Ɛksadɔso 6:13 - AHYERƐLƐ KRONGRON

¹³ AWURADE ne Mose ne Aarɔn dwudwole, na ɔhyɛle bɛ kyɛ bɛɛhã sɔ dwirɛ ne behyire Yisraelfoɛ, ɔne Misraim hene Faro, ná bɛ́ye Yisraelfoɛ béfi Misraim aseɛ so.

Ɛksadɔso 6:13 Iomraidhean Croise

Edwein 91:11

Ofikyɛ ɔnate wɔ ti, ɔkɔfa ahyɛdeɛ kɔma ye abɔfo mɔ, kyɛ bɛnea wɔ so wɔ w’atee amukoraa so.

Ɛksadɔso 6:12

Nakoso Mose buale AWURADE kyɛ, “Yisraelfoɛ po bandie me, ɔkɔyɛ sɛɛ né Faro atie me, me bɔ me noa ɔttele ɔ?”

Ɛksadɔso 6:14

Mbanyi bɔ né bɛlela b’abusua nemɔ noa ɛhe: Yisrael bamuɛbaa Ruben ye mma mɔ: Hanoke, Palu, Hesron ne Karemi. Ruben abusua mɔ ɛne.

Ɛksadɔso 6:26

Aarɔn ne Mose ole mmenia bɔ AWURADE ha hyirele bɛ kyɛ, “Ɛ́mɔye Yisraelfoɛ béfi Misraim aseɛ so, kyɛbɔ bɛ kure kure si te ɔ.”

Numeri 27:19

Maa oogyina ɔsɔfo Eleasa ne maen ne amukoraa bɛ nyunu, na fa ye tua maen ne anoa wɔ bɛ nyunu.

Numeri 27:23

Mose fale ye sa guale Yosua so, na ɔfale ye tuale maen ne anoa, kyɛbɔ AWURADE nate Mose so hyɛle ne.

Mateo 4:6

na osele ye kyɛ, “Sɛ wɔ ole Nyameɛ Awa ne a, to wɔ nwo ye aseɛnwo dɔ, ofikyɛ bahyerɛ kyɛ, ‘Wɔ ti, ɔkɔfa ahyɛdeɛ kɔma ye abɔfo mɔ, na bɛkɔsoa wɔ wɔ bɛ sa so, amaa ɔnate so wɔ gya ambura nyɔboɛ.’ ”

Deuteronomi 31:14

Na AWURADE sele Mose kyɛ, “Ɔngɔhyɛ biala né awu. Frɛ Yosua ná ɛne ye bɛbra ɛtena sua atenaleɛ nu berɛ, ná mva m’adwuma nwura ye sa.” Yiti Mose ne Yosua bɛhɔle ɛtena sua atenaleɛ nu berɛ.

1 Timoteo 1:18

Mma Timoteo, ahyɛdeɛ he yeɛ mefa mewura wɔ sa ɔ, kyɛbɔ ngɔm dwirɛ bɔ mmerɛ bie bɛhã bɛfale wɔ nwo ne ɔte ne, kyɛ ɔ́hyɛ wɔ nguraen, ná fa ko koɛ paa ne,

1 Timoteo 5:21

Ngyi Nyameɛ ne Awurade Kristo Yesu ne abɔfo bɔ baneanea nu baye bɛ ne anyunu mehyɛ wɔ kyɛ, di nhyehyɛleɛ hemɔ so, bɔ ɛnnea sona nyunu anaa ɛnyɛ nyeyemuɛ ɔ.

1 Timoteo 6:13

Nyameɛ bɔ ɔma nningyein amukoraa ngoa, ɔne Kristo Yesu bɔ ɔpakyele nu hane ye yé, ná olili adanzeɛ wɔ Pontio Pilato nyunu ne, metu wɔ foɛ wɔ bɛ nyunu,

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.

2 Timoteo 2:4

Sraaniɛ bɔ ogyi koɛ noa nen, ɔmva daadaa asetena nu dwirɛ mɔ ngyekye ye nwo, ofikyɛ okuro kyɛ ɔsɔ bɔ ɔfale ye adwuma ne nye.

2 Timoteo 4:1

Na Nyameɛ ne Kristo Yesu bɔ ɔbaabua ateasefoɛ ne awufoɛ ndɛen ne, ɔne ye nwo aliyelɛ ne ye ahennie ne, mefa mehyɛ wɔ kyɛ;