Ɛksadɔso 6:26 - AHYERƐLƐ KRONGRON

²⁶ Aarɔn ne Mose ole mmenia bɔ AWURADE ha hyirele bɛ kyɛ, “Ɛ́mɔye Yisraelfoɛ béfi Misraim aseɛ so, kyɛbɔ bɛ kure kure si te ɔ.”

Ɛksadɔso 6:26 Iomraidhean Croise

Gyenesise 2:1

Yiti sɔ yeɛ Nyameɛ bɔle anwuro ne aseɛ ne bɛ nu nningyein mukoraa yiele ɔ.

1 Aberɛso Dwirɛ 6:3

Amram mma ole Aarɔn, Mose ne Miriam. Aarɔn mma mmienzua ole Nadabo, Abihu, Eleasa ne Yitama.

Edwein 77:20

Ɛnate Mose ne Aarɔn so elili wɔ maen nyunu kyɛbɔ bedi mmoaen kure nyunu ɔ.

Edwein 99:6

Né Mose ne Aarɔn bɛboka ye asɔfo nemɔ aso; né Samuel boka bɛ bɔ bɛbɔ ye dumaa bɛsɔne ye nemɔ aso. Besu bɛfrɛle AWURADE, na otiele bɛ.

Ɛksadɔso 12:17

Ɔsɛ kyɛ ɛmɔdi Paanoo Kabrɛdi aluolue ne, ofikyɛ sɔ kyẽa ne yeɛ nyele ɛmɔ amukoraati mvili Misraim aseɛ so ɔ. Yiti ɛ́mɔtu sɔ kyẽa ne besie berɛ beli sɔ aluolue ne afebɔɔ wɔ ɛmɔ aworɛ ndoatoasoɛ mukoraa nu.

Ɛksadɔso 12:41

Na kyẽa bɔ afoɛ ɛyaa nna ne aburasa ne sone ne, AWURADE mmenia ne amukoraa tu fili Misraim aseɛ so.

Ɛksadɔso 12:51

Na AWURADE yele Yisraelfoɛ ɛlɔen kure kure ne fili Misraim aseɛ so sɔ kyẽa ne.

Ɛksadɔso 13:18

Yiti ɛserɛ so atee bɔ ɔkɔ Ɛpo Kɔkorɛ nwo ne, Nyameɛ mane mmenia ne makye fale so. Na Yisraelfoɛ tu fili Misraim aseɛ so bɛhɔle kyɛ mmenia bɔ bɛ́kɔ koɛ ɔ.

Ɛksadɔso 20:2

“Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Ɛksadɔso 32:1

Mmerɛ bɔ mmenia ne nwuni kyɛ Mose ahyɛ soma wɔ bokaa ne aso, ná ondwu mma nen, mmenia ne boaboale bɛ noa bɛhɔle Aarɔn berɛ, na besele ye kyɛ, “Dwɔso ná yɔ bosoen mɔ bɔ bekoli yɛ nyunu ma yɛ. Ofikyɛ sɔ Mose ne, akoaa he bɔ ɔɔyele yɛ fili Misraim aseɛ so wale ne de, yɛnze bɔ wato ye ɔ.”

Ɛksadɔso 32:11

Nakoso Mose pale AWURADE ye Nyameɛ kyerɛ kyɛ, “O AWURADE, wɔ mmenia bɔ ɛnate tumi piri ne anwoserɛ so ɛyele bɛ fili Misraim aseɛ so wale ne, nzu ati yeɛ afɛ bɛ so yaa piri sɔa ɔ?

Ɛksadɔso 32:7

Na AWURADE sele Mose kyɛ, “Dwu kɔ aseɛnwo dɔ, ofikyɛ wɔ mmenia bɔ ɛɛyele bɛ fili Misraim aseɛ so wale ne, babɔ musue.

Ɛksadɔso 6:13

AWURADE ne Mose ne Aarɔn dwudwole, na ɔhyɛle bɛ kyɛ bɛɛhã sɔ dwirɛ ne behyire Yisraelfoɛ, ɔne Misraim hene Faro, ná bɛ́ye Yisraelfoɛ béfi Misraim aseɛ so.

Ɛksadɔso 6:20

Amram gyale ye baba aliɛma brasua Yokebɛde, na ɔne ye bɛwole Aarɔn ne Mose. Amram afoɛ bɔ olili te ɛyaa ko ne aburasa ne nzoo.

Ɛksadɔso 6:7

Ngɔfa ɛmɔ ngɔyɛ me mmenia, ná me wora ngɔyɛ ɛmɔ Nyameɛ. Na ɛmɔkonwu ye kyɛ me ole AWURADE ɛmɔ Nyameɛ bɔ olele ɛmɔ fili Misraim amaneɛnwunɛ nu ne.

Ɛksadɔso 7:4

nakoso Faro ngɔtɛ ɛmɔ so. Ngɔfa me tumi ngɔhwe Misraim so, na ngɔfa asohwenɛ piri so ngɔye me lɔen, me mmenia Yisraelfoɛ, ngofi Misraim aseɛ so.

Mika 6:4

Ofikyɛ nyele wɔ mvili Misraim aseɛ so mmale, mbɔle wɔ mvili ngoaasolɛ nu, na nzomane Mose, Aarɔn ne Miriam maa belili wɔ nyunu.

Numeri 33:1

Yisraelfoɛ tuli bɛ bo koɛhonɛfoɛ kure kure fili Misraim aseɛ so, bɔ né Mose ne Aarɔn la bɛ noa ne, nekaa ahoroɔ bɔ bɛkyekyele asikyeleɛ mɔ ɛhe.

Yosua 24:5

Afei nzomane Mose ne Aarɔn, na nikyee bɔ nyɔle ye wɔ Misraim ne, ɔmane ɛhawo pirikua wale berɛ. Na ɛhe asi ne, nyele ɛmɔ mvili berɛ.

1 Samuel 12:6

Na Samuel sele mmenia ne kyɛ, “AWURADE bɔ ɔneaneane nu yele Mose ne Aarɔn, ná ɔfale ɛmɔ nana mɔ fili Misraim aseɛ so wale ne, ɔte danzeniɛ.

1 Samuel 12:8

Mmerɛ bɔ Yakob hɔle Misraim ne, [Misraimfoɛ hyɛle bɛ so] ɛmɔ nana mɔ sũ frɛle AWURADE, na AWURADE somane Mose ne Aarɔn maa bɛɛyele ɛmɔ nana mɔ befili Misraim, na ɔmaa bɛɛtenane wa.