Ɛksadɔso 6:8 - AHYERƐLƐ KRONGRON

⁸ Aseɛ bɔ mata ndaen kyɛ ngɔfa ngɔma Abraham, Yisake ne Yakob nen, ngɔfa ɛmɔ ngɔhɔ so. Ngɔfa ngɔma ɛmɔ maa ɔkɔyɛ ɛmɔ deɛ. Me ole AWURADE.’ ”

Ɛksadɔso 6:8 Iomraidhean Croise

Gyenesise 14:22

Nakoso Abram sele Sodom hene ne kyɛ, “Mata ndaen mahyire AWURADE, Anwuro Anwuro Nyameɛ bɔ ɔbɔle anwuro ne aseɛ ne,

Gyenesise 15:18

Na sɔ kyẽa ne ala, AWURADE ne Abram yɛle apam, na ɔhane kyɛ, “Wɔ boso ama yeɛ méfa sɔ aseɛ he méma bɛ ɔ: ofi Misraim asue noa bɔ ɔkwaadwu asue piri Yufreti noa,

Gyenesise 26:3

Tena aseɛ ye aso kyɛ ɛwɔfoɛ, na ngogyina wɔ si na mayira wɔ; ofikyɛ ngɔfa sɔ aseɛ ye mɔ amukoraa ngɔma wɔ ne wɔ bosofoɛ na mamaa bɔhyɛ bɔ nhyɛle ɛse Abraham ne awa nu.

Gyenesise 28:13

Ɛlaleɛ ne anu, né AWURADE gyi ye ti sorɔ, na osele kyɛ, “Me ole AWURADE, wɔ nana Abraham ye Nyameɛ bɔ ɔte Yisake koso ye Nyameɛ ne. Ngɔfa aseɛ he bɔ yeɛ ɛla so kekesaala ye ngɔma wɔ ne wɔ bosofoɛ.

Gyenesise 35:12

Na aseɛ bɔ mva mane Abraham ne Yisake ne, ngɔfa ngɔma wɔ ne kyẽa bie wɔ boso ama.”

Nehemia 9:15

Ɛmane bɛ aleɛ fili nyameɛso kyɛ bɛfa bɛho bɛ hɔen, yeɛ ɛmane bɛ nzue fili nyɔbotaen ne anu kyɛ bɛfa bɛho bɛ nzuhɔen, na ɛhã hyirele bɛ kyɛ aseɛ bɔ ɛtale ndaen kyɛ ɛkɔfa kɔma bɛ ne, bɛhɔ bɛɛfa.

Ɛksadɔso 13:5

Na sɛ AWURADE fa wɔ kodwu Kanaanfoɛ, Hitifoɛ, Amorifoɛ, Hiwifoɛ ne Yebusifoɛ aseɛ bɔ ɔtale ndaen hyirele wɔ nana mɔ kyɛ ɔkɔfa kɔma wɔ ne aso, aseɛ bɔ nyɔfonesue ne woɛ tengyɛ wɔ so ne aso a, di aluolue he wɔ ɛsraen he anu.

Ɛksadɔso 32:13

Kaye wɔ ngoaa Abraham, Yisake ne Yisrael bɔ ɛtale wɔ bɔbɔ wɔ nwo ndaen sele bɛ kyɛ, ‘Ngɔma ɛmɔ boso ama kɔsone pee kyɛ ewienu nzramaa; na aseɛ he amukoraati bɔ mabɔ ye nwo anohoba ne, ngɔfa ngɔma ɛmɔ boso ama, na ɔkɔyɛ bɛ deɛ afebɔɔ.’ ”

Ɛksadɔso 6:2

Nyameɛ sele Mose kyɛ, “Me ole AWURADE.

Ɛksadɔso 6:4

Mene bɛ koso yɛyɛle m’apam, kyɛ ngɔfa Kanaan aseɛ bɔ bɛɛtenane so bɛyɛle ɛwɔfoɛ ne ngɔma bɛ.

Ɛksadɔso 6:6

Yiti ka kyire Yisraelfoɛ kyɛ, “Me ole AWURADE, na ngɔye ɛmɔ ngofi Misraim amaneɛnwunɛ nu, ná male ɛmɔ mafi bɛ ngoaasolɛ nu. Na ɔnate tumi asaa ne asohwenɛ mbiri mbiri so yeɛ ngɔfa ngole ɛmɔ ɔ.

Hesekiel 20:15

Nza ndale ndaen ngyirele bɛ wɔ ɛserɛ ne aso, kyɛ mengɔfa bɛ ngɔhɔ aseɛ bɔ mva mane bɛ ne aso, aseɛ bɔ nyɔfonesue ne woɛ tengyɛ wɔ so, aseɛ bɔ ɔyɛ nyemene tra aseɛ biala ne;

Hesekiel 20:23

Nza ndale ndaen ngyirele bɛ wɔ ɛserɛ ne aso, kyɛ ngɔbɔ bɛ ngɔsande ngɔhɔ maen maen mɔ nu, ná mato bɛ mapete aseɛ mɔ so;

Hesekiel 20:28

Ofikyɛ, aseɛ bɔ ndale ye nwo ndaen kyɛ ngɔfa ngɔma bɛ ne, mvale bɛ mmale so nen, nekaa biala bɔ benwuni pambaa tendenn biala, anaa bakaa pusaa biala nen, bɛbɔle b’afɔleɛ wɔ berɛ, na bɛfale b’ayɛyɛdeɛ bɔ bɛfa bɛba ne behuli m’ahone. Berɛ yeɛ bɛbɔle ɛyɛɛ fonafona afɔleɛ, ná bɛbɔle bɛ nzaa afɔleɛ ɔ.

Hesekiel 20:42

Na ɛmɔkonwu kyɛ me ole AWURADE, mmerɛ bɔ ngɔfa ɛmɔ ngɔwa Yisrael aseɛ so, aseɛ bɔ ndale ndaen kyɛ ngɔfa ngɔma ɛmɔ nana mɔ ne.

Hesekiel 36:7

Yiti AWURADE Nyameɛ nwa nyoo: Meta ndaen kyɛ maen maen mɔ bɔ bapɛ ɛmɔ nwo bayia ne, bɛ bɔbɔ b’animguaseɛ kɔto bɛ.

Hesekiel 47:14

Ɛ́mɔhyɛ bɛma ebiala deɛ ɔyɛ pɛpɛɛpɛ, ofikyɛ ndale ye nwo ndaen kyɛ ngɔfa ngɔma ɛmɔ nana mɔ, na aseɛ he kɔla berɛ kɔma ɛmɔ maa ɔkɔyɛ ɛmɔ agyapadeɛ.

Numeri 10:29

Mose sele Midianniɛ Rewel bɔ yeɛ ɔte ye sia bienzua ne, ɔwa Hobabo kyɛ, “Yɛtu yɛkɔ nekaa bɔ AWURADE aha ye nwo dwirɛ kyɛ, ‘Ngɔfa ngɔma ɛmɔ’ ne. Ɛne yɛ hɔ, na yɛkɔnea wɔ yé; ofikyɛ AWURADE ahyɛ Yisrael bɔ kyɛ ɔkɔmaa okoyie ye yé.”

Numeri 11:12

Aso me yeɛ mvale mmenia hemɔ amukoraati mmale wiase ɔ? Me yeɛ nwole bɛ ɔ, bɔ yeɛ ɛkã kyire me kyɛ, ‘Dodo bɛ kyɛbɔ baanealɛniɛ ododo adɔma bɔ otua nyɔfone noa ɔ’, ná mva bɛ ngɔ aseɛ bɔ ɛtale ndaen fa hyɛle bɛ nana mɔ bɔ ne aso ɔ?

Numeri 14:30

ɛmɔ nu ko po ngodwu aseɛ bɔ ndale ndaen kyɛ ngɔfa ɛmɔ ngɔɔtena so ne aso, sana Yefune awa Kalebo ɔne Nun awa Yosua.

Numeri 23:19

Nyameɛ ɔtte kyɛ kuro sona, ná wapɛ anoanu, yeɛ ɔtte kyɛ dasaniɛ, ná wasesã ye adwene. Aso wahyɛ bɔ bɔ ongoli so anaa? Anaa waha edwirɛ bie bɔ ɔngɔma ɔngɔwa nu ɔ?

Deuteronomi 32:40

Ofikyɛ mema me sa so mekyire nyameɛso, ná meta ndaen kyɛ, Kyɛ nde ase afebɔɔ ye de,

Deuteronomi 4:31

Na ɔnate kyɛ AWURADE wɔ Nyameɛ te anwumvoinnwunɛ Nyameɛ ne ati, ɔngɔyakyi wɔ nu, yeɛ ongohu wɔ; na ɔne wɔ nana mɔ apam bɔ bɛyɛle, bɔ ɔfale ndaen foale so ne, ye wora ngofi.

Yosua 24:13

Aseɛ bɔ ɛmɔamvɛ ye nwo, ɔne nguro bɔ nna ɛmɔ yeɛ ɛmɔkyekyele ɔ yeɛ mva mane ɛmɔ ɔ, na ɛmɔtenane so. Bobe boo ne olive boo bɔ nna ɛmɔ yeɛ ɛmɔyɔle ɔ yeɛ ɛmɔdi so mmaa ɔ.’

Nyekyire 10:6

na ɔfale bɔ ɔte ase afebɔɔ, bɔ ɔbɔle anwuro ne bɔ ɔwɔ nu, aseɛ ne ne bɔ ɔwɔ nu, yeɛ ɛpo ne bɔ ɔwɔ nu ne tale ndaen kyɛ, “Mmerɛ biala nne berɛ ko,

1 Samuel 15:29

Asa koso, Yisrael Animnyam ne, ɔtte nnakannakaniɛ, yeɛ ɔnzesã ye adwene, ofikyɛ ɔtte kuro sona ná wasesã ye adwene.”