Ɛksadɔso 6:3 - AHYERƐLƐ KRONGRON

³ Nyele me nwo ali ngyirele Abraham, Yisake ne Yakob kyɛ nde Tuminiɛ Nyameɛ. Nakoso me dumaa YAHWE (AWURADE) ne de, mamma bangyina so bannwu me.

Ɛksadɔso 6:3 Iomraidhean Croise

Gyenesise 13:18

Yiti Abram tutuli ye ɛtena sua ne, na ɔɔtenane pingyele Mamre eluii mmakaa bɔ bɛwɔ Hebron ne, na osili afɔleɛ bokyea berɛ mane AWURADE.

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

Gyenesise 22:14

Yiti Abraham tole berɛ dumaa “Adonai Yire, [anaa AWURADE kohyire].” Na ɛnɛ ne ɛnɛ ye po, mmenia ka kyɛ, “AWURADE bokaa ne aso yeɛ okohyire ɔ.”

Gyenesise 28:3

Ɛdangama Nyameɛ óyira wɔ ná ɔma ɛwo, ná wɔ boso ɔtrɛ, amaa ɔnate so ayɛ maen maen pee bɛ nana.

Gyenesise 35:11

Na Nyameɛ sele ye kyɛ, “Me ole Ɛdangama Nyameɛ, wo mmaa na wɔ boso ɔ́trɛ. Maen ne maen pee kofi wɔ nu kɔwa, na ɛhene mɔ kofi wɔ nu kɔwa.

Gyenesise 48:3

Na Yakob sele Yosef kyɛ, “Ɛdangama Nyameɛ yele ye nwo ali hyirele me wɔ Luse bɔ ɔwɔ Kanaan aseɛ so. Oyirale me,

Edwein 68:4

Ɛ́mɔto Nyameɛ nwo dwein, ɛ́mɔto ye dumaa nwo ayɛyelɛ dwein, ɛ́mɔpɛ atimbire bɛ́ma bɔ ɔte nikyee so ɔnate munungum so ne; ye dumaa ole AWURADE, na ɛmɔli ahurusi wɔ ye nyunu.

Edwein 83:18

Maa benwu kyɛ wɔ bɔ wɔ ngome yeɛ wɔ dumaa ole AWURADE ne, wɔ yeɛ ɛte Anwuro Anwuro hene bɔ edi aseɛ amukoraa so ɔ.

Ɛksadɔso 15:3

AWURADE te koɛhonɛniɛ; ye dumaa li AWURADE.

Ɛksadɔso 23:21

Suro ye ná tie ye dwirɛ. Nnɛtwi fa ye dwirɛ so, na ɔngɔfa ɛmɔ mmeraatolɛ ngɔhyɛ ɛmɔ, ofikyɛ me dumaa la ye so.

Ɛksadɔso 3:14

Na Nyameɛ buale Mose kyɛ, “ME ALA OLE ME ALA.” Na osele kyɛ, “Bɔ ɔsɛ kyɛ ɛkã kyire Yisraelfoɛ hɔ ɛhe: ‘ME ALA asoma me ɛmɔ berɛ.’ ”

Yesaya 42:8

Me ole AWURADE, me dumaa ɛne, memva m’animnyam memma ebiala, yeɛ m’ayɛyelɛ koso, memva memma amoen mɔ.

Yesaya 44:6

AWURADE, Yisrael Hene, bɔ ɔte ye Defoɛ ne, Asafo AWURADE ye noa dwirɛ ɛhe: “Me ole Ahyɛaseɛ, yeɛ me ole Ayieleɛ; nyameɛ biala nne berɛ bɔ ɔboka me so ɔ.

Yeremia 16:21

“Yiti, tie, ngɔmaa bekonwu ye pɛen ko, ngɔmaa bekonwu me tumi ne m’anwoserɛ ne, na bekonwu kyɛ me dumaa ole AWURADE.”

Yeremia 33:2

“AWURADE bɔ ɔbɔle nikye ɔ, AWURADE bɔ ɔhyehyɛle fa tindimuni berɛ, bɔ ye dumaa ole AWURADE ne, ɔnwa nyoo:

Hesekiel 20:5

ná se bɛ kyɛ, AWURADE Nyameɛ nwa nyoo: Kyẽa bɔ nneanea nu nyele Yisrael ne, ndale ndaen mvoale so ngyirele Yakob awuro ama, na nyele me nwo ali ngyirele bɛ wɔ Misraim aseɛ so. Na ndale ndaen ngyirele bɛ kyɛ, Me ole AWURADE ɛmɔ Nyameɛ ne.

Hesekiel 37:13

Ao, me maen, mmerɛ bɔ ngobukyebukye ɛmɔ asieleɛ nemɔ aso, ná ngɔyeye ɛmɔ ngofi ɛmɔ asieleɛ nemɔ anu nen, ɛmɔkonwu kyɛ me ole AWURADE.

Hesekiel 37:6

Ngɔfa ndii ngɔsosɔ ɛmɔ nu, ngɔmaa anwoɔnaen kɔwa ɛmɔ nwo, ngɔfa wereɛ ngopuro ɛmɔ nwo, ngɔfa nwomeɛ ngowura ɛmɔ nu maa ɛmɔkonya ngoa, na ɛmɔkonwu kyɛ me ole AWURADE.’ ”

Yohane 8:58

Na Yesu sele bɛ kyɛ, “Nahorɛ nu paa, mekã mekyire ɛmɔ kyɛ, anzana Abraham baawa ne, né nwɔ berɛ.”

Nyekyire 1:4

Yohane yeɛ mefa mebrɛ asɔre nzoo bɔ bɛwɔ Asia ne ɔ: Adom ne asomdwee bɔ ofi bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, ɔne bɔ ofi Sunzum nzoo bɔ bɛwɔ ye ahennie bia ne anyunu ne,

Rutu 1:20

Na Naomi sele bɛ kyɛ, “Nnɛma ɛmɔfrɛ me Naomi ko, ɛ́mɔfrɛ me Mara, ofikyɛ Ɛdangama ama me bra ayɛ weewee.