Ɛksadɔso 6:12 - AHYERƐLƐ KRONGRON

¹² Nakoso Mose buale AWURADE kyɛ, “Yisraelfoɛ po bandie me, ɔkɔyɛ sɛɛ né Faro atie me, me bɔ me noa ɔttele ɔ?”

Ɛksadɔso 6:12 Iomraidhean Croise

Ɛksadɔso 3:11

Nakoso Mose bisale Nyameɛ kyɛ, “Me ole nwa bɔ mékɔ Faro berɛ mekɔye Yisraelfoɛ mefi Misraim ɔ?”

Ɛksadɔso 3:13

Na Mose bisale Nyameɛ kyɛ, “Sɛ mekɔ Yisraelfoɛ berɛ, ná mekã mekyire bɛ kyɛ, ‘Ɛmɔ nana mɔ Nyameɛ yeɛ wasoma me ɔ,’ ná bɛ wora bebisa me kyɛ, ‘Ye dumaa li sɛɛ’ a, nzikyɛ dwirɛ yeɛ nga ngyire bɛ ɔ?”

Ɛksadɔso 4:1

Na Mose buale kyɛ, “Sɛ banne me banni, anaakyɛ bandie me dwirɛ, ná bɛka kyɛ, ‘AWURADE anye ye nwo ali wangyire wɔ huu’ ɛ?’ ”

Ɛksadɔso 4:10

Na Mose sele AWURADE kyɛ, “Mesrɛ wɔ, AWURADE. Ofi me tetetete bɔ ɔbaadwu ɛnɛ bɔ ɛne w’akoaa bedwudwo ye, nnde sona bɔ ye noa ate ɔ; me dwudwolɛ te nyaanyaa, na me temverema abutu.”

Ɛksadɔso 6:13

AWURADE ne Mose ne Aarɔn dwudwole, na ɔhyɛle bɛ kyɛ bɛɛhã sɔ dwirɛ ne behyire Yisraelfoɛ, ɔne Misraim hene Faro, ná bɛ́ye Yisraelfoɛ béfi Misraim aseɛ so.

Ɛksadɔso 6:30

Nakoso Mose buale AWURADE wɔ ye nyunu berɛ kyɛ, “Yieee! Me noa ɔttele, ɔkɔyɛ sɛɛ né Faro atie me dwirɛ?”

Ɛksadɔso 6:9

Mose hane sɔ dwirɛ ne hyirele Yisraelfoɛ nemɔ, nakoso ɔnate b’aba nu bɔ né wabu, ɔne ngoaasolɛ serɛserɛ bɔ né bɛwɔ nu ne ati, bandɛ ye so.

Yesaya 6:5

Na ngane kyɛ, “Edwirɛ ato me oo! Mawu oo! Ofikyɛ nde sona bɔ me noa kekã amumuyɛɛ dwirɛ, yeɛ nde maen bɔ nu ama kekã amumuyɛɛ dwirɛ ɔ nu; ɔnate kyɛ me nye anwu Ɛhene ne, bɔ ye ole Asafo AWURADE!”

Yeremia 1:6

Yeɛ ngane kyɛ, “Yieee, AWURADE Nyameɛ! Nahorɛ nu, menze dwudwo, ofikyɛ nde akwadaa.”

Yeremia 6:10

Nwa yeɛ ndwudwo ngyire ye mmɔ ye kɔkɔ maa otie ɔ? Nea, batuatua bɛ so, bɛngora bɛnde dwirɛ. Nea, AWURADE dwirɛ ne te ngorohoɛ dwirɛ ma bɛ; bɛ nye ngye ye nwo.

Yeremia 9:26

Misraim, Yuda, Edom, Amonfoɛ yeɛ Moabo ne bɛ bɔ bɛte ɛserɛ so amukoraa bɔ bepiapia bɛ ti angyɛnu ɔ. Ofikyɛ sɔ maen nemɔ amukoraa bɛmbɛ bɛ bienzua, na Yisrael awuro ama amukoraa, b’ahone nu de, bɛmbɛ bɛ bienzua.”

Lewitikɔso 26:41

maa ɔnate so me koso ngɔle so ndwɔso ndiale bɛ, na mvale bɛ mmale bɛ pɔfoɛ mɔ aseɛ so; sɛ bɛbrɛ b’ahone bɔ wapini ne ase, ná bede bɛto nu kyɛ bedi fɔ a,

Asomafoɛ 7:51

Na Setefano toale so hane kyɛ, “Yisraelfoɛ asoserɛfoɛ, ɛmɔapini b’ahone, yeɛ afei ɛmɔaprapra bɛ so asi wɔ Nyameɛ dwirɛ ne anwo. Ɛmɔte kyɛ ɛmɔ nana mɔ ala, bɔ dáa ɛmɔsi Sunzum Krongron ne ate ɔ!

Deuteronomi 30:6

“AWURADE wɔ Nyameɛ kɔmaa ɛne wɔ bosofoɛ bekotie ye dwirɛ, amaa ɔnate so afa w’ahone mukoraati ne wɔ kra mukoraati ahuro AWURADE wɔ Nyameɛ dwirɛ, ná anya ngoa.