Ɛksadɔso 6:20 - AHYERƐLƐ KRONGRON

²⁰ Amram gyale ye baba aliɛma brasua Yokebɛde, na ɔne ye bɛwole Aarɔn ne Mose. Amram afoɛ bɔ olili te ɛyaa ko ne aburasa ne nzoo.

Ɛksadɔso 6:20 Iomraidhean Croise

1 Aberɛso Dwirɛ 23:13

Amram mma mmienzua ole Aarɔn ne Mose. Nyameɛ tuli Aarɔn siele berɛ kyɛ ɔɔte nningyein krongron paa nemɔ anwo, ná ye sɔ ti, ɔne ye boso ama bɛyera ɛyɛɛ wɔ AWURADE nyunu afebɔɔ, bɛsɔne ye, ná beyira mmenia wɔ AWURADE dumaa nu afebɔɔ.

Ɛksadɔso 6:16

Lewi mma mɔ dumaa, kyɛbɔ b’aworɛ ndoatoasoɛ si te hɔ ɛhe: Gɛsɔn, Kohate ne Merari. Lewi afoɛ bɔ olili te ɛyaa ko aburasa ne nzoo.

Ɛksadɔso 6:18

Kohate mma mɔ ɛhe: Amram, Yisare, Hebron ne Yusiɛl. Kohate afoɛ bɔ olili te ɛyaa ko ne aburasa ne nza.

Numeri 26:58

Lewi mmusua mmusua mɔ ɛhe: Libinifoɛ abusua, Hebronfoɛ abusua, Mahelifoɛ abusua, Musifoɛ abusua, yeɛ Korafoɛ abusua. Kohate awa ole Amram.

Numeri 26:59

Amram ɔye ole Lewi awa brasua Yokebɛde. Lewi wole Yokebɛde wɔ Misraim, na Yokebɛde ne Amram bɛwole Aarɔn ne Mose yeɛ b’eliɛma brasua Miriam.

Numeri 3:1

Mmerɛ bɔ AWURADE ne Mose dwudwole wɔ Sinai bokaa ne aso ne, né Aarɔn ne Mose bɛ sasofoɛ mɔ ɛhe:

Yosua 21:4

Serewagualɛ ne yele Kohatefoɛ mmusua nemɔ. Yiti Lewifoɛ bɔ bɛte ɔsɔfo Aarɔn bosofoɛ ne, serewagualɛ ne maa benyane nguro buru ne nza befili Yuda abusua kure, Simeon abusua kure ne Benyamin abusua kure ne berɛ.