Ɛksadɔso 6:4 - AHYERƐLƐ KRONGRON

⁴ Mene bɛ koso yɛyɛle m’apam, kyɛ ngɔfa Kanaan aseɛ bɔ bɛɛtenane so bɛyɛle ɛwɔfoɛ ne ngɔma bɛ.

Ɛksadɔso 6:4 Iomraidhean Croise

Gyenesise 12:7

Na AWURADE yele ye nwo ali hyirele Abram, na osele kyɛ, “Wɔ bosofoɛ yeɛ ngɔfa sɔ aseɛ he ngɔma bɛ ɔ.” Yiti Abram sili afɔleɛ bokyea berɛ mane AWURADE bɔ ɔyele ye nwo ali hyirele ye ne.

Gyenesise 15:13

Na AWURADE sele Abram kyɛ, “Memaa ɛte ye bo kyɛ, wɔ boso ama kɔyɛ ɛwɔfoɛ wɔ aseɛ bɔ nna bɛ deɛ ahɔ so. Bɛkɔyɛ ngoaa wɔ berɛ, na bɛkɔhyɛ bɛ so toonn afoɛ ɛyaa nna.

Gyenesise 15:18

Na sɔ kyẽa ne ala, AWURADE ne Abram yɛle apam, na ɔhane kyɛ, “Wɔ boso ama yeɛ méfa sɔ aseɛ he méma bɛ ɔ: ofi Misraim asue noa bɔ ɔkwaadwu asue piri Yufreti noa,

Gyenesise 17:13

Sɛ bɛwole ye w’awuro oo, sɛ sikaa yeɛ ɛfa tɔle ye hɔ oo, odi kyɛ ɛpɛ ye bienzua. Na ɛhe kɔma m’apam ne kɔtena ɛmɔ nwonaen nu afebɔɔ.

Gyenesise 17:4

“Tie, me de, m’apam bɔ me ne wɔ yayɛ hɔ ɛhe: ɛkɔyɛ maen maen pee bɛ baba.

Gyenesise 23:4

“Nde ɛwɔfoɛ ne amanvraniɛ wɔ ɛmɔ nu wa. Ɛ́mɔma me ɛmɔ aseɛ ne bie ma mva nyɛ asieleɛ, na nzie me fuin ne ma ofi berɛ.”

Gyenesise 26:3

Tena aseɛ ye aso kyɛ ɛwɔfoɛ, na ngogyina wɔ si na mayira wɔ; ofikyɛ ngɔfa sɔ aseɛ ye mɔ amukoraa ngɔma wɔ ne wɔ bosofoɛ na mamaa bɔhyɛ bɔ nhyɛle ɛse Abraham ne awa nu.

Gyenesise 26:4

Ngɔmaa wɔ bosofoɛ kɔsone kyɛ nyameɛso nzramaa, na ngɔfa aseɛ ye amukoraa ngɔma bɛ, na ɔnate bɛ so yeɛ amaen maen mukoraa bekonya saleɛ ɔ,

Gyenesise 28:13

Ɛlaleɛ ne anu, né AWURADE gyi ye ti sorɔ, na osele kyɛ, “Me ole AWURADE, wɔ nana Abraham ye Nyameɛ bɔ ɔte Yisake koso ye Nyameɛ ne. Ngɔfa aseɛ he bɔ yeɛ ɛla so kekesaala ye ngɔma wɔ ne wɔ bosofoɛ.

Gyenesise 28:4

Ɔ́ma wɔ ne wɔ bosofoɛ bɛ sa ha Abraham saleɛ ne, amaa ɔnate so ɛmɔ sa aha aseɛ bɔ yeɛ Nyameɛ fa mane Abraham, bɔ yeɛ aayɛ so ɛwɔfoɛ ye.”

Gyenesise 6:18

Nakoso wɔ de, me ne wɔ yɛkɔyɛ apam. Ɛkɔɔfo ɛlɛen alaka ne anu, wɔ, wɔ mma mmienzua ne, ɛye, yeɛ wɔ mma nemɔ bɛ ye mɔ kɔboka wɔ so.

2 Samuel 23:5

Aso nna sɔ yeɛ m’abusua ɔte wɔ Nyameɛ nyunu anaa? Ofikyɛ ɔne me ayɛ apam afebɔɔ, ɔte apam bɔ wahyehyɛ ye pɛpɛɛpɛ bɔ onni ngasi ɔ. Na m’anyelasoɛ amukoraa, ɔne bɔ mepena amukoraa, aso ɔngɔboka me ma me sa ngɔhã ye anaa?

Edwein 105:11

bɔ ɔhane ye nwo dwirɛ kyɛ, “Wɔ yeɛ ngɔfa Kanaan aseɛ ne ngɔma wɔ kyɛ ɛmɔ bue deɛ bɔ ɔte ɛmɔ agyapadeɛ ɔ.”

Edwein 105:12

Mmerɛ bɔ né banzo, bɔ né bemmu bɛ, ná bɛte ɛwɔfoɛ mɔ wɔ aseɛ ne aso,

Ɛksadɔso 13:4

Ɛnɛ kyẽa ye, wɔ bosome Abibo nu, yeɛ ɛ́mɔfi Misraim ɔ.

Ɛksadɔso 13:5

Na sɛ AWURADE fa wɔ kodwu Kanaanfoɛ, Hitifoɛ, Amorifoɛ, Hiwifoɛ ne Yebusifoɛ aseɛ bɔ ɔtale ndaen hyirele wɔ nana mɔ kyɛ ɔkɔfa kɔma wɔ ne aso, aseɛ bɔ nyɔfonesue ne woɛ tengyɛ wɔ so ne aso a, di aluolue he wɔ ɛsraen he anu.

Ɛksadɔso 6:8

Aseɛ bɔ mata ndaen kyɛ ngɔfa ngɔma Abraham, Yisake ne Yakob nen, ngɔfa ɛmɔ ngɔhɔ so. Ngɔfa ngɔma ɛmɔ maa ɔkɔyɛ ɛmɔ deɛ. Me ole AWURADE.’ ”

Yesaya 55:3

Ɛ́mɔyɛ asoɛ bétie, ná ɛmɔbra me berɛ; ɛ́mɔtie, amaa ɔnate so ɛmɔ kra anya ngoa. Me ne ɛmɔ yɛkɔyɛ apam afebɔɔ, bɔ ɔte me ɔdɔ bɔ onni ngasi bɔ nne ye ma Dawide ne.

Numeri 10:29

Mose sele Midianniɛ Rewel bɔ yeɛ ɔte ye sia bienzua ne, ɔwa Hobabo kyɛ, “Yɛtu yɛkɔ nekaa bɔ AWURADE aha ye nwo dwirɛ kyɛ, ‘Ngɔfa ngɔma ɛmɔ’ ne. Ɛne yɛ hɔ, na yɛkɔnea wɔ yé; ofikyɛ AWURADE ahyɛ Yisrael bɔ kyɛ ɔkɔmaa okoyie ye yé.”

Asomafoɛ 7:5

Nyameɛ amva aseɛ ne nekaa biala wamma Abraham bɔ okyire kyɛ ye deɛ ɔ, aseɛ agyirɛ ko po wamma ye; nakoso Nyameɛ bɔle ye anohoba kyɛ ɔkɔfa kɔma ye, na ɔkɔyɛ ye ne ye bosofoɛ deɛ, ɔwɔ nu kyɛ né onnya ɔwwole baa biala.