu pefee kyɛ bɛbɔle Yesu Kristo mmeamudua nu ɔ?

Ɛfesofoɛ 4:14

amaa ɔnate so yangɔ so yanyɛ ngwadaammaa bɔ ngyerɛkyerɛ mvrama biala ɔbɔ bɛ papapapa fa bɛ di akɔneaba ɔ, mmenia nnakannaka nu, bɔ bɛfa kanda nworɛ so bɛdɛɛdɛɛ ne.

2 Tɛsalonika 2:9

Amumuyɛɛniɛ ne kɔfa abɔnzam dwumadie so yeɛ ɔkɔwa ɔ, na okonya tumi kɔyɔ nzɛngyerɛnneɛ ne nnakannaka anwanwadeɛ mukoraa.

2 Timoteo 3:8

Na kyɛbɔ Yane ne Yambrɛ bedwɔso betiale Mose nen, sɔ ala yeɛ sɔ mmenia nemɔ koso bɛko betia nahorɛ ne ɔ. Bɛte mmenia bɔ b’adwene ali naakye, ná babɔ ase wɔ gyidie nu ɔ.

2 Timoteo 3:9

Nakoso bɔ bɛyɔ ne ongoosi pasiliwa biala, ofikyɛ bɛ ngwaseasɛm ne kɔla ali wɔ mmenia amukoraa nyunu, kyɛbɔ mmenia nyɔ ne deɛ yɛle ne.

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.

1 Samuel 6:2

Afei Filistifoɛ tole asaa bɛfrɛfrɛle b’ahɔmeɛ ne bɛ musueyelɛfoɛ, na bebisale bɛ kyɛ, “AWURADE alaka ne, yɛ́yɛ ye sɛ? Nikye horɛ bɔ ɔsɛ kyɛ yɛfa yɛboka so ná yafa yaasie ye boso ne, ɛmɔhã behyire yɛ.”