Ɛksadɔso 5:2 - AHYERƐLƐ KRONGRON

² Nakoso Faro buale kyɛ, “AWURADE ne ole nwa bɔ ɔsɛ kyɛ metie ye ná mema Yisraelfoɛ bɛkɔ ɔ? Menze sɔ AWURADE ne, yeɛ Yisraelfoɛ koso mengɔma bɛngɔhɔ!”

Ɛksadɔso 5:2 Iomraidhean Croise

2 Ahemvo 18:35

Maen maen mɔ bɛ nyameɛ nemɔ amukoraa, bɛ nu beni yeɛ wahora wapepɛ wale ye maen wafi me sa nu ɔ. Nzikyɛ yeɛ ɔmaa ɛdwene kyɛ AWURADE kɔpepɛ kole Yerusalem kofi me sa nu ɔ.”

2 Aberɛso Dwirɛ 32:14

Sɔ maen maen mɔ bɔ me nana mɔ sɛkyele bɛ pasaa ne, bɛ nyameɛ nemɔ amukoraa, bɛ nu beni yeɛ wahora wapepɛ wale ye maen wafi me sa nu, bɔ yiti ɛmɔ Nyameɛ ne kɔhora kɔpepɛ kole ɛmɔ kofi me sa nu ɔ?

2 Aberɛso Dwirɛ 32:15

Yiti nnɛmɔma Hesekia fa sɔ atee ne aso ɔlakalaka ɛmɔ, anaa obiri ɛmɔ nye so, yeɛ nnɛma ɛmɔde ye bedi. Ofikyɛ maen biala anaa ahennie biala nne berɛ bɔ ye nyameɛ wahora wapepɛ wale ye mmenia wafi me anaa me nana mɔ bɛ sa nu ɔ. Ɔkɔyɛ sɛɛ né ɛmɔ Nyameɛ wahora wapepɛ wale ɛmɔ wafi me sa nu!”

2 Aberɛso Dwirɛ 32:19

Bɛkekane edwirɛ betiale Yerusalem Nyameɛ ne, kyɛbɔ bɛkekã betiale aseɛ ye aso maen maen mɔ bɛ nyameɛ nemɔ, bɔ bɛte kuro sona sa noa adwuma ne ala.

Nehemia 9:10

Ɛyɔle nzɛngyerɛnneɛ ne anwanwadeɛ tiale Faro ne ye mbanyi amukoraa ne ye aseɛ ne aso ama mukoraa, ofikyɛ enwuni kyɛ bɛyɔle aniammɔwoho betiale yɛ nana mɔ. Elele dumaa, na sɔ dumaa ne watena berɛ maa waadwu ɛnɛ ye.

YOB NWOMAA NE 15:25

Ofikyɛ watengyɛ ye sa Nyameɛ nyunu, na wadwɔso watia Tuminiɛ ne.

YOB NWOMAA NE 15:26

Otira akokyɛm kubuu, bɔ wayɛ ye nwo lɔen wafa wahɔ ye so ɔ.

YOB NWOMAA NE 21:15

Tuminiɛ ne te nzu, bɔ ɔsɛ kyɛ yɛso ye ɔ? Yɛbɔ mbaeɛ yɛkyire ye a, nzikyɛ mvasoɛ yeɛ yɛkonya ɔ?’

Edwein 10:4

Bɔnefoɛ ye anwomasoɛ maa ɔmbena Nyameɛ si atee; ye adwene amukoraa ole kyɛ, “Nyameɛ biala nne berɛ.”

Edwein 12:4

ɔne bɛ bɔ bɛkã kyɛ, “Yɛkɔfa yɛ noa yɛkɔbɔ yɛ nwo waen; yɛ bɔbɔ deinn yeɛ yɛle yɛ noa ɔ, yɛlle meneɛ biala!” ne.

Edwein 12:5

AWURADE nwa nyoo, “Ɔnate kyɛ sona bɔ olle bie ne, bɛhyɛ ye, ná bɛma sona bɔ ɔyɛ anwumvo ne odi aworabɔlɛ ne ati, ngɔkekã me nwo. Ye nwo waenbɔlɛ bɔ yeɛ ɔpena ne, ngɔfa ngɔma ye.”

Edwein 14:1

Kwaseaa kã ye wɔ ti anu kyɛ, “Nyameɛ biala nne berɛ.” Olle adwene paa, na amumuyɛɛ bɔ ɔte akyiwadeɛ yeɛ ɔyɔ ɔ, ebiala nne berɛ bɔ ye bra te sannwuu ɔ.

Ɛksadɔso 3:19

Me de, mese kyɛ Misraim hene ngɔma ɛmɔ ate ma ɛmɔngɔhɔ, sana tumi piri bie hyɛ ye so koraka.

Ɛksadɔso 7:17

AWURADE nwa nyoo, ‘Bɔ ɔkɔmaa ekonwu ye kyɛ nde AWURADE ɛhe: Tie, ngɔfa pɔmaa bɔ otira me sa nu ne ngofĩ asue Naele nu, na nzue ne kɔkakyi mogya.

Anyandera 30:9

amaa ɔnate so mannya me nwo tam, ná mambo wɔ manga kyɛ, “Nwa ole AWURADE?” Afei koso, ná wanhia me ma manwua, ná mamva fiɛ manga me Nyameɛ dumaa.

Yeremia 42:13

Nakoso sɛ ɛmɔkã kyɛ, ‘Yɛngɔtena aseɛ he aso’, ná sɛ ɛmɔyɛ AWURADE ɛmɔ Nyameɛ dwirɛ nwo asoserɛ

Yeremia 48:26

Ɛ́mɔma ɔbo (nzaa), ofikyɛ ɔmomane ye nwo so hyirele AWURADE. Yiti Moabo kɔla ye feɛ nu, na ye koso bɛkɔgoro ye nwo.

Daniel 3:15

Afei de, sɛ ɛmɔaboaboa ɛmɔ nwo kyɛ sɛ ɛmɔte awɛen, dodobɛen, sangoo, bɛnda, atɛndɛbɛn, kyenneɛ ne sangoo ahoroɔ nga a, ɛmɔkobutu berɛ bɛkɔsɔne amoen bɔ magyina ne a, ye de ɛmɔ nwo sonn. Nakoso sɛ ɛmɔanzɔne ye de a, ye de bekofindi ɛmɔ bekogua see bɔ ogye wuronyiwuronyi wɔ foonoo nu ne anu; na nyameɛ beni yeɛ ɔkɔhora kɔpepɛ kole ɛmɔ kofi me sa nu ɔ?”

Yohane 16:3

Na bɛkɔfa sɔ dwirɛ nemɔ bekoli ɛmɔ, ofikyɛ bennya bennwuni Baba ne anaa me.

Romanfoɛ 1:28

Bɛpole kyɛ bekonwu Nyameɛ nwo nimdeɛ, yiti Nyameɛ pole bɛ bɔbɔ b’adwene fiɛ ne mane bɛ, maa bɛyɔle nningyein bɔ ɔmvata ɔ.

2 Tɛsalonika 1:8

na ɔkɔtɔ bɛ bɔ bɛnze Nyameɛ, ɔne bɛ bɔ bayɛ y’Awurade Yesu Kristo nzɛmba ne nwo asoserɛ nemɔ so wereɛ.

Maenbulɛfoɛ 2:10

Afei koso, sɔ aworɛ ndoatoasoɛ ne amukoraa bewuwuli bɛɛtoale bɛ mbanyi mɔ, na aworɛ ndoatoasoɛ foforɛ fifili bɛ gya nu, bɔ né bɛnze AWURADE anaa nikyee bɔ wayɔ wama Yisrael ɔ.

1 Samuel 2:12

Eli mma nemɔ, né bɛte busuefoɛ mmenia. Né bɛmva AWURADE bɛnyɛ huu;

1 Samuel 25:10

Nakoso Nabal buale Dawide somvoɛ nemɔ kyɛ, “Nwa ole sɔ Dawide ne? Nwa ole sɔ Yese awa ne? Ngoaa mɔ bɔ ɛlɛsa ye bɛnwati befi bɛ mene mɔ nwo ne, bɛsone pee.