Ɛksadɔso 5:21 - AHYERƐLƐ KRONGRON

²¹ Na besele bɛ kyɛ, “Nyameɛ ɔ́nea ɛmɔ na óbua ɛmɔ ndɛen, ofikyɛ ɛmɔamaa yayɛ tɛɛ wɔ Faro ne ye mbanyi nyunu, na ɛmɔafa ngrandɛ bawura bɛ sa nu kyɛ behũ yɛ.”

Ɛksadɔso 5:21 Iomraidhean Croise

Gyenesise 16:5

Na Sarae sele Abram kyɛ, “Edwirɛ tɛɛ bɔ ɔfa di me ne, ɔkɔbɔ wɔ ti so. Me yeɛ mvale m’afaneɛ mane wɔ kyɛ ɛne ye bɛla ɔ, nakoso onwuni kyɛ ɔnwonzɛ nen, afei de ommu me. Mesrɛ kyɛ AWURADE obua wɔ ne me y’afia ndɛen!”

Gyenesise 31:53

Abraham Nyameɛ bɔ ɔte Nahɔ Nyameɛ na osa te bɛ baba Nyameɛ ne, óbua me ne wɔ y’afia ndɛen.” Yiti Yakob fale Nyameɛ bɔ ɔse Yisake suro ye ne tale ndaen.

Gyenesise 34:30

Na Yakob sele Simeon ne Lewi kyɛ, “Ɛmɔahwe edwirɛ piri babrɛ me. Ɛmɔamaa manya ɛpɔen wɔ bɛ bɔ bɛte aseɛ ye asofoɛ ne Kanaanfoɛ ne Perisifoɛ bɛ sa nu. Me nwo mmenia anzo. Na sɛ bɛyɛ ko na bɛboaboa bɛ noa bedwɔso betia me a, bekonua me ne m’awuro ama mukoraa bo.”

2 Samuel 10:6

Amonfoɛ nwuni kyɛ bama Dawide ahone ahu bɛ so paa, yiti betuli ɛbɔfoɛ mɔ maa bɛɛbɔle sɔ mmenia hemɔ paa: Siriafoɛ koɛhonɛfoɛ apee aburanyɔ bɔ bɛnate ase ɔ, bɔ befi Bete Rehobo ne Soba, Maaka hene berɛ koɛhonɛfoɛ apee ko, yeɛ koɛhonɛfoɛ apee buru ne nyɔ bɔ befi Tobo aseɛ so.

1 Aberɛso Dwirɛ 19:6

Amonfoɛ nwuni kyɛ Dawide ahone ahu bɛ so paa. Yiti Hanun ne Amonfoɛ bɛmaa bɛfale ɛdwetɛ talɛnde apee ko bɛɛfale teaseɛnam mɔ ne pɔngɔhanɛfoɛ befili Mesopotamia, Aram Maaka ne Soba bɛwale.

Ɛksadɔso 14:11

Na besele Mose kyɛ, “Asieleɛ mɔ nne Misraim hɔ ɔ, bɔ yiti yeɛ afa yɛ awa kyɛ yɛɛwuwu yɛgua ɛserɛ ye aso ye? Ɛɛyele yɛ fili Misraim ne, bɔ amaa wato yɛ hɔ ɛne?

Ɛksadɔso 15:24

Na mmenia ne penepenene bɛ komvi beguale Mose so kyɛ, “Nzue beni yeɛ yɛ́nya ye yɛ́no ɔ?”

Ɛksadɔso 16:2

Na Yisrael ɛlɔen ne amukoraa penepenene bɛ komvi beguale Mose ne Aarɔn so wɔ ɛserɛ ne aso.

Ɛksadɔso 4:31

Mmenia ne le lili. Na bɛtele kyɛ AWURADE aapasa Yisraelfoɛ nwo, ná wanwu b’amaneɛnwunɛ nen, bɛbɔle bɛ ti ase bɛsɔnene ye.

Ɛksadɔso 5:20

Befili Faro berɛ bɛ́ba nen, bɛɛtole Mose ne Aarɔn kyɛ bɛnwondɛ bɛ.

Ɛksadɔso 6:9

Mose hane sɔ dwirɛ ne hyirele Yisraelfoɛ nemɔ, nakoso ɔnate b’aba nu bɔ né wabu, ɔne ngoaasolɛ serɛserɛ bɔ né bɛwɔ nu ne ati, bandɛ ye so.

Nworɛ Dwirɛhanɛniɛ 10:1

Kyɛbɔ nwɔsea fuin ma sona bɔ ɔyɔ sakyeɛfona ye sakyeɛ ne bo mvamva ne, sɔ ala yeɛ ngwaseasɛm kãa bie sɛkye nworɛ ne animnyam ɔ.

Yesaya 30:6

Ngwaen dɔ aseɛ ne aso ngaka nwo nyekyire ɛhe: Bɛfa amaneɛ ne yealɛ aseɛ so, aseɛ bɔ gyata beleɛ ne gyata nyii wɔ so ɔ, bɔ ɛbɔnaa ne ewoo bɔ otu ɔ wɔ so ɔ, bɛfa b’anwonyadeɛ bɛsoa afunum mɔ, yeɛ bɛfa b’agyapadeɛ bɛteta afupɔngɔ mɔ si akyakya ne aso, kyɛ bɛkwaafa bɛma maen bɔ bengonya ye so mvasoɛ biala ɔ.

Yoel 2:20

na mmom ɛlɔen bɔ ofi sorɔ dɔ ne, ngɔye ye ngofi ɛmɔ so ngɔhɔ dedeede, na ngɔfoa ye ngɔhɔ aseɛ pralaa katerepee bie aso, bɔ ye nye kyire eyia afiteleɛ ɛpo, ná ye si kyire eyia atɔleɛ ɛpo; ye nwo pambaen kotu kɔwa, na ye mvaa ne kɔbɔ kɔwa, ofikyɛ wayɔ bɔne mbiri mbiri.

Numeri 14:22

mmenia ye mɔ bɔ banwu m’animnyam ne nzɛngyerɛnneɛ bɔ nyɔle ye wɔ Misraim ɛserɛ ne aso, nakoso baso me banea pɛen buru, ná bandie me dwirɛ ne,

Numeri 14:3

Nzu ati yeɛ AWURADE ɔfa yɛ ba aseɛ he aso maa yɛbatotɔ wɔ ngrandɛ noa ye? Yɛ ye mɔ ne yɛ mma mɔ kɔyɛ koɛ nu nzesadeɛ. Sɛ yɛsa yɛ si yɛkɔ Misraim a, aso ahaa ɔtte paa mma yɛ?”

1 Samuel 13:4

Yisrael amukoraa tele kyɛ Sɔɔlo ali Filistifoɛ bɛ koɛhonɛfoɛ atenaleɛ ne aso ngonim. Besa bɛtele kyɛ Filistifoɛ afɛ Yisrael so yaa paa, yiti Yisrael koɛhonɛfoɛ nemɔ bɛɛbokale Sɔɔlo so wɔ Gilgal.

1 Samuel 27:12

Akise lele Dawide lili, na Akise dwenene kyɛ, “Wama ye nwo ayɛ ye bɔbɔ ye mmenia Yisraelfoɛ ahi paa, yiti ɔkɔyɛ me somvoɛ daa.”