Ɛksadɔso 5:6 - AHYERƐLƐ KRONGRON

⁶ Sɔ kyẽa ne ala, Faro hyɛle maen adwumayɔlɛfoɛ mɔ so mbanyi, yeɛ adwumayɔlɛfoɛ mɔ so neafoɛ mɔ kyɛ,

Ɛksadɔso 5:6 Iomraidhean Croise

2 Aberɛso Dwirɛ 26:11

Afei koso, né Yusia le koɛhonɛfoɛ bɔ bɛse ko ɔ apee ko. Sɔ koɛhonɛfoɛ nemɔ, ahyerɛlɛniɛ Yeyiɛl ɔne ahemvie panyi Maaseya bahyerɛ bɛ dumaa kure kure, na Nana Yusia ye safohene ko bɔ bɛfrɛ ye Hanania yeɛ né ɔla bɛ noa ɔ.

Ɛksadɔso 1:11

Yiti bɛyeyele adwumayɔlɛfoɛ so mbanyi maa belili bɛ so, kyɛ bɛhyɛ bɛ ma bɛyɔ adwuma bɔ ɔbo bɛ so ɔ. Na bɛkyekyele nguro Pitom ne Ramese maa Faro fa yɛle nekaa bɔ osie ye nningyein ɔ.

Ɛksadɔso 3:7

Na AWURADE hane kyɛ, “Me mmenia bɔ bɛwɔ Misraim ne, manwu b’amaneɛnwunɛ ne, na mate awuye bɔ b’adwuma so mbanyi mɔ maa bɛbɔ ne. Manwu b’amaneɛnwunɛ ne.

Ɛksadɔso 5:10

Yiti maen adwumayɔlɛfoɛ mɔ so mbanyi, yeɛ adwumayɔlɛfoɛ mɔ so neafoɛ mɔ hɔle beesele mmenia ne kyɛ, “Faro nwa: ‘Mengɔma ɛmɔ ɛserɛ ko.’

Ɛksadɔso 5:19

Yisrael mbanyi bɔ adwuma ne wura bɛ sa nwuni kyɛ edwirɛ ato bɛ, wɔ mmerɛ bɔ bɛha behyirele bɛ kyɛ, “Mmerekese somaa bɔ ɛlɛho biala ɛmɔpɛ ne, ɛmɔngɔte so.”

Ɛksadɔso 5:7

“Nnɛmɔma mmenia nemɔ ɛserɛ ko maa bɛpɛ mmerekese kyɛbɔ daa ne ɛmɔyɔle ne, na mmom ɛ́mɔma bɛ bɔbɔ bɛɛpena ɛserɛ ne.

Anyandera 12:10

Teneneeniɛ ɔdwene ye nyɛmmoa nwo, nakoso bɔnefoɛ de, ye anwumvoinnwunɛ po ɔte atianuserɛ.

Numeri 11:16

Yiti AWURADE sele Mose kyɛ, “Yisrael mbanyi bɔ ɛse kyɛ bɛte mmenia ne aso mbanyi ne atitire ne, boaboa bɛ nu aburasoo noa ma me. Fa bɛ bra ɛtena sua ne anu, ná ɛne bɛ gyina berɛ.

Deuteronomi 1:15

Yiti mvale ɛmɔ mmusua kure nemɔ anu atitirefoɛ nworɛfoɛ bɔ mmenia bu bɛ ɔ, na mmɔle bɛ panyi wɔ ɛmɔ koɛhonɛfoɛ nu mmenia apee apee, ɛyaa ɛyaa, aburannu aburannu ne buru buru so, na mmane ebiemɔ koso lelale ɛmɔ mmusua ne amukoraati noa.

Deuteronomi 16:18

“Wɔ nguro amukoraati bɔ AWURADE wɔ Nyameɛ ɔ́fa ma wɔ ne, neanea nu ná yeye ndɛenbualɛfoɛ ne mbanyi fi w’abusua kure nemɔ anu, na bɛ yeɛ bɛkɔfa ndɛen bɔ ɔtengyɛ bekobu maen ne ɔ.

Yosua 24:1

Afei Yosua mane Yisrael mmusua kure ne amukoraati yiale wɔ Sɛkem. Ɔfrɛle Yisrael mbanyi, mmusua mbanyi, ndɛenbualɛfoɛ ne atitirefoɛ, na beegyinane Nyameɛ nyunu.

Yosua 24:4

Na Yisake koso mmaa ɔwole Yakob ne Yisɔ. Mvale Sɛre mmokaa aseɛ mane Yisɔ kyɛ ɔfa tena so, nakoso Yakob ne ye mma mɔ de, bɛhɔle Misraim.

Yosua 8:33

Yisraelfoɛ amukoraati, ɛwɔfoɛ ne maen mmaa, bɛ ne Yisrael mbanyi ne safohene mɔ ne ndɛenbualɛfoɛ mɔ, begyinagyinane apam alaka ne bue faen ne ye bue faen, wɔ Lewifoɛ bɔ bɛte asɔfo bɔ bɛsõ AWURADE apam alaka ne anyunu. Bɛ bue ko gyinagyinane Gerisim bokaa ndendeneɛ so, yeɛ bɛ bue ko wora gyinagyinane Ebal bokaa ndendeneɛ so, kyɛbɔ AWURADE somvoɛ Mose lili moa hyehyɛle ne; kyɛ, odi kyɛ beyira Yisrael.