Ɛksadɔso 5:22 - AHYERƐLƐ KRONGRON

²² Afei Mose sá sele AWURADE kyɛ, “Oo AWURADE, nzu ati yeɛ ama edwirɛ sɔaa ato mmenia ye mɔ ɔ? Nzu ati yeɛ ɛsomane me ɔ?

Ɛksadɔso 5:22 Iomraidhean Croise

1 Ahemvo 19:10

Obuale kyɛ, “Matu me nwo masie berɛ kyɛ meko mema AWURADE Asafo Nyameɛ, ofikyɛ Yisraelfoɛ bahwi bafa w’apam ne aso, badwiri w’afɔleɛ bokyea mɔ bagua ase, yeɛ bele ngrandɛ bahũhũ wɔ ngɔmhyɛlɛfoɛ mɔ. Waha me ngome twe, na bɛpena me beku me.”

1 Ahemvo 19:4

Nakoso Elia bɔbɔ de, ɔpɛle atee bɔ bɛfa ɛlɛho yeɛ bɛpɛ ɔ hɔle ɛserɛ so, na ɔɔtenane tanure bie abo. Ɔyɛle ye adwene kyɛ owuli po ahaa okuro. Ɔhane kyɛ, “Afei de wayɛ yé, ao AWURADE, ku me pɛen ko, na nnde paa mendra me nana mɔ.”

Edwein 73:25

Nwa yeɛ nne ye wɔ nyameɛso ɔ, sana wɔ ala? Yeɛ membena hwee wɔ aseɛ ye aso, sana wɔ ala.

Ɛksadɔso 17:4

Yiti Mose sũ frɛle AWURADE kyɛ, “Nzikyɛ yeɛ nyɔ mma mmenia ye mɔ ɔ? Bɛ́pena bɛboro me nyɔboɛ.”

Yeremia 12:1

Ao AWURADE, sɛ mebɔ wɔ kwaadu a, edi be kaenn. Nakoso maa mva me dwirɛ ndo wɔ nyunu. Nzu ati yeɛ oyie bɔnefoɛ yé e? Nzu ati yeɛ ngɔngɔnzaafoɛ amukoraa bɛ so anu atɔ bɛ ɔ?

Yeremia 20:7

O AWURADE, alakalaka me, mamaa alakalaka me. W’anwoserɛ bo me deɛ so, na ali ngonim. Bɛgoro me nwo daa biala; ebiala sere me.

Yeremia 4:10

Yeɛ ngane kyɛ, “Aa, AWURADE Nyameɛ, ye de, amba alakalaka maen ye ne Yerusalem, ofikyɛ ɛhane kyɛ, ‘Okoyie ɛmɔ yé’, wɔ aberɛ bɔ ngrandɛ la bɛ komvi ɔ.”

Habakuku 2:3

Ofikyɛ nyekyire ne, ɔ́nwondɛ mmerɛ bɔ bahyehyɛ bato berɛ bama ye ɔ; ɔpe ndɛen kyɛ ɔkɔwa nu ɔ, na ɔngɔyɛ ngyɛkyerɛ. Sɛ ɔyɛ ngyɛkyerɛ po a, nwondɛ; ofikyɛ ɔkɔwa nu amba, ɔngɔyɛ ngyɛkyerɛ.

Numeri 11:11

Yiti Mose bisale AWURADE kyɛ, “Nzu ati yeɛ ɛne w’akoaa bali ye weewee sɔa ye? Nzu ati yeɛ annwu me anwumvoin bɔ afa mmenia ne amukoraa bɛ nwo ngyeleɛ ahye me ye?

Yosua 7:7

Na Yosua sele kyɛ, “O, AWURADE Nyameɛ! Nzu ati koraa yeɛ ɛfale maen he pɛle asue Yɔɔdan ɔ, kyɛ ɛbaafa yɛ wura Amorifoɛ sa maa bekuku yɛ ɔ? Sɛ né yɛse po a, ahaa yɛhale Yɔɔdan si dɔ!

1 Samuel 30:6

Edwirɛ piri tole Dawide, ofikyɛ ye mmenia nemɔ yɛle kyɛ bɛkɔboro ye nyɔboɛ. Ebiala ahone huli, ofikyɛ né bahye bɛ mma mmienzua ne mmrasua nnure bahɔ. Nakoso Dawide fale ye nye tole AWURADE ye Nyameɛ, na ogyinane pindinn.