Ɛksadɔso 5:3 - AHYERƐLƐ KRONGRON

³ Na besele kyɛ, “Hebrifoɛ Nyameɛ ne ɔne yɛ ayia, yiti yɛsrɛ wɔ, ma yɛ ate ma yɛhɔ atee bɔ bɛfa ɛlɛsa bɛpɛ ɔ wɔ ɛserɛ so, ná yɛɛbɔ afɔleɛ yɛma AWURADE yɛ Nyameɛ ne; na anyɔ a né wafa ewue anwonyerɛ anaa ngrandɛ wawa yɛ so.”

Ɛksadɔso 5:3 Iomraidhean Croise

2 Ahemvo 17:25

Mmerɛ bɔ bɛɛtenane aseɛ ne aso ne, banzɔne AWURADE, yiti AWURADE somane gyata mɔ maa bɛwale bɛ nu beehuhuni bɛ nu biemɔ.

2 Aberɛso Dwirɛ 30:8

Nnɛma ɛmɔyɛ asoserɛ kyɛbɔ ɛmɔ nana mɔ yɛle ne, na mmom ɛ́mɔbrɛ ɛmɔ nwo ase bɛ́ma AWURADE. Ɛmɔbra AWURADE ɛmɔ Nyameɛ nekaa krongron bɔ wate ye nwo afebɔɔ ne anu, ná ɛ́mɔso ye, amaa ɔnate so wayakyi ye yaa piri bɔ wafɛ ye wɔ ɛmɔ so ne.

Ɛsra 7:23

Nyameɛso Nyameɛ ne, ahyɛdeɛ biala bɔ ɔkɔhyɛ kɔfa ye awuro ne anwo ne, odi kyɛ ɛmɔyɔ ye pɛpɛɛpɛ bɛma nyameɛso Nyameɛ ne. Anyɔ a, ɔkɔfɛ me Nana Atasɛsɛse, me ne me mma y’ahennie so yaa.

Ɛksadɔso 3:18

“Bekotie wɔ dwirɛ, na ɛne Yisrael mbanyi bɛhɔ Misraim hene berɛ beese ye kyɛ, ‘AWURADE, Hebrifoɛ Nyameɛ ne, ɔne yɛ ayia. Yiti yɛsrɛ wɔ, ma yɛ ate ma yɛhɔ atee bɔ bɛfa ɛlɛsa bɛpɛ ɔ wɔ ɛserɛ so, ná yɛɛbɔ afɔleɛ yɛma AWURADE yɛ Nyameɛ ne.’

Ɛksadɔso 7:16

Na ka kyire ye kyɛ, AWURADE, Hebrifoɛ Nyameɛ ne asoma me kyɛ mmanga ngyire wɔ kyɛ, ‘Ma me mmenia nemɔ bɛhɔ bɛɛsɔne me wɔ ɛserɛ so, nakoso abubu mmakaa atua wɔ so maa waadwu bekye.’

Ɛksadɔso 8:1

Na AWURADE sele Mose kyɛ, “Kɔ Faro berɛ kose ye kyɛ, ‘AWURADE nwa nyoo: Ma me mmenia nemɔ ate ma bɛhɔ, ná bɛɛsɔne me.

Ɛksadɔso 8:20

Na AWURADE sele Mose kyɛ, “Dwɔso ngyerɛmɔ tutuutu kɔ Faro berɛ, wɔ mmerɛ bɔ ófite kɔ nzue ne anu ɔ, ná ka kyire ye kyɛ, ‘AWURADE nwa nyoo: Ma me mmenia nemɔ ate ma bɛhɔ, ná bɛɛso me.

Ɛksadɔso 8:27

Ɔsɛ kyɛ yɛpɛ atee bɔ bɛfa ɛlɛsa bɛpɛ ɔ wɔ ɛserɛ so yɛkɔbɔ afɔleɛ yɛma AWURADE yɛ Nyameɛ ne, kyɛbɔ wahyɛ yɛ ne ala.”

Hesekiel 6:11

AWURADE Nyameɛ nwa nyoo, “Bɔ wɔ sa nu, fa wɔ gya pem pem berɛ, ná kã kyɛ, ‘Aa!’ Ɔnate Yisrael awuro ama b’akyiwadeɛ bɔne bɔ bayɔ ne amukoraa ti ɔ; ofikyɛ bɛkɔtotɔ ngrandɛ noa, na ɛhɔen ne ewue anwonyerɛ kohũhũ bɛ.

Lewitikɔso 26:25

Na ngɔhwe ɛmɔ so ngrandɛ, ná matɔ ɛmɔ so wereɛ, ɔnate apam bɔ ɛmɔabu so ne ati. Na sɛ ɛmɔkɔfeafea ɛmɔ nguro nemɔ anu a, ngɔsoma anwonyerɛ tɛɛ maa ɔkɔbɔ ɛmɔ, na ngɔfa ɛmɔ ngowura ɛmɔ pɔfoɛ mɔ sa.

Deuteronomi 28:21

AWURADE kɔfa ewue anwonyerɛ kɔto wɔ so, kɔpem kyɛ ɔkɔpra wɔ boso kofi aseɛ bɔ ɛkwaafa tena so ne aso ɔ.