Ɛksadɔso 7:10 - AHYERƐLƐ KRONGRON

¹⁰ Yiti Mose ne Aarɔn hɔle Faro berɛ bɛɛyɔle kyɛbɔ AWURADE hyɛle bɛ ne. Aarɔn gyili ye pɔmaa ne tole Faro ne ye mbanyi mɔ nyunu berɛ, na ɔkakyili ewoo.

Ɛksadɔso 7:10 Iomraidhean Croise

Edwein 135:9

Ao Misraim, ɔsomane nzɛngyerɛnneɛ ne anwanwadeɛ maa ɔwale wɔ nu, ɔfa tiale Faro ne ye somvoɛ mɔ amukoraa.

Ɛksadɔso 12:28

Na Yisraelfoɛ mɔ hɔle bɛɛyɔle sɔ, kyɛbɔ AWURADE hyɛle Mose ne Aarɔn ne ala.

Ɛksadɔso 4:3

Na AWURADE sele kyɛ, “Gyi to aseɛnwo berɛ!” Ogyi tole berɛ, na ɔkakyili ewoo. Na Mose pimbini ye si fili ye nwo.

Ɛksadɔso 7:15

Kɔ Faro berɛ ngyerɛmɔ, mmerɛ bɔ ófite kɔ asue Naele noa ɔ. Kogyina asue ne noa berɛ nwondɛ ye, ná fa wɔ pɔmaa bɔ ɔkakyili ewoo ne tira.

Ɛksadɔso 7:20

Mose ne Aarɔn yɔle kyɛbɔ AWURADE hyɛle bɛ ne ala. Aarɔn mane ye pɔmaa ne aso hɔle anwuro wɔ Faro ne ye mbanyi mɔ nyunu berɛ, ɔfa fini asue Naele nu, na Naele nzue amukoraa kakyili mogya.

Ɛksadɔso 7:6

Na kyɛbɔ AWURADE hyɛle Mose ne Aarɔn kyɛ bɛyɔ ne, sɔ ala yeɛ bɛyɔle ɔ.

Ɛksadɔso 7:9

“Sɛ Faro ka kyire ɛmɔ kyɛ, ‘Ɛ́mɔyɔ sɛngyerɛnneɛ bie behyire a, ye de ka kyire Aarɔn kyɛ, ‘Gyi wɔ pɔmaa ne to Faro nyunu berɛ ma ɔkakyi ewoo.’ ”

Amose 9:3

Sɛ bɛkɔfea Kamɛl ti afia dɔ po a, ngɔpena bɛ ngɔye bɛ ngofi dɔ, na sɛ bɛfa bɛ nwo bɛfea me bekowura ɛpo ye bo dɔ po a, dɔ yeɛ ngɔfa ahyɛdeɛ ngɔma ewoo maa ɔkɔkekã bɛ ɔ.

Marko 16:18

bɛkɔma ewoo mɔ so, na sɛ bɛno nikyee biala bɔ ɛborɔ wɔ nu a, ɔngɔyɔ bɛ huu; bɛkɔfa bɛ sa bekogua ayarefoɛ so maa bɛkɔte apɔ.”

Luka 10:19

Ɛ́mɔtie, mama ɛmɔ tumi kyɛ ɛ́mɔtiatia ewoo mɔ ne anyanyangyeleɛ mɔ so, ɔne pɔfoɛ ne tumi amukoraa so; bɔ nikyee fee ngɔhora ngɔyɛ ɛmɔ ɔ.