Ɛksadɔso 6:25 - AHYERƐLƐ KRONGRON

²⁵ Aarɔn awa Eleasa gyale Putiel mma mmrasua nemɔ ko, na ɔne ye bɛwole Finehase. Lewi abusua kure ne, nu abusua mbanyi bɔ bɛlela ye noa ɛne.

Ɛksadɔso 6:25 Iomraidhean Croise

Ɛsra 7:5

bɔ ye baba ole Abisua, bɔ ye baba ole Finehase, bɔ ye baba ole Eleasa, bɔ ye baba ole ɔsɔfo panyi Aarɔn ne,

Numeri 26:57

Bɛhale Lewifoɛ mmusua mmusua ne, bɛ ɛhe: Gɛsɔnfoɛ bɔ bɛte Gɛsɔn sasofoɛ; Kohatefoɛ bɔ bɛte Kohate sasofoɛ, yeɛ Merarifoɛ bɔ bɛte Merari sasofoɛ.

Numeri 31:6

Mose somane bɛ maa bɛhɔle koɛ ne; abusua kure biala anu mmenia apee ko. Né ɔsɔfo Eleasa awa Finehase boka bɛ so. Né ye yeɛ otira nekaa krongron berɛ ndalie nemɔ ɔne totorobɛndo mɔ bɔ bɛfa bɛbɔ ese ne ɔ.

Yosua 22:13

Yiti Yisraelfoɛ ngaa ne somane ɔsɔfo Eleasa awa Finehase maa ɔhɔle Rubenfoɛ, Gadefoɛ ne Manase abusua kure ne bue berɛ wɔ Gileade aseɛ so.

Yosua 24:33

Aarɔn awa Eleasa wuli, na besiele ye wɔ ɔwa Finehase kuro Gibea, bɔ bɛfa bɛmane Finehase wɔ Efraim mmokaa ne anu dɔ ne aso.

Maenbulɛfoɛ 20:28

na Finehase bɔ ɔse ole Aarɔn awa Eleasa ne, ye yeɛ né ɔte sɔfo wɔ Nyameɛ alaka ne nyunu ɔ.) Bebisale AWURADE kyɛ, “Yɛfa koɛ yɛɛteta y’eliɛma mɔ Benyaminfoɛ bieku, anaakyɛ yɛyakyi?” Na AWURADE buale kyɛ, Ɛmɔɔho, ofikyɛ ɛhema ngɔfa bɛ ngowura ɛmɔ sa.”