Ɛksadɔso 5:4 - AHYERƐLƐ KRONGRON

⁴ Nakoso Misraim hene sele bɛ kyɛ, “Mose ne Aarɔn, nzu ati yeɛ ɛmɔpena kyɛ bɛma mmenia ne yakyi b’adwuma bɔ bɛyɔ ne ɔ? Ɛmɔhɔ bɛɛtoa ɛmɔ adwuma serɛ ne aso!”

Ɛksadɔso 5:4 Iomraidhean Croise

Ɛksadɔso 1:11

Yiti bɛyeyele adwumayɔlɛfoɛ so mbanyi maa belili bɛ so, kyɛ bɛhyɛ bɛ ma bɛyɔ adwuma bɔ ɔbo bɛ so ɔ. Na bɛkyekyele nguro Pitom ne Ramese maa Faro fa yɛle nekaa bɔ osie ye nningyein ɔ.

Ɛksadɔso 2:11

Mose nyini ne, ɛlɛho bie ɔɔpasale oliɛma mɔ Hebrifoɛ nwo, na onwuni adwuma serɛ bɔ né bɛ́hyɛ bɛ maa bɛyɔ ɔ. Na onwuni kyɛ Misraimniɛ bie ɔ́bo oliɛma Hebrifoɛ nemɔ anu ko ɔ.

Ɛksadɔso 6:5

Asa koso, Yisraelfoɛ bɔ Misraimfoɛ afa bɛ ayɛ nganga ne, mate awuye bɔ bɛbɔ ne, na makaye m’apam ne.

Yeremia 38:4

Yeɛ mbanyi nemɔ hã hyirele ɛhene ne kyɛ, “Yɛsrɛ wɔ, maa behũ akoaa he, ofikyɛ ɔnate ye dwirɛ bɔ ɔkekã kyire bɛ ne aso, obu koɛhonɛfoɛ bɔ baha kuro ye anu, ɔne maen ne amukoraa b’abasa nu. Ofikyɛ akoaa he ɔmbena maen he yé, na mmom ɔpena ye ne tɛɛ.”

Amose 7:10

Afei Betel sɔfo Amasia tole ngraa ɔɔmane Yisrael hene Yeroboam kyɛ, “Amose abɔ wɔ nwo porɛ wɔ Yisrael awuro ama mɔ nu’. Ye noa dwirɛ ne amukoraa kɔbɔ maen ne.

Luka 23:2

Na bɛhyɛle ye bo bɛbɔle ye kwaadu kyɛ, “Akoaa he, yɛhyele ye kyɛ ɔbɔ yɛ maen ne anwo tokuro, na ɔbera mmenia kyɛ nnɛmaa betua toɔ bɛma Kaesare; afei koso, ɔnwa ye ala ole Ɛhene Kristo ne.”

Asomafoɛ 24:5

Yanwu kyɛ sɔ akoaa he te busueniɛ bɔ ɔbɔ maen ɔ. Ɔfa manzoen toto Yudafoɛ amukoraa bɔ bɛwɔ ewiase amukoraa b’afia, na ye yeɛ ɔte Nasarɛtefoɛ fekue ne aso panyi ɔ.