Ɛksadɔso 6:6 - AHYERƐLƐ KRONGRON

⁶ Yiti ka kyire Yisraelfoɛ kyɛ, “Me ole AWURADE, na ngɔye ɛmɔ ngofi Misraim amaneɛnwunɛ nu, ná male ɛmɔ mafi bɛ ngoaasolɛ nu. Na ɔnate tumi asaa ne asohwenɛ mbiri mbiri so yeɛ ngɔfa ngole ɛmɔ ɔ.

Ɛksadɔso 6:6 Iomraidhean Croise

1 Ahemvo 8:42

(ofikyɛ bɛkɔte wɔ dumaa kandinga ne, wɔ tumi piri ne, ɔne wɔ tumi asaa ne nga), ná sɛ amanvraniɛ ne ɔbafa ye nye kyire sua he ɔbɔ mbaeɛ a,

2 Ahemvo 17:36

Na mmom ɛ́mɔsɔne AWURADE, bɔ ole tumi piri ne tumi asaa yele ɛmɔ fili Misraim aseɛ so wale ne. Odi kyɛ ye yeɛ ɛmɔkoto ye ná ɛmɔbɔ afɔleɛ bɛma ye ɔ.

1 Aberɛso Dwirɛ 17:21

Nyameɛ, aseɛ ye aso maen beni yeɛ ɔte kyɛ wɔ maen Yisrael ɔ? Yisrael bɔ ɛɛpɔle ye fa yɛle wɔ maen, bɔ ɔnate so ɛyɛle anwanwadeɛ ne nningyein mbiri mbiri mane wɔ dumaa trɛle ne. Ɛfoane maen maen mɔ fili wɔ mmenia nyunu, na ɛpepɛ lele wɔ maen fili Misraim sa nu.

Nehemia 1:10

Bɛte wɔ somvoɛ mɔ ne wɔ maen bɔ afa wɔ tumi piri ne w’anwoserɛ kandinga ne apepɛ ale bɛ ɔ.

Edwein 77:16

Ao Nyameɛ, nzue nemɔ bɛ nye bɔle wɔ so ne, nzue nemɔ bɛ nye bɔle wɔ so ne, ɛserɛ hane bɛ; amba, buma ne koso ahunundetelɛ tɔle ye so.

Edwein 81:11

“Nakoso me maen bandie me dwirɛ, Yisrael wammrɛ ye nwo ase wamma me.

Edwein 81:6

“Nyele adesoa piri ne mvili ye bati so, ye sa yakyili kɛndɛen kukulɛ.

Edwein 81:7

Esu frɛle me wɔ w’amaneɛnwunɛ nu, na mbepɛ nnele wɔ; nekaa bɔ agralaa wɔ wɔ mvealeɛ nu ne, berɛ yeɛ mmane wɔ mmuayɛɛ, na nzole wɔ neane wɔ Meriba asue anwo. Sela

Ɛksadɔso 1:11

Yiti bɛyeyele adwumayɔlɛfoɛ so mbanyi maa belili bɛ so, kyɛ bɛhyɛ bɛ ma bɛyɔ adwuma bɔ ɔbo bɛ so ɔ. Na bɛkyekyele nguro Pitom ne Ramese maa Faro fa yɛle nekaa bɔ osie ye nningyein ɔ.

Ɛksadɔso 12:41

Na kyẽa bɔ afoɛ ɛyaa nna ne aburasa ne sone ne, AWURADE mmenia ne amukoraa tu fili Misraim aseɛ so.

Ɛksadɔso 12:51

Na AWURADE yele Yisraelfoɛ ɛlɔen kure kure ne fili Misraim aseɛ so sɔ kyẽa ne.

Ɛksadɔso 13:14

Na sɛ kyẽa bie ɛwa bisa wɔ kyɛ, “Ɛhe bo kyire sɛɛ’ a, wɔ koso abua ye kyɛ, ‘AWURADE nate ye tumi piri so yeɛ ɔyele yɛ fili Misraim ngoaasolɛ nu ɔ.

Ɛksadɔso 13:16

Na ɛhe kɔyɛ kyɛ sɛngyerɛnneɛ bɔ ɔwɔ wɔ sa nwo, anaa ngayeɛ wɔ wɔ nwoma so, ofikyɛ AWURADE nate tumi piri so yeɛ ɔyele yɛ fili Misraim ɔ.”

Ɛksadɔso 13:3

Na Mose sele mmenia ne kyɛ, “Ɛ́mɔkaye sɔ kyẽa he bɔ ɛmɔfili Misraim ɔ, bɔ ɛmɔfili ngoaasolɛ nu ne, ofikyɛ AWURADE nate tumi piri so yeɛ ɔyele ɛmɔ fili Misraim ɔ; yiti nnɛma ɛmɔdi paanoo harewaa biala.

Ɛksadɔso 15:13

Ɛnate w’anwumvoinnwunɛ so ɛyɛle mmenia bɔ ale bɛ ne taataa, na ɛnate w’anwoserɛ so ehyirele bɛ atee maa bɛhɔle nekaa krongron bɔ ɛte ne.

Ɛksadɔso 16:6

Yiti Mose ne Aarɔn sele Yisraelfoɛ ne kyɛ, “Ɛnɛ nɔsoa, ɛmɔkonwu ye kyɛ AWURADE yeɛ ɔyele ɛmɔ fili Misraim aseɛ so ɔ.

Ɛksadɔso 18:1

Midian sɔfo Yɛtro, bɔ ɔte Mose sia bienzua ne, ɔtele bɔ Nyameɛ ayɔ amukoraa ama Mose ne ye maen Yisrael, ɔne kyɛbɔ AWURADE asi aye Yisrael afi Misraim ɔ.

Ɛksadɔso 2:11

Mose nyini ne, ɛlɛho bie ɔɔpasale oliɛma mɔ Hebrifoɛ nwo, na onwuni adwuma serɛ bɔ né bɛ́hyɛ bɛ maa bɛyɔ ɔ. Na onwuni kyɛ Misraimniɛ bie ɔ́bo oliɛma Hebrifoɛ nemɔ anu ko ɔ.

Ɛksadɔso 3:17

Na mayɛ m’adwene kyɛ ngɔye ɛmɔ ngofi Misraim amaneɛnwunɛ nu, ná mafa ɛmɔ mahɔ Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ aseɛ ne aso, aseɛ bɔ nyɔfonesue ne woɛ tengyɛ wɔ so ne.

Ɛksadɔso 3:8

Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Ɛksadɔso 32:11

Nakoso Mose pale AWURADE ye Nyameɛ kyerɛ kyɛ, “O AWURADE, wɔ mmenia bɔ ɛnate tumi piri ne anwoserɛ so ɛyele bɛ fili Misraim aseɛ so wale ne, nzu ati yeɛ afɛ bɛ so yaa piri sɔa ɔ?

Ɛksadɔso 6:2

Nyameɛ sele Mose kyɛ, “Me ole AWURADE.

Ɛksadɔso 6:29

AWURADE sele Mose kyɛ, “Me ole AWURADE. Kã edwirɛ bɔ mekã mekyire wɔ ne amukoraa kyire Misraim hene Faro.”

Ɛksadɔso 6:8

Aseɛ bɔ mata ndaen kyɛ ngɔfa ngɔma Abraham, Yisake ne Yakob nen, ngɔfa ɛmɔ ngɔhɔ so. Ngɔfa ngɔma ɛmɔ maa ɔkɔyɛ ɛmɔ deɛ. Me ole AWURADE.’ ”

Ɛksadɔso 7:4

nakoso Faro ngɔtɛ ɛmɔ so. Ngɔfa me tumi ngɔhwe Misraim so, na ngɔfa asohwenɛ piri so ngɔye me lɔen, me mmenia Yisraelfoɛ, ngofi Misraim aseɛ so.

Ɛksadɔso 7:5

Na sɛ metengyɛ me sa wɔ Misraim so, ná meye Yisraelfoɛ mefi bɛ nu a, Misraimfoɛ konwu kyɛ me ole AWURADE.”

Yesaya 9:12

Siriafoɛ kofi eyia afiteleɛ, yeɛ Filistifoɛ kofi eyia atɔleɛ, na bɛkɔbaye bɛ noa nu bɛkɔme Yisrael. Na ɛhemɔ amukoraa nu ne, ye ahone andɔ nzue nu, na ɔtɛ dwɔso tia bɛ.

Yesaya 9:17

Ye sɔ ne ati, AWURADE nye ngɔgye bɛ mmerandeɛ nemɔ nwo, yeɛ ongonwu bɛ nyisiaa ne b’akunafoɛ mmrasua anwumvoin; ofikyɛ bɛ mukoraa benzuro Nyameɛ, bɛte bɔnefoɛ, na ebiala kekã ngwaseasɛm. Na ɛhemɔ amukoraa nu ne, AWURADE ahone andɔ nzue nu, na ɔtɛ dwɔso tia bɛ.

Yesaya 9:21

Manase keka Efraim di, yeɛ Efraim koso keka Manase di, na bɛ munyɔ bɛko betia Yuda, Na ɛhemɔ amukoraa nu ne, wanyakyi bɛ so yaa fɛlɛ, na ɔtɛ dwɔso tia bɛ.

Yeremia 21:5

Me bɔbɔ nne ɛyaa, ahonehulɛ ne anyeborolɛ ngɔfa tumi asaa ne anwoserɛ asaa ngɔho ngotia ɛmɔ.

Yeremia 27:5

“Me yeɛ mvale me tumi piri ne me tumi asaa mmɔle aseɛ, so mmenia ne so ngaka ɔ, na mefa mema ebiala bɔ me bɔbɔ mekuro ɔ.

Yeremia 32:21

Ɛnate nzɛngyerɛnneɛ ne anwanwadeɛ ne anwoserɛ asaa ne tumi asaa ne nningyein suronyisuronyi so ɛyele wɔ maen Yisrael fili Misraim aseɛ so;

Hesekiel 20:33

“Kyɛ nde ase ye, AWURADE Nyameɛ noa dwirɛ ɛne, nahorɛ nu, tumi piri ne tumi asaa ne ahonehulɛ yeɛ ngɔfa ngoli ɛmɔ so hene ɔ.

Asomafoɛ 13:17

Yisrael Nyameɛ neaneane nu yele yɛ nana mɔ, na ɔyɛle bɛ mmeni titire wɔ mmerɛ bɔ né bɛte amanvrafoɛ wɔ Misraim aseɛ so ne. Nyameɛ nate ye tumi piri so yele bɛ fili Misraim,

Deuteronomi 11:2

Na ɔsɛ kyɛ ɛmɔkaye ɛnɛ kyẽa ye, kyɛ nna ɛmɔ mma mɔ (bɔ bɛnze, anaa bɔ bɛ nye annwu kyɛbɔ AWURADE ɛmɔ Nyameɛ si twe sona so), na mmom ɛmɔ yeɛ ɔsɛ kyɛ ɛmɔkaye kyɛbɔ Nyameɛ si te piri ɔ, ɔne ye tumi piri ne tumi asaa ne,

Deuteronomi 15:15

Kaye kyɛ né ɛte kanga wɔ Misraim aseɛ so, na AWURADE wɔ Nyameɛ lele wɔ. Na ɛhe ati yeɛ ɔmaa ɛnɛ kyẽa ye méhyɛ mmeraa he méma wɔ ɔ.

Deuteronomi 26:8

Yiti AWURADE nate tumi piri ne tumi asaa so, tumi nnwumaa, nzɛngyerɛnneɛ ne anwanwadeɛ so yele yɛ fili Misraim.

Deuteronomi 4:23

Yiti ɛ́mɔnea yé ná ɛmɔ wora amvi apam bɔ AWURADE ɛmɔ Nyameɛ ɔne ɛmɔ yɛle ne, ná ɛmɔanyɔ amoen biala sɛso, kyɛbɔ AWURADE wɔ Nyameɛ abera wɔ ne.

Deuteronomi 4:34

Anaakyɛ nyameɛ bie wɔ berɛ bɔ wasi ye ahone le kyɛ ɔkwaaye maen bie fi maen foforɛ so ɔfa yɛ ye deɛ, bɔ nzɔhwɛ, nzɛngyerɛnneɛ ne anwanwadeɛ, koɛ, tumi nnwumaa, ɔne tumi asaa, yeɛ ɔfa yɔle sɔ ɔ, kyɛbɔ AWURADE ɛmɔ Nyameɛ yɔ mane ɛmɔ wɔ Misraim maa enwuni ye ne?

Deuteronomi 5:15

Kaye kyɛ né ɛte kanga wɔ Misraim aseɛ so, na AWURADE wɔ Nyameɛ nate tumi piri ne tumi asaa so yele wɔ fili berɛ. Ye sɔ ne ati, AWURADE wɔ Nyameɛ ahyɛ wɔ kyɛ eli afofikyẽa ne aso.

Deuteronomi 6:12

nea yé né wɔ wora amvi AWURADE bɔ ɔyele wɔ fili Misraim aseɛ so, fili ngoaasolɛ nu ne.

Deuteronomi 7:19

nzɔhwɛ mbiri mbiri bɔ ɛfale wɔ nye nwuni ye, nzɛngyerɛnneɛ, anwanwadeɛ, tumi piri ne tumi asaa bɔ AWURADE wɔ Nyameɛ fa yele wɔ fili berɛ ɔ. Na sɔ yeɛ AWURADE wɔ Nyameɛ kɔfa kɔyɔ mmenia bɔ esuro bɛ ne amukoraa ɔ.

Deuteronomi 7:8

Na mmom, AWURADE kuro ɛmɔ dwirɛ, yeɛ osa di ndaen bɔ ɔta hyirele ɛmɔ nana mɔ ne aso. Na ɛhe ati yeɛ ɔmaa AWURADE nate tumi piri so yele ɛmɔ ɔ, na ɔyele ɛmɔ fili ngoaasolɛ nu, fili Misraim hene Faro sa nu.

Deuteronomi 9:29

Ofikyɛ bɛte wɔ mmenia ne wɔ nnehyeɛ, bɔ ɛnate wɔ tumi piri ne tumi asaa so ɛɛyele bɛ ɔ.